Génesis 1
1
Tayta Dios lapanta kamashqan
1Imapis manaraq kaptinmi Tayta Dios kamarqan jana pasatapis kay pasatapis.#Juan 1.1-3. 2Kay pasa manami kanan kaykashqannösu karqan, sinöqa yanawyaykaq yakulami. Say yaku jananchömi Tayta Diospa Espïritun kuyuykarqan.
3Saymi Tayta Dios nirqan: <<¡Asikyay kasun!>>#2Cor. 4.6.
Niptinmi asikyay yurirqan. 4Asikyayta kamarkurmi Tayta Dios rikarqan ali kashqanta. Saymi kamakäsirqan sakaypis asikyaypis kananpaq. 5Asikyaqpa jutintami churaparqan junaq kananpaq y sakaypatanami paqas kananpaq. Saykunatami kamarqan punta kaq junaqcho.
6Saypitanami Tayta Dios nirqan: <<Ishkayman yaku rakiränanpaq yaku chawpincho azulyaraykaq kasun>>.#1.6 Say wisanmi runakuna azulyaraykaq chukru kashqanta. Saynöpis yarpäyarqan uchku uchku kaptin tamyamushqanta.
7Nishqannölami azulyaraykämuqta kamarqan. Saynöpami wakin kaq yaku quëdarqan kay pasacho y wakin kaqnami azulyaraykämuqpa janancho. Nishqannölami lapanpis karqan. 8Azulyaraykämuqpa jutintami Tayta Dios churaparqan jana pasa jutin kananpaq. Saykunatami kamarqan ishkay kaq junaqcho.
9Saypitanami Tayta Dios nirqan: <<Saki pasa rikakänanpaq ura kaq yaku juk pasalaman juntakäsun>>.#2Ped. 3.5.
Nishqannölami lapanpis kamakarqan. 10Saki kaqpa jutintami Tayta Dios churaparqan pasa jutin kananpaq. Shuntakash kaq yakutanami lamarta jutisirqan. Sayno kamarkurmi Tayta Dios rikarqan ali kashqanta.
11Nirkurnami nirqan: <<Alpapita winamusun tukuy casta jachakuna, muruyuq qewakuna karpis y tukuyläya wayuq jachakuna karpis>>.
Nishqannölami lapanpis karqan. 12Saymi winamurqan tukuy niraq qewakuna y imaykaläyata wayuq jachakunapis. Sayno kamarkurmi Tayta Dios rikarqan ali kashqanta. 13Saykunatami kimsa kaq junaqcho kamarqan.
14Saypitanami Tayta Dios nirqan: <<Jana pasacho asikyaqkuna kayäsun junaqpis sakaypis kananpaq, junaqkunata watakunata yupayänanpaq y muruyänanpaq cosechayänanpaq imay kashqantapis musyayänanpaq. 15Saynöla asikyaqkuna ciëlucho kayäsun pasata asikyapäyänanpaq>>.
Nishqannölami lapanpis kamakarqan.
16Saynömi intita, killata y qoyllarkunatapis kamarqan. Intita kamarqan junaqpa asikyänanpaq y killatanami kamarqan sakaypa asikyänanpaq. 17Saykunata Tayta Dios jana pasaman churarqan kay pasaman asikyämuptin 18sakaypis junaqpis kananpaqmi. Sayno kamarkurmi Tayta Dios rikarqan ali kashqanta. 19Saykunatami chusku kaq junaqcho kamarqan.
20Saypitanami Tayta Dios nirqan: <<Yakucho imayka niraq kawaqkunawan pasa jananpa pajaqkunapis#1.20 Wakin runakunaqa vuelaqkunapis niyanmi. aska kayäsun>>.
21Sayno nirmi Tayta Dios kamarqan lamarcho jatusaq mansariypaq uywakunata. Saynöpis kamarqan lamarcho, qochakunacho, mayukunacho tukuyläya pescädukunata. Saynömi kamarqan tukuyläya pajaqkunata. Saykunata kamarkurmi Tayta Dios rikarqan ali kashqanta. 22Nirkurnami bendicionninta qor nirqan: <<Lamarcho kawaqkuna y pasa jananpa pajaqkunapis, askaman mirayay>>.
23Saykunatami pisqa kaq junaqcho kamarqan.
24Saypitanami Tayta Dios nirqan: <<Ashmana kaq y mana ashmana kaqpis tukuy niraq uywakuna kayäsun. Sayno kayäsun pachalanpa y lätaypa puriqkunapis>>.
Nishqannölami lapanpis kamakarqan. 25Saynöpami Tayta Dios kamarqan tukuy niraq ashmana kaq y mana ashmana kaq uywakunata y pachalanpa y lätaypa puriqkunatapis. Sayno kamarkurmi Tayta Dios rikarqan ali kashqanta.
26Nirkurnami Tayta Dios nirqan: <<Kananqa runata kamashun kikinsi niraqta.#Gén. 9.6; 1Cor. 11.7. Noqansino kananpaqmi payta kamashun.#1.26 Unay reykuna niyarqan paykunala Dios niraq kayashqantami. Saynöpis niyarqan Dios niraq kar paypa jutincho runakunata mandayashqantami. Kay textuchömi isanqa nikan lapan runakunapis Dios niraq kayashqanta. Pay niraqta runata kamashqanta nirqa Tayta Diosta mandäsir kay pasacho kaqkunata shumaq rikanansipaq kashqantami nikan. Paypa munayninchömi kayanqa pescädukuna, pajaqkuna, ashmana kaq mana ashmana kaq uywakuna y pachalanpa y lätaypa puriqkunapis>>.
27Kikin niraqtami runata Tayta Dios kamarqan.
Payno kananpaqmi kamarqan.
Olqutapis warmitapis paymi kamarqan.#Mat. 19.4; Mar. 10.6.
28Nirkurnami bendicionninta qor nirqan:
<<Kay pasa juntashqanyaq mirayay.
Qamkunapa munaynikicho kayäsun pescädukuna, pajaqkuna y kay pasacho lapan kawaqkunapis>>.#Gén. 5.1-2; 9.1.
29Saypitanami nirqan: <<Mikuyänaykipaqmi kamashkä kay pasacho tukuy niraq mikuykunata y wayuq kaq jachakunatapis. 30Uywakuna, pajaqkuna y pachalanpa y lätaypa puriqkuna mikuyänanpaqmi jachakunatawan qewakunata kamashkä>>.
Nishqannölami lapanpis kamakarqan. 31Lapan kamashqankuna selläma ali kashqantami Tayta Dios rikarqan. Saykunatami soqta kaq junaqcho kamarqan.
ที่ได้เลือกล่าสุด:
Génesis 1: qvhB
เน้นข้อความ
แบ่งปัน
คัดลอก
ต้องการเน้นข้อความที่บันทึกไว้ตลอดทั้งอุปกรณ์ของคุณหรือไม่? ลงทะเบียน หรือลงชื่อเข้าใช้
© 2003, Wycliffe Bible Translators, Inc. All rights reserved.