<div class="version vid3740 iso6393kkl" data-vid="3740" data-iso6393="kkl">
   <div class="book bkACT">
      <div class="chapter chINTRO1" data-usfm="ACT.INTRO1">
         <div class="imt"><span class="content">El nenerop yubu palilamap</span></div><div class="ip"><span class="content">Yubu ene mome toro pibogne poneko Lukasti mome wa'amogtoba phendeag samenag uro yabiogne sembe el nenero mome toro pibog. Samenag mome toro pibog nena, Yesus mog so'oag ua ulamogti, yubu ambatto nimi yeplamsiogti, tebaogha kamag taogne sembe mome toro pibog. Mome phendepne neneag Yesus Yubu Walinge sabo tangto yabiogne sembe el nenero Lukasti mome toro pibog. Allah Yame Walingeri mikiba pipsiogne toman agha Yesusti yubu ka'ero neleptop nimiri Yahudi nimi as Yerusalem wamek nimiag alniro yubu ambarelamsiek. Amik sum ambarelamsiek yubu neneko Allah Yame Walingeri yeplamsiogne toman agha Yesusti wepto pogsiog nangdi Yudea mog so'oag babe, Samaria mog so'oag babe yubu pabalamsiekti, nimi sisa Yahudi kom nimi as tala-tala im tiptobag so'o tiptobag urop nimiag babe yubu ambatto poa tongolamsiek </span><span class="bk"><span class="content">(Pogsiang Nang 1:8)</span></span><span class="content">.</span></div><div class="ip"><span class="content">Yesus anam mangap tan komag, samenag agha Allahri eldi yubu silimu tiptop nimi pere agha Yahudi nimiag, &#8220;Taulba Uhiropne nhon yalul,&#8221; aro ik sulu salag palilamog. Yahudi nimi maiknori, &#8220;Allahri nu Yahudi nimi mo taulbahilul,&#8221; senelamek aghana, Yesus Yahudi nimi nusamag mangap taogpa, Yahudi nimi nubunangdi Yesusag sikne aro wana palilamek komdi, wa'epto ebek. Yubu walinge neneko ka'elamek komne sembe Allahri salag palilamog yubu walinge neneko nimi sisa Yahudi kom nimiag babe taog </span><span class="bk"><span class="content">(Pogsiog Nang 18:6; Roma 11:11-12)</span></span><span class="content">.</span></div><div class="ip"><span class="content">Lukasti mome toro palilamog sum eneko Roma nimiri nimi tala-tala mog so'oag wamek nimi salelamsiekpa, Yesus yubu walinge aneko sabo tangto yabiog. Yesusag wana palilamek nimiri, &#8220;Kristus poneko Allahri yubu sia lenne wepto poghogne wamla,&#8221; aro yubu ambarelamsiekne sembe, Roma nimiri sin sembe senelamsinep nena, &#8220;Mo sekukap aro mal tarop nimi wamang,&#8221; sembahinep. Aghana Lukasti yubu neneag, &#8220;Yesusag wana palirop nimiri, &#8216;Roma nimi luknubahukap,&#8217; aro ulamang kom,&#8221; aro lag nenero mome toro pibog.</span></div><div class="ip"><span class="content">Pogsiog Nangdi Ulameka yubu ene alnirobag agha Lukasti lag nenelamog nena, Yesus yubu walinge neneko as Yerusalema sabo tangto yabalamogne ot Allah Eldamne Yame Walingeri mikipne pere agha Yudea so'oag babe, Samaria so'oag babe, as Roma anekoag babe sabo taog.</span></div><div class="iot"><span class="content">Pogsiog Nangdi Ulameka yubu lomag wamlange</span></div><div class="io1"><span class="content">  </span><span class="bdit"><span class="content">1:1&#8212;2:47</span></span><span class="content"> - Allah Yame Walingeri Yesusag wana palirop nimiag mikipne pipsiogha</span></div><div class="io1"><span class="content">  </span><span class="bdit"><span class="content">3:1&#8212;8:3</span></span><span class="content"> - As Yerusalem nimiri Yesusag wana paliro winil dalameka</span></div><div class="io1"><span class="content">  </span><span class="bdit"><span class="content">8:4&#8212;9:31</span></span><span class="content"> - Yesus yubu walinge mog so'o Yudea nimiap, Samaria nimiap ambatto tongolamsieka</span></div><div class="io1"><span class="content">  </span><span class="bdit"><span class="content">9:32&#8212;15:35</span></span><span class="content"> - Yesus yubu walinge Yahudi sisa kom nimi mog so'o tala-tala urop nimi ambatto tongolamsieka</span></div><div class="io1"><span class="content">  </span><span class="bdit"><span class="content">15:36&#8212;28:31</span></span><span class="content"> - Yesus yubu walinge mog so'o Asia nimiap, mog so'o Yunani nimiap, as Roma nimiap ambatto tongolamsieka</span></div>
      </div>
   </div>
</div>

El nenerop yubu palilamap
Yubu ene mome toro pibogne poneko Lukasti mome wa'amogtoba phendeag samenag uro yabiogne sembe el nenero mome toro pibog. Samenag mome toro pibog nena, Yesus mog so'oag ua ulamogti, yubu ambatto nimi yeplamsiogti, tebaogha kamag taogne sembe mome toro pibog. Mome phendepne neneag Yesus Yubu Walinge sabo tangto yabiogne sembe el nenero Lukasti mome toro pibog. Allah Yame Walingeri mikiba pipsiogne toman agha Yesusti yubu ka'ero neleptop nimiri Yahudi nimi as Yerusalem wamek nimiag alniro yubu ambarelamsiek. Amik sum ambarelamsiek yubu neneko Allah Yame Walingeri yeplamsiogne toman agha Yesusti wepto pogsiog nangdi Yudea mog so'oag babe, Samaria mog so'oag babe yubu pabalamsiekti, nimi sisa Yahudi kom nimi as tala-tala im tiptobag so'o tiptobag urop nimiag babe yubu ambatto poa tongolamsiek (Pogsiang Nang 1:8) .
Yesus anam mangap tan komag, samenag agha Allahri eldi yubu silimu tiptop nimi pere agha Yahudi nimiag, “Taulba Uhiropne nhon yalul,” aro ik sulu salag palilamog. Yahudi nimi maiknori, “Allahri nu Yahudi nimi mo taulbahilul,” senelamek aghana, Yesus Yahudi nimi nusamag mangap taogpa, Yahudi nimi nubunangdi Yesusag sikne aro wana palilamek komdi, wa'epto ebek. Yubu walinge neneko ka'elamek komne sembe Allahri salag palilamog yubu walinge neneko nimi sisa Yahudi kom nimiag babe taog (Pogsiog Nang 18:6; Roma 11:11-12) .
Lukasti mome toro palilamog sum eneko Roma nimiri nimi tala-tala mog so'oag wamek nimi salelamsiekpa, Yesus yubu walinge aneko sabo tangto yabiog. Yesusag wana palilamek nimiri, “Kristus poneko Allahri yubu sia lenne wepto poghogne wamla,” aro yubu ambarelamsiekne sembe, Roma nimiri sin sembe senelamsinep nena, “Mo sekukap aro mal tarop nimi wamang,” sembahinep. Aghana Lukasti yubu neneag, “Yesusag wana palirop nimiri, ‘Roma nimi luknubahukap,’ aro ulamang kom,” aro lag nenero mome toro pibog.
Pogsiog Nangdi Ulameka yubu ene alnirobag agha Lukasti lag nenelamog nena, Yesus yubu walinge neneko as Yerusalema sabo tangto yabalamogne ot Allah Eldamne Yame Walingeri mikipne pere agha Yudea so'oag babe, Samaria so'oag babe, as Roma anekoag babe sabo taog.
Pogsiog Nangdi Ulameka yubu lomag wamlange
1:1—2:47 - Allah Yame Walingeri Yesusag wana palirop nimiag mikipne pipsiogha
3:1—8:3 - As Yerusalem nimiri Yesusag wana paliro winil dalameka
8:4—9:31 - Yesus yubu walinge mog so'o Yudea nimiap, Samaria nimiap ambatto tongolamsieka
9:32—15:35 - Yesus yubu walinge Yahudi sisa kom nimi mog so'o tala-tala urop nimi ambatto tongolamsieka
15:36—28:31 - Yesus yubu walinge mog so'o Asia nimiap, mog so'o Yunani nimiap, as Roma nimiap ambatto tongolamsieka

Makinig sa Pogsiog Nang El nenerop yubu palilamap