OT text: A tekst disi kmoto fu: Wortu fu Gado © Surinaams Bijbelgenootschap 2016  OT Audio: ℗ 2021 Hosanna NT Text: Sranan Tongo © 2002 Stichting Surinaams Bijbelgenootschap www.surinamebiblesociety.org/ NT Audio: ℗ 2007 Hosanna

Sranan Tongo - SURBS (Bible) Drama

<div class="version vid674 iso6393srn" data-vid="674" data-iso6393="srn">
 <div class="book bkLUK">
 <div class="chapter ch16" data-usfm="LUK.16">
 <div class="label">16</div><div class="s">A agersitori fu a man di ben luku den gudu</div><div class="p"> 1Dan Yesus gi den sma di ben e teki leri fu En wan agersitori. A taki: &#8220;Wan guduman ben abi wan man di ben e luku den gudu fu en. Dan a guduman kisi fu yere tak' a man ben e fermorsu en gudu. 2A seni kari en, dan a taigi en taki: &#8216;San na den sani san mi e yere fu yu? Yu mus gi frantwortu fu san yu ben du nanga den gudu fu mi, bika yu no o luku den moro langa.&#8217;</div><div class="p"> 3Ne a man prakseri taki: &#8216;San mi mus du? Mi masra o puru a wroko na mi anu. Mi no man diki skopu, &#232;n mi e syen fu go begi moni. 4We, mi sabi san mi o du fu den sma opo den oso gi mi te mi lasi mi wroko.&#8217; 5Dan a seni kari ala den sma di mus pai en masra wan fru wan kon na en. A aksi a fosi wan taki: &#8216;Omeni yu mus pai mi masra?&#8217;</div><div class="p"> 6A man piki en taki: &#8216;Mi mus pai wan hondro bari oli.&#8217;</div><div class="p">Dan a taigi a man taki: &#8216;Luku a papira dya san e sori omeni yu mus pai. Go sidon es'esi, dan yu skrifi tak' yu mus pai feifitenti bari oli.&#8217;</div><div class="p"> 7Baka dati a aksi a di fu tu man taki: &#8216;Omeni yu mus pai mi masra?&#8217;</div><div class="p">A man piki en taki: &#8216;Mi mus pai wan hondro saka aleisi.&#8217;</div><div class="p">Dan a taigi a man dati taki: &#8216;Luku a papira dya san e sori omeni yu mus pai. Skrifi tak' yu mus pai aititenti saka aleisi.&#8217;</div><div class="p"> 8A man di ben luku den gudu, no du san bun, ma en masra prijse en fu a koni sani san a du. Na so a de. Den sma fu a grontapu disi e denki moro bun te den abi fu wroko nanga densrefi, moro den sma fu a leti.</div><div class="p"> 9Dat'ede Mi e taigi un taki: Du bun gi tra sma nanga den gudu#16:9 Ini Grikitongo a skrifi: &#8220;mammon.&#8221; A wortu disi wani taki: &#8220;moni&#8221; noso &#8220;grontapu gudu.&#8221; fu grontapu. Bika te yu no o abi den sani dati moro, yu o abi wan oso fu t&#234;go. 10Efu den kan fertrow yu nanga pikinpikin sani, dan den o man fertrow yu nanga bigi sani tu. Ma efu yu no de fu fertrow nanga pikinpikin sani, dan yu no o de fu fertrow nanga bigi sani tu. 11So, efu yu no ben de fu fertrow nanga grontapu gudu, dan suma sa fertrow yu nanga trutru gudu? 12&#200;n efu yu no ben de fu fertrow nanga den sani fu wan tra sma, dan suma sa gi yu sani san de fu yu srefi?</div><div class="p"> 13Wan knekti no kan wroko gi tu basi. Bika a sa hori a wan na ati, dan a lobi a trawan. Noso a sa lespeki a wan, ma a no o teri a trawan. Yu no kan dini Gado makandra nanga den gudu fu grontapu.&#8221; #Mat 6:24</div><div class="s">Yesus nanga den Fariseiman</div><div class="p"> 14Di den Fariseiman yere san Yesus taki, den meki spotu nanga En, bika den ben lobi moni. 15Dan Yesus taigi den taki: &#8220;Un wani fu den sma si un leki sma di bun ini Gado ai, ma Gado sabi un ati. Bika san warti furu ini libisma ai, no warti noti gi Gado.</div><div class="p"> 16Moses nanga den profeiti ben leri unu te leki Yohanes kon. Bigin fu a ten dati a Bun Nyunsu e preiki tak' Gado o tiri libisma, &#232;n ala sma e du muiti fu kon ondro a tiri fu Gado. #Mat 11:12-13 17We arki, a moro makriki fu broko heimel nanga grontapu, dan fu puru wan pikin pisi fu a w&#232;t fu Gado. #Mat 5:18</div><div class="p"> 18Iniwan man di broko trow nanga en frow, dan a trow nanga wan trawan, e libi wan huru libi. &#200;n efu wan man trow nanga wan frow di en masra broko trow nanga en, a e libi wan huru libi tu.&#8221; #Mat 5:32; 1Kor 7:10-11</div><div class="s">A guduman nanga Lasarus</div><div class="p"> 19Yesus taki: &#8220;Yu ben abi wan guduman di ben e weri bun diri krosi, &#232;n ala dei a ben e hori bigi fesa. 20&#200;n yu ben abi wan p&#244;timan tu di ben nen Lasarus. A ben e didon na mofodoro fu a guduman oso, &#232;n en heri skin ben lai nanga sorosoro. 21A ben e angri fu furu en bere nanga san ben fadon fu a tafra fu a guduman. Te a ben e didon drape, den dagu ben e kon leki den soro fu en.</div><div class="p"> 22Baka wan pisten a p&#244;timan kon dede, dan den engel tyari en go na Abraham sei. A guduman dede tu, dan den beri en. 23A ben e nyan hebi pina na ini dedekondre. Di a opo en ai luku, a si Abraham farawe nanga Lasarus na en sei. 24Dan a bari gi Abraham taki: &#8216;Papa Abraham, sari mi! Seni Lasarus fu a go dopu en finga na ini pikin watra fu kon kowru mi tongo. Bika mi e nyan tumsi pen na ini a faya disi.&#8217;</div><div class="p"> 25Ma Abraham piki en taki: &#8216;Mi boi, memre tak' di yu ben e libi na grontapu yu ben abi en bun. Ma na soso ogri ben e miti Lasarus. Now Lasarus e kisi trowstu dyaso, &#232;n yu e nyan pen. 26Boiti dati, wan dipi olo e prati wi nanga unu. So awinsi un ben sa wani, no wan fasi no de fu wi kon na dat' sei. &#200;n unu fu dat' sei no man kon na wi.&#8217;</div><div class="p"> 27Dan a guduman taki: &#8216;Papa, dan mi e begi yu fu seni Lasarus go na mi p'pa oso. 28Mi abi feifi brada. Meki a go warskow den bun, fu den no kon pina dya tu.&#8217;</div><div class="p"> 29Ma Abraham taigi en taki: &#8216;Den brada fu yu abi den buku fu Moses nanga den profeiti. Meki den arki san den e taki.&#8217;</div><div class="p"> 30Ma a man piki taki: &#8216;Nono, papa Abraham. Ma efu wan sma di dede kba go warskow den, den o drai den libi.&#8217;</div><div class="p"> 31Ma Abraham taki: &#8216;Efu den no e arki Moses nanga den profeiti, dan den no o arki wan tra sma, awinsi a kon baka na libi.&#8217; &#8221;</div>
 </div>
 </div>
</div>

Dan Yesus gi den sma di ben e teki leri fu En wan agersitori. A taki: “Wan guduman ben abi wan man di ben e luku den gudu fu en. Dan a guduman kisi fu yere tak' a man ben e fermorsu en gudu. A seni kari en, dan a taigi en taki: ‘San na den sani san mi e yere fu yu? Yu mus gi frantwortu fu san yu ben du nanga den gudu fu mi, bika yu no o luku den moro langa.’
Ne a man prakseri taki: ‘San mi mus du? Mi masra o puru a wroko na mi anu. Mi no man diki skopu, èn mi e syen fu go begi moni. We, mi sabi san mi o du fu den sma opo den oso gi mi te mi lasi mi wroko.’ Dan a seni kari ala den sma di mus pai en masra wan fru wan kon na en. A aksi a fosi wan taki: ‘Omeni yu mus pai mi masra?’
A man piki en taki: ‘Mi mus pai wan hondro bari oli.’
Dan a taigi a man taki: ‘Luku a papira dya san e sori omeni yu mus pai. Go sidon es'esi, dan yu skrifi tak' yu mus pai feifitenti bari oli.’
Baka dati a aksi a di fu tu man taki: ‘Omeni yu mus pai mi masra?’
A man piki en taki: ‘Mi mus pai wan hondro saka aleisi.’
Dan a taigi a man dati taki: ‘Luku a papira dya san e sori omeni yu mus pai. Skrifi tak' yu mus pai aititenti saka aleisi.’
A man di ben luku den gudu, no du san bun, ma en masra prijse en fu a koni sani san a du. Na so a de. Den sma fu a grontapu disi e denki moro bun te den abi fu wroko nanga densrefi, moro den sma fu a leti.
Dat'ede Mi e taigi un taki: Du bun gi tra sma nanga den gudu fu grontapu. Bika te yu no o abi den sani dati moro, yu o abi wan oso fu têgo. Efu den kan fertrow yu nanga pikinpikin sani, dan den o man fertrow yu nanga bigi sani tu. Ma efu yu no de fu fertrow nanga pikinpikin sani, dan yu no o de fu fertrow nanga bigi sani tu. So, efu yu no ben de fu fertrow nanga grontapu gudu, dan suma sa fertrow yu nanga trutru gudu? Èn efu yu no ben de fu fertrow nanga den sani fu wan tra sma, dan suma sa gi yu sani san de fu yu srefi?
Wan knekti no kan wroko gi tu basi. Bika a sa hori a wan na ati, dan a lobi a trawan. Noso a sa lespeki a wan, ma a no o teri a trawan. Yu no kan dini Gado makandra nanga den gudu fu grontapu.”

Di den Fariseiman yere san Yesus taki, den meki spotu nanga En, bika den ben lobi moni. Dan Yesus taigi den taki: “Un wani fu den sma si un leki sma di bun ini Gado ai, ma Gado sabi un ati. Bika san warti furu ini libisma ai, no warti noti gi Gado.
Moses nanga den profeiti ben leri unu te leki Yohanes kon. Bigin fu a ten dati a Bun Nyunsu e preiki tak' Gado o tiri libisma, èn ala sma e du muiti fu kon ondro a tiri fu Gado. We arki, a moro makriki fu broko heimel nanga grontapu, dan fu puru wan pikin pisi fu a wèt fu Gado.
Iniwan man di broko trow nanga en frow, dan a trow nanga wan trawan, e libi wan huru libi. Èn efu wan man trow nanga wan frow di en masra broko trow nanga en, a e libi wan huru libi tu.”

Yesus taki: “Yu ben abi wan guduman di ben e weri bun diri krosi, èn ala dei a ben e hori bigi fesa. Èn yu ben abi wan pôtiman tu di ben nen Lasarus. A ben e didon na mofodoro fu a guduman oso, èn en heri skin ben lai nanga sorosoro. A ben e angri fu furu en bere nanga san ben fadon fu a tafra fu a guduman. Te a ben e didon drape, den dagu ben e kon leki den soro fu en.
Baka wan pisten a pôtiman kon dede, dan den engel tyari en go na Abraham sei. A guduman dede tu, dan den beri en. A ben e nyan hebi pina na ini dedekondre. Di a opo en ai luku, a si Abraham farawe nanga Lasarus na en sei. Dan a bari gi Abraham taki: ‘Papa Abraham, sari mi! Seni Lasarus fu a go dopu en finga na ini pikin watra fu kon kowru mi tongo. Bika mi e nyan tumsi pen na ini a faya disi.’
Ma Abraham piki en taki: ‘Mi boi, memre tak' di yu ben e libi na grontapu yu ben abi en bun. Ma na soso ogri ben e miti Lasarus. Now Lasarus e kisi trowstu dyaso, èn yu e nyan pen. Boiti dati, wan dipi olo e prati wi nanga unu. So awinsi un ben sa wani, no wan fasi no de fu wi kon na dat' sei. Èn unu fu dat' sei no man kon na wi.’
Dan a guduman taki: ‘Papa, dan mi e begi yu fu seni Lasarus go na mi p'pa oso. Mi abi feifi brada. Meki a go warskow den bun, fu den no kon pina dya tu.’
Ma Abraham taigi en taki: ‘Den brada fu yu abi den buku fu Moses nanga den profeiti. Meki den arki san den e taki.’
Ma a man piki taki: ‘Nono, papa Abraham. Ma efu wan sma di dede kba go warskow den, den o drai den libi.’
Ma Abraham taki: ‘Efu den no e arki Moses nanga den profeiti, dan den no o arki wan tra sma, awinsi a kon baka na libi.’ ”

Makinig sa Lukas 16