Zapoteco de San Juan Guelavia - 1995 Edition (NT) Non-Drama

Zapoteco de San Juan Guelavia - 1995 Edition (NT)

<div class="version vid283 iso6393zab" data-vid="283" data-iso6393="zab">
 <div class="book bkMAT">
 <div class="chapter ch7" data-usfm="MAT.7">
 <div class="label">7</div><div class="r">(Lc. 6:37-38, 41-42)</div><div class="p"> 1&#8217;Ne qu&#616;t cubeetit stuby de bniety, te par qu&#616;t teedt&#616; ziy. 2Te pur belati rgubeet bniety ziyza teedzact&#616;, zec ni runn&#233;t bniety ziytiziac teedt&#616;. 3Qu&#616;t cubeetiu stuby de bniety pur falt bichiin ni napdeb, g&#252;enru guu guelrsaa pur de faltroo ni cayunu. 4Ne belati mazru faltroo cayunu, &#191;x&#243;lesa gapiu stuby de bniety: &#8220;Qu&#616;t n&#225;ti g&#252;en runu zeec?&#8221; 5&#161;B&#616;ndix&#250;! Nidootellga baany zec ni ri&#225;ld, chiyru azelee gapiu stuby de bniety: Qu&#616;t runu zeec.</div><div class="p"> 6&#8217;Qu&#616;t g&#250;ntit pur g&#250;npac de ni qu&#616;t rcaaz g&#250;n cuend ni z&#233;ed pur Dios, te qu&#616;t xi gunn&#233;deb laat. Te pur belati g&#250;nt&#616; ziy, niy n&#225; zecpacza chi rcuaa bniety tuby cos ni abiacldee lo beecu. Nicl&#616;za qu&#616;t g&#250;ntit ziy cun de ni qu&#616;t rdxalaaz ni z&#233;ed pur Dios. Te pur belati g&#250;nt&#616; ziy, niy n&#225; zecpacza chi rcuaa bniety tuby cos ni sac lo cuch ne chiy ax chaaipzim quiani.</div><div class="r">(Lc. 11:9-13; 6:31)</div><div class="p"> 7&#8217;Nare rniia laat: Gulnaab lo Dios ne laany sguaadqu&#616;ny ni rcaazt&#616;. Gult&#237;ilny ne sdxialqu&#616;tny. Gult&#616;dx gulnaab lony, ne zunqu&#616;ny cuend laat. 8Te pur elqu&#616; ni rnaab, sc&#225;ab. Ne ni rgu&#237;ily, sdxialqu&#616;bni. Ne ni rguiin rnaab lony, zunqu&#616;ny cuend laab.</div><div class="p"> 9&#8217;Belati laat ni n&#225;t dad, &#191;tatix sdeedt&#616; tuby guia lliint&#616; chi inaabby guechtily? 10O, &#191;tatix sdeedt&#616; tuby b&#233;eld chi inaabby beld? 11Laaclat n&#225;t b&#616;nduld ne n&#225;nt&#616; rdeedt&#616; ni rcaaz de lliint&#616;, &#161;latixcu Xtadn&#616; ni rbez llayabaa qu&#616;t in&#616;&#616;dxny de cos g&#252;en par de bniety ni rnaabni!</div><div class="p"> 12&#8217;Gulgaany cun iraru de bniety zec ni rcaazt&#616; g&#250;ndeb cun laat. Te pur ziy rnabee xley Dios cun iraru de ni bcuaa de xprofetny g&#250;n bniety.</div><div class="r">(Lc. 13:24)</div><div class="p"> 13&#8217;Gulgaany pur yiiut ruu puert ni n&#225; dee. Te pur ruu puertroo ne nezroo, niy n&#225; ni z&#233;ne bniety nez mal ne ziendeb z&#233; nezqui. 14Per puert ne nez ni n&#225; xnez guelnab&#225;ny, deeni ax duudxzi ni z&#233; nezqui.</div><div class="r">(Lc. 6:43-44)</div><div class="p"> 15&#8217;Ziyza gulcualo cun de b&#616;ndix&#250; ni rnii dec pur Dios z&#233;eddeb. Te pur laadeb lazu quesentiand nadolaazdeb, per runzideb parz&#237; g&#250;ndeb engany bniety. 16Per zumbeect&#616; t&#250; laadeb pur ni rundeb, te pur qu&#616;t rcati uv lo yagu&#616;&#769;ch nicl&#616;za qu&#616;t rcati hig lo de cuanguiix. 17Pur ningui, irate yag zaac rca frut zaac lonii. Chiy irate yag dxab rca frut ni nadxab lonii. 18Qu&#616;t rcati frut ni nadxab lo yag zaac nicl&#616;za qu&#616;t rcati frut zaac lo yag dxab. 19Irate de yag ni rca ni qu&#616;t illi&#250; lonii, rruni ax raaicquini. 20Anre ziyzaqu&#616;y laat, zacbeect&#616; t&#250; laadeb pur ni rundeb.</div><div class="r">(Lc. 13:25-27)</div><div class="p"> 21&#8217;Ne gati irati de ni inii nare: &#8220;Dad, Dad&#8221;, yiiu rut canabee Dios sino que p&#250;rzi de ni cayun zec ni rcaaz Xtada ni rbez llayabaa. 22Dxiqui zienzi de ni inii nare: &#8220;Dad, Dad, dunn&#616; quesentiand abt&#616;&#616;chn&#616; diidx pur laabiu, pur ni bzeetn&#616; l&#225;biu gul&#233;en de b&#616;ndxab l&#225;ani de bniety, ne pur ni bzeetzacn&#616; l&#225;biu ax g&#252;elee bdxann&#616; zieny de milagr&#616;.&#8221; 23Per chiy nare icabia lodeb: &#8220;Qu&#616;t guuti dxi niumbiia laat. Gulbic&#225; nez luaa, de b&#616;nduld.&#8221;</div><div class="r">(Mr. 1:22; Lc. 6:46-49)</div><div class="p"> 24&#8217;Pur ningui, ni rcuadiag xtiidxa ne runb&#616; ni rniia, laab n&#225;b zec tuby bniety ni nasin ni rzuub lizni rut n&#225; p&#250;rzi guia. 25Ax masqu&#616; riab nisguia, chiy reed nisroo ni rla t&#616;&#616;x yuuqui ne rb&#237;iga bi, per qu&#616;t rbebaanti yuuqui pur ni n&#225; cimient xtenni lo guia. 26Per bniety ni rindiag ni rniia ne qu&#616;t rcuadiagb&#616; xtiidxa, laab n&#225;b zec tuby b&#616;ntont ni rzuub lizni lo yiully. 27Parzi chi riab nisguia ne reed nisroo ni rla t&#616;&#616;x yuuqui chiy rb&#237;iga bi, ax rbebaan yuuqui. &#161;Ne axt nicl&#616; qu&#616;tru xo icubytiy!</div><div class="p"> 28Chi gulull gunin&#233; Jes&#250;s de bnietqui, iratedeb quesentiand bdxalodeb zec ni bseedny laadeb 29pur ni rseedny laadeb zec tuby ni rialo nap guelrnabee, gati zec ni rliuu de maistr&#616; ni n&#225;n ley.</div>
 </div>
 </div>
</div>

’Ne quɨt cubeetit stuby de bniety, te par quɨt teedtɨ ziy. Te pur belati rgubeet bniety ziyza teedzactɨ, zec ni runnét bniety ziytiziac teedtɨ. Quɨt cubeetiu stuby de bniety pur falt bichiin ni napdeb, güenru guu guelrsaa pur de faltroo ni cayunu. Ne belati mazru faltroo cayunu, ¿xólesa gapiu stuby de bniety: “Quɨt náti güen runu zeec?” ¡Bɨndixú! Nidootellga baany zec ni riáld, chiyru azelee gapiu stuby de bniety: Quɨt runu zeec.
’Quɨt gúntit pur gúnpac de ni quɨt rcaaz gún cuend ni zéed pur Dios, te quɨt xi gunnédeb laat. Te pur belati gúntɨ ziy, niy ná zecpacza chi rcuaa bniety tuby cos ni abiacldee lo beecu. Niclɨza quɨt gúntit ziy cun de ni quɨt rdxalaaz ni zéed pur Dios. Te pur belati gúntɨ ziy, niy ná zecpacza chi rcuaa bniety tuby cos ni sac lo cuch ne chiy ax chaaipzim quiani.

’Nare rniia laat: Gulnaab lo Dios ne laany sguaadquɨny ni rcaaztɨ. Gultíilny ne sdxialquɨtny. Gultɨdx gulnaab lony, ne zunquɨny cuend laat. Te pur elquɨ ni rnaab, scáab. Ne ni rguíily, sdxialquɨbni. Ne ni rguiin rnaab lony, zunquɨny cuend laab.
’Belati laat ni nát dad, ¿tatix sdeedtɨ tuby guia lliintɨ chi inaabby guechtily? O, ¿tatix sdeedtɨ tuby béeld chi inaabby beld? Laaclat nát bɨnduld ne nántɨ rdeedtɨ ni rcaaz de lliintɨ, ¡latixcu Xtadnɨ ni rbez llayabaa quɨt inɨɨdxny de cos güen par de bniety ni rnaabni!
’Gulgaany cun iraru de bniety zec ni rcaaztɨ gúndeb cun laat. Te pur ziy rnabee xley Dios cun iraru de ni bcuaa de xprofetny gún bniety.

’Gulgaany pur yiiut ruu puert ni ná dee. Te pur ruu puertroo ne nezroo, niy ná ni zéne bniety nez mal ne ziendeb zé nezqui. Per puert ne nez ni ná xnez guelnabány, deeni ax duudxzi ni zé nezqui.

’Ziyza gulcualo cun de bɨndixú ni rnii dec pur Dios zéeddeb. Te pur laadeb lazu quesentiand nadolaazdeb, per runzideb parzí gúndeb engany bniety. Per zumbeectɨ tú laadeb pur ni rundeb, te pur quɨt rcati uv lo yaguɨ́ch niclɨza quɨt rcati hig lo de cuanguiix. Pur ningui, irate yag zaac rca frut zaac lonii. Chiy irate yag dxab rca frut ni nadxab lonii. Quɨt rcati frut ni nadxab lo yag zaac niclɨza quɨt rcati frut zaac lo yag dxab. Irate de yag ni rca ni quɨt illiú lonii, rruni ax raaicquini. Anre ziyzaquɨy laat, zacbeectɨ tú laadeb pur ni rundeb.

’Ne gati irati de ni inii nare: “Dad, Dad”, yiiu rut canabee Dios sino que púrzi de ni cayun zec ni rcaaz Xtada ni rbez llayabaa. Dxiqui zienzi de ni inii nare: “Dad, Dad, dunnɨ quesentiand abtɨɨchnɨ diidx pur laabiu, pur ni bzeetnɨ lábiu guléen de bɨndxab láani de bniety, ne pur ni bzeetzacnɨ lábiu ax güelee bdxannɨ zieny de milagrɨ.” Per chiy nare icabia lodeb: “Quɨt guuti dxi niumbiia laat. Gulbicá nez luaa, de bɨnduld.”

’Pur ningui, ni rcuadiag xtiidxa ne runbɨ ni rniia, laab náb zec tuby bniety ni nasin ni rzuub lizni rut ná púrzi guia. Ax masquɨ riab nisguia, chiy reed nisroo ni rla tɨɨx yuuqui ne rbíiga bi, per quɨt rbebaanti yuuqui pur ni ná cimient xtenni lo guia. Per bniety ni rindiag ni rniia ne quɨt rcuadiagbɨ xtiidxa, laab náb zec tuby bɨntont ni rzuub lizni lo yiully. Parzi chi riab nisguia ne reed nisroo ni rla tɨɨx yuuqui chiy rbíiga bi, ax rbebaan yuuqui. ¡Ne axt niclɨ quɨtru xo icubytiy!
Chi gulull guniné Jesús de bnietqui, iratedeb quesentiand bdxalodeb zec ni bseedny laadeb pur ni rseedny laadeb zec tuby ni rialo nap guelrnabee, gati zec ni rliuu de maistrɨ ni nán ley.

Makinig sa San Mateo 7