ᤋᤥᤗᤡᤱᤛᤥᤔᤢ 17
17
ᤜᤷᤍᤥ ᤜᤧᤰᤔᤠ ᤔᤠᤱᤜᤢᤵ
1ᤀᤒᤪᤠᤶᤔᤡᤴ ᤑᤠᤱᤒᤥᤱᤅᤠᤱ ᤑᤠᤱᤛᤡ ᤋᤱᤒᤣ ᤁᤧᤖᤧᤸᤗᤧ. ᤕᤜᤘᤣ ᤍᤠᤱᤒᤠᤴ ᤂᤢᤏᤧ᤹ᤀᤥ ᤀᤥᤛᤣ᤺ᤴᤎᤠᤰᤛᤡᤱᤅᤠᤱ ᤔᤧᤳᤋᤢ. “ᤀᤠᤱᤃᤠ᤹ ᤔᤢᤰᤛᤠᤶᤍᤠᤱᤒᤠ ᤏᤡᤱᤘᤠ᤹ᤑᤢᤔᤠᤱᤀᤠ॥ ᤀᤠᤱᤃᤠ᤹ ᤀᤠᤍᤃᤠᤱ ᤗᤠᤱᤄᤣᤃᤧ᤹. ᤜᤧᤰᤁᤩᤠᤱ ᤑᤥᤋᤩᤠ ᤔᤣ᤺ᤴᤏᤣ ᤘᤕᤧ᤹ᤀᤥ॥ 2ᤂᤧᤏᤧ᤹ ᤏᤢ ᤀᤠᤱᤃᤠ᤹ ᤗᤢᤶᤔᤥ ᤔᤠᤱᤜᤢᤵ ᤆᤥᤃᤢᤱ. ᤜᤧᤰᤁᤩᤠᤱ ᤕᤖᤡᤰ ᤔᤢ᤹ᤀᤡᤍᤠᤱᤛᤠᤜᤠ᤹ ᤐᤡᤏᤧ॥”
3ᤂᤧᤒᤩᤠᤱ ᤀᤒᤪᤠᤶᤔᤧᤴ ᤛᤠᤶᤒᤥᤴ ᤜᤒᤳ ᤑᤴᤇᤡᤱ. ᤜᤧᤰᤁᤩᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤔᤧᤳᤋᤢ. 4“ᤀᤥᤔᤳᤋᤧ᤹. ᤂᤧᤏᤧ᤹ᤏᤢ ᤀᤠᤱᤃᤠ᤹ ᤆᤥᤃᤢᤱᤒᤠ ᤔᤠᤱᤜᤢᤵᤐᤡᤴ ᤜᤠᤒᤠ ᤁᤴᤗᤥ॥ ᤂᤧᤏᤧ᤹ ᤕᤖᤡᤰ ᤔᤧᤴᤇᤠᤶ ᤛᤢᤘᤠᤱᤜᤠ᤹ᤖᤧ ᤂᤢᤏᤡ᤹ ᤐᤠᤏᤢᤍᤡᤱ ᤐᤠ ᤁᤧᤒᤥᤱᤗᤥ॥ 5ᤀᤠᤸᤗᤀᤠᤱᤎᤥ ᤂᤧᤏᤧ᤹ ᤁᤧᤔᤡᤱ ᤀᤒᤪᤠᤔ ᤔᤣ᤺ᤴ ᤁᤖ ᤀᤒᤪᤠᤜᤠᤔ#᥇᥍:᥋ ᤀᤒᤪᤠᤜᤠᤔ—ᤁᤴ ᤔᤡᤱᤅᤧᤴ ᤜᤡᤒᤪᤢᤀᤥ “ᤕᤖᤡᤰ ᤔᤧᤴᤇᤠᤶ ᤛᤢᤘᤠᤱᤜᤠ᤹ᤖᤧ ᤂᤢᤏᤡ᤹ ᤌᤠ᤺ᤰᤌᤧᤒᤠ” ᤐᤠ᤺ᤵᤔᤏᤠᤒᤠ ᤜᤧᤰᤁᤣ ᤂᤧᤶᤍᤧᤳ॥ ᤐᤥᤱᤗᤥ. ᤌᤣᤀᤠᤱᤓᤧᤸᤗᤧ ᤂᤧᤏᤧ᤹ᤃ ᤕᤖᤡᤰ ᤔᤧᤴᤇᤠᤶ ᤛᤢᤘᤠᤱᤜᤠ᤹ᤖᤧ ᤂᤢᤏᤡ᤹ ᤐᤠᤏᤢᤍᤡᤱ ᤐᤠ ᤆᤥ᤺ᤰᤏᤧᤖᤥ॥ #ᤖᤥᤔᤡ ᥊:᥇᥍ 6ᤀᤠᤱᤃᤠ᤹ ᤂᤧᤏᤧ᤹ ᤀᤠᤳᤋᤧᤳᤋᤡ ᤕᤖᤡᤰ ᤁᤧᤒᤥᤴ ᤁᤧᤎᤧ᤹ᤖ ᤕᤠ᤺ᤴᤏᤧ॥ ᤜᤧᤰᤁᤩᤠᤱ ᤂᤧᤏᤧ᤹ᤗᤠᤶᤒᤠ ᤕᤖᤡᤰ ᤔᤧᤴᤇᤠᤶ ᤛᤢᤘᤠᤱ ᤆᤥᤃᤢᤱᤛᤡᤱ. ᤂᤢᤏᤧ᤹ᤗᤠᤶᤔᤣ ᤜᤠᤱᤜᤠ᤹ ᤔᤧᤒᤥᤱᤗᤥ॥
7“ᤂᤧᤏᤧ᤹ ᤏᤢ ᤂᤧᤏᤧ᤹ ᤁᤧᤀᤣᤃᤠᤱ ᤋᤠ᤺ᤴᤍᤡ ᤁᤧᤒᤥᤱᤒᤠ ᤁᤧᤔᤢᤀᤡᤍᤠᤱᤛᤠᤜᤠ᤹ᤖᤧ ᤂᤢᤴᤇᤡ᤹ ᤏᤡᤱᤘᤠ᤹ᤑᤢᤔᤠᤱ ᤐᤥᤱᤛᤧ ᤀᤠᤔᤠᤱᤜᤢᤵᤐᤡᤴ ᤀᤠᤱᤃᤠ᤹ ᤏᤢ ᤂᤧᤏᤧ᤹ ᤁᤧᤀᤣᤃᤠᤱᤒᤠ ᤁᤧᤔᤢᤀᤡᤍᤠᤱᤛᤠᤜᤠ᤹ ᤗᤢᤶᤔᤥ ᤛᤍᤠᤍᤡᤱ ᤆᤥᤃᤢᤱᤗᤥ॥ 8ᤂᤧᤏᤧ᤹ ᤁᤧᤕᤢᤱᤒᤠ ᤁᤴ ᤁᤧᤖᤧᤰ ᤁᤏᤠᤏ ᤗᤠᤈᤣᤴ ᤂᤧᤏᤧ᤹ ᤏᤢ ᤋᤠ᤺ᤴᤍᤡ ᤁᤧᤍᤠᤒᤠ ᤁᤧᤔᤢᤀᤡᤍᤠᤱᤛᤠᤜᤠ᤹ ᤛᤍᤠᤍᤡᤱᤗᤧᤴ ᤕᤢᤰ ᤁᤢᤀᤡᤛᤡᤰ ᤐᤡᤏᤡᤱ᤹. ᤜᤧᤰᤁᤩᤠᤱ ᤀᤠᤱᤃᤠ᤹ ᤂᤧᤱᤜᤠ᤹ᤖᤧ ᤂᤢᤏᤡ᤹ ᤏᤡᤱᤘᤠ᤹ᤑᤢᤔᤠᤱ ᤐᤥᤱᤀᤠᤖᤥ॥” #ᤛᤣ᤺ᤰᤕᤢᤰ ᥍:᥋
9ᤂᤧᤒᤩᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤀᤒᤪᤠᤜᤠᤶᤔᤧᤴ ᤔᤧᤳᤋᤢ. “ᤂᤧᤏᤧ᤹ ᤀᤠᤔᤠᤱᤜᤢᤵᤐᤡᤴ ᤁᤧᤀᤡ᤺ᤳᤋᤢ ᤁᤧᤏᤠ᤺ᤳᤋᤢᤖ ᤐᤥᤱ. ᤂᤧᤏᤧ᤹ ᤏᤢ ᤂᤧᤏᤧ᤹ ᤁᤧᤀᤣᤃᤠᤱᤒᤠ ᤁᤧᤔᤢᤀᤡᤍᤠᤱᤛᤠᤜᤠ᤹ᤖᤧ ᤌᤠ᤺ᤰ ᤌᤠ᤺ᤰ ᤌᤠᤖᤡᤰ ᤀᤠᤔᤠᤱᤜᤢᤵᤐᤡᤴ ᤁᤧᤀᤡ᤺ᤳᤋᤢᤶ ᤁᤧᤏᤠ᤺ᤳᤋᤢᤶᤗ ᤐᤥᤱ॥ 10ᤀᤠᤱᤃᤠ᤹ ᤏᤢ ᤂᤧᤏᤧ᤹ ᤜᤧᤰᤁᤩᤠᤱ ᤂᤧᤏᤧ᤹ ᤁᤧᤀᤣᤃᤠᤱᤒᤠ ᤁᤧᤔᤢᤀᤡᤍᤠᤛᤠᤜᤠ᤹ ᤗᤢᤶᤔᤥ ᤂᤡᤏᤡ᤹ ᤀᤡ᤺ᤵᤔᤠ ᤏᤠ᤺ᤵᤔᤠ ᤁᤧᤒᤥᤱᤒᤠ ᤀᤠᤔᤠᤱᤜᤢᤵᤐᤡᤴ ᤜᤠᤒᤠ ᤁᤴᤗᤥ. ᤂᤡᤏᤡ᤹ ᤗᤢᤶᤔᤥ ᤁᤧᤖᤧᤰ ᤕᤧᤶᤒᤡᤳᤇᤠ ᤛᤠᤜᤠ᤹ᤖᤧ ᤜᤷᤍᤥ ᤜᤧᤰᤔᤠ ᤐᤥᤱᤗᤥ॥ #ᤛᤣ᤺ᤰᤕᤢᤰ ᥍:᥎; ᤖᤥᤔᤡ ᥊:᥇᥇ 11ᤂᤡᤏᤡ᤹ ᤜᤷᤍᤥ ᤁᤧᤜᤧᤃᤢᤶᤗ ᤐᤥᤱ॥ ᤀᤠᤱᤃᤠ᤹ ᤏᤢ ᤂᤡᤏᤡ᤹ ᤗᤢᤶᤔᤥ ᤁᤧᤒᤥᤱᤒᤠ ᤔᤠᤱᤜᤢᤵᤐᤡᤸᤗᤧ ᤔᤡᤰᤛᤣᤴ ᤜᤠᤒᤠ ᤁᤴ ᤐᤥᤱᤗᤥ॥ 12ᤋᤠ᤺ᤴᤍᤡ ᤁᤧᤍᤠᤒᤠ ᤂᤡᤏᤡ᤹ ᤌᤠ᤺ᤰᤌᤠ᤺ᤰᤁᤥ ᤌᤠᤖᤡᤰ ᤕᤧᤶᤒᤡᤳᤇᤠᤛᤠ ᤘᤠ᤹ᤒᤠ ᤕᤧᤳᤇᤡ ᤕᤧᤴ ᤁᤧᤳᤋᤡᤸᤗᤧ ᤜᤷᤍᤥ ᤔᤧᤜᤧᤃᤢ ᤔᤧᤒᤡᤖᤢᤛᤡᤖ ᤐᤥᤱ॥ ᤜᤧᤰᤁᤩᤠᤱ ᤂᤡᤏᤡ᤹ ᤜᤡᤶᤔᤥ ᤛᤠᤃᤧᤘᤠ᤺ᤴᤇᤡᤱᤒᤠ ᤂᤡᤏᤡ᤹ ᤛᤠᤛᤡ ᤔᤧ᤺ᤴᤇᤡᤛᤠᤱ. ᤘᤣ᤹ ᤗᤠᤈᤣ᤹ᤗᤠᤶ ᤀᤡᤱᤔᤏᤠ ᤋᤠ᤺ᤵᤏᤠᤛᤡᤒᤠ ᤛᤧᤘᤠᤖᤥᤒᤠᤜᤠ᤹ ᤏᤢ ᤂᤧᤱᤜᤠ᤹ᤖᤧ ᤂᤢᤴᤇᤡ᤹ ᤛᤠᤜᤠ᤹ᤀᤠᤱ ᤛᤠᤔᤧᤘᤠ᤺ᤴᤇᤡᤱᤒᤠ ᤀᤣᤃᤠᤱ ᤜᤷᤍᤥ ᤔᤧᤜᤧᤃᤢ ᤔᤧᤒᤡᤖᤢᤛᤡᤖ ᤐᤥᤱ॥ 13ᤁᤧᤜᤡᤶᤔᤥ ᤛᤠᤃᤧᤘᤠ᤺ᤴᤇᤡᤱᤒᤠᤛᤠᤱ. ᤁᤢᤔᤧᤴ ᤜᤢᤱᤔᤏᤠᤀᤠᤱ ᤀᤡᤱᤔᤏᤠ ᤋᤠ᤺ᤵᤔᤏᤠᤒᤠᤛᤠᤱ ᤜᤷᤍᤥ ᤔᤧᤴᤜᤧᤰᤁᤣ ᤘᤠ᤹ᤏᤧᤑᤃᤪ ᤜᤷᤍᤥ ᤜᤧᤰᤔᤠ ᤐᤡᤔᤠ ᤐᤥᤱ॥ ᤀᤰᤂᤣᤗ᤹ᤖᤡᤰ ᤀᤠᤔᤠᤱᤜᤢᤵᤐᤡᤴ ᤂᤡᤏᤡ᤹ ᤏᤠᤛᤡᤃᤧᤴ ᤌᤰᤁᤥ ᤌᤠ᤺ᤰᤌᤠ᤺ᤰᤁᤥ ᤋᤠ᤺ᤴᤍᤡ ᤌᤠᤖᤡᤰ ᤘᤠ᤹ᤖᤖᤥ॥ 14ᤜᤷᤍᤥ ᤔᤧᤴᤜᤧᤰᤁᤣᤒᤠ ᤀᤠᤳᤋᤡᤴ ᤕᤧᤶᤒᤡᤳᤇᤠ ᤛᤠ᤺ᤴᤇᤠᤱ ᤂᤢᤏᤧ᤹ ᤁᤢᤔᤏᤠᤜᤠ᤹ᤗᤠᤶ ᤔᤧᤗ᤺ᤳᤋᤢ ᤔᤧᤍᤣᤛᤢᤖ॥ ᤂᤧᤸᤗᤧ ᤀᤠᤔᤠᤱᤜᤢᤵᤐᤡᤴ ᤔᤧᤴᤀᤡ᤺ᤳᤋᤣ ᤔᤧᤴᤏᤠ᤺ᤳᤋᤣ ᤘᤠ᤹॥”
15ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤀᤒᤪᤠᤜᤠᤶᤔᤧᤴ ᤔᤧᤳᤋᤢ. “ᤔᤧᤸᤗᤡᤱᤃᤧᤴ ᤁᤧᤔᤣ᤺ᤳ ᤛᤠᤖᤠᤀᤡᤴ ᤀᤠᤸᤗᤀᤠᤱᤎᤥ ᤛᤠᤖᤠᤀᤡ ᤔᤧᤔᤧᤳᤋᤧᤴᤏᤧ᤹. ᤁᤖ ᤂᤧᤸᤗᤧ ᤁᤢᤔᤡᤱ ᤛᤠᤖᤠ ᤐᤥᤱᤗᤥ॥ 16ᤀᤠᤱᤃᤠ᤹ ᤂᤧᤴ ᤜᤠᤱᤘᤠᤔᤢ᤹ᤀᤡ ᤐᤡᤖᤢᤱ. ᤜᤧᤰᤁᤩᤠᤱ ᤛᤧᤰᤂᤠᤀᤣ ᤂᤢᤏᤧ᤹ᤗᤠᤶ ᤂᤧᤏᤧ᤹ ᤕᤧᤶᤒᤡᤳᤇᤠ ᤛᤠᤎᤡᤰ ᤐᤡᤏᤧ॥ ᤀᤠᤱᤃᤠ᤹ ᤛᤠᤖᤠᤴ ᤜᤠᤱᤘᤠᤔᤢ᤹ᤀᤡ ᤐᤡᤖᤢᤱ. ᤜᤧᤰᤁᤩᤠᤱ ᤂᤧᤴ ᤕᤖᤡᤰ ᤔᤧᤴᤇᤠᤶ ᤛᤢᤘᤠᤱᤜᤠ᤹ᤖᤧ ᤂᤢᤴᤇᤡ᤹ ᤔᤠ ᤐᤥᤱ᤹॥ ᤕᤖᤡᤰ ᤔᤧᤴᤇᤠᤶ ᤛᤢᤘᤠᤱᤜᤠ᤹ᤖᤧ ᤂᤢᤴᤇᤡ᤹ ᤜᤠᤱᤜᤠ᤹ ᤂᤢᤏᤧ᤹ᤗᤠᤶ ᤔᤧᤗ᤺ᤴᤗᤥ॥”
17ᤜᤧᤰᤁᤣ᤺ᤸᤗᤧ ᤀᤒᤪᤠᤜᤠᤶᤔᤧᤴ ᤀ᤺ᤰᤂᤢᤶ ᤑᤴᤇᤡᤱᤅᤠᤱ ᤁᤢᤏᤡᤱᤘᤠ᤹ᤀᤥ ᤀᤣᤖᤧᤖ ᤐᤠ᤺ᤳᤋᤢ. “ᤁᤡᤵ ᤌᤡᤰ ᤋᤱᤒᤣ ᤁᤧᤃᤧᤵᤐᤧᤸᤗᤧᤀᤠᤱ ᤛᤠ ᤁᤳᤋᤢᤒᤡ᥅ ᤑᤠᤱᤒᤥᤱ ᤋᤱᤒᤣ ᤁᤧᤃᤧᤵᤔᤠ ᤛᤠᤖᤠ᤺ᤸᤗᤧ#᥇᥍:᥇᥍ ᤛᤠᤖᤠ—ᤁᤴ ᤔᤡᤱᤅᤧᤸᤗᤧ ᤁᤢᤒᤣᤴ ᤜᤡᤒᤪᤢᤀᤥ “ᤜᤠᤱᤛᤠᤔᤠ” ᤐᤥᤱ᤹॥ ᤛᤠ ᤁᤳᤋᤢᤒᤡ᥅” 18ᤜᤧᤰᤁᤩᤠᤱ ᤀᤒᤪᤠᤜᤠᤶᤔᤧᤸᤗᤧ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤔᤧᤳᤋᤢ. “ᤀᤡᤛ᤻ᤔᤠᤀᤣᤸᤗᤧᤴᤏᤧ ᤁᤧᤜᤠᤱᤘᤠ ᤔᤢ᤹ᤀᤡᤀᤥ ᤜᤡᤱᤅᤡᤸᤗᤧᤃ ᤏᤢᤒᤠ ᤐᤥᤱᤗᤥ॥”
19ᤂᤧᤒᤩᤠᤱ ᤏᤡᤱᤘᤠ᤹ᤑᤢᤔᤠᤅᤧᤸᤗᤧ ᤔᤧᤳᤋᤢ. “ᤀᤥᤒᤧ. ᤁᤖ ᤂᤧᤏᤧ᤹ ᤔᤧᤸᤗᤡᤱᤃᤧᤴ ᤁᤧᤔᤣ᤺ᤳ ᤛᤠᤖᤠ᤺ᤸᤗᤧᤀᤣ ᤂᤧᤏᤧ᤹ ᤁᤧᤗᤠᤃᤡ ᤕᤧᤶᤒᤡᤳᤇᤠ ᤛᤠᤎᤡᤰ ᤁᤳᤋᤢ ᤁᤧᤒᤡ. ᤜᤧᤰᤁᤩᤠᤱ ᤂᤧᤏᤧ᤹ ᤂᤧᤴ ᤀᤡᤛᤜᤠᤁ#᥇᥍:᥇᥏ ᤀᤡᤛᤜᤠᤁ—ᤁᤴ ᤔᤡᤱᤅᤧᤸᤗᤧ ᤁᤢᤒᤣᤴ ᤜᤡᤒᤪᤢᤀᤥ “ᤂᤢᤏᤧ᤹ ᤀᤣ᤺ᤳ” ᤐᤥᤱ᤹॥ ᤔᤡᤱ ᤁᤧᤘᤠ᤺ᤳᤋᤢᤖᤥ॥ ᤀᤠᤱᤃᤠ᤹ ᤂᤧᤴᤏᤢ ᤜᤧᤰᤁᤩᤠᤱ ᤂᤧᤴ ᤕᤠᤱᤛᤡ ᤁᤧᤒᤥᤱᤒᤠ ᤂᤧᤸᤗᤧ ᤁᤢᤔᤢ᤹ᤀᤡᤍᤠᤱᤛᤠᤜᤠ᤹ᤏᤢ ᤀᤠᤔᤠᤱᤜᤢᤵᤐᤡᤴ ᤛᤍᤠᤍᤡᤱᤗᤧ ᤗᤠᤃᤡ ᤕᤢᤰᤛᤡᤱ ᤆᤥᤃᤢᤱ᤹॥ 20ᤜᤧᤰᤁᤩᤠᤱ ᤀᤡᤛ᤻ᤔᤠᤀᤣᤗᤖᤧ ᤁᤢᤕᤠ᤺ᤶᤒᤣᤀᤥ ᤀᤠᤱᤃᤠ᤹ ᤁᤧᤒᤣᤗᤡᤴ ᤂᤧᤵᤛᤢᤱ॥ ᤀᤠᤱᤃᤠ᤹ ᤛᤧᤰᤂᤠᤀᤣ ᤂᤧᤴ ᤜᤠᤱᤘᤠᤔᤢ᤹ᤀᤡ ᤐᤡᤖᤢᤱ᤹. ᤜᤧᤰᤁᤩᤠᤱ ᤀᤠᤱᤃᤠ᤹ ᤂᤧᤴ ᤀᤠᤳᤋᤡ ᤀᤠᤳᤋᤡ ᤕᤖᤡᤰ ᤐᤥ᤺ᤴᤌᤧ᤹ᤖ ᤕᤠ᤺ᤴᤍᤢᤱ᤹ ᤜᤧᤰᤁᤩᤠᤱ ᤑᤥᤛᤢᤱ᤹॥ ᤂᤧᤴ ᤌᤡᤒᤥᤱᤅᤠᤱ ᤏᤧᤳᤇᤡ ᤛᤢᤜᤠᤱᤃᤧᤶᤒᤠᤜᤠ᤹ᤖᤧ ᤂᤢᤴᤇᤡ᤹ ᤐᤠᤏᤢᤍᤡᤱ ᤐᤠ ᤐᤥᤱ᤹. ᤜᤧᤰᤁᤩᤠᤱ ᤀᤠᤱᤃᤠ᤹ ᤂᤧᤴᤗᤠᤶᤒᤠ ᤗᤳᤇᤠ ᤕᤶᤒᤠ ᤛᤢᤘᤠᤱ ᤆᤥᤃᤢᤱᤛᤡᤱ᤹॥ 21ᤁᤖ ᤀᤠᤱᤃᤠ᤹ ᤀᤡᤛᤜᤠᤰᤁᤧᤴᤏᤢᤀᤣ ᤔᤠᤱᤜᤢᤵ ᤆᤥᤃᤢᤱᤗᤥ. ᤂᤧᤱᤃ ᤀᤠᤳᤏᤧᤶᤔᤠ ᤜᤠᤒᤠ ᤁᤴ ᤕᤧᤶᤔᤥ ᤛᤠᤖᤠ᤺ᤸᤗᤧ ᤛᤠ ᤁᤳᤋᤢᤖᤥ॥” 22ᤀᤒᤪᤠᤜᤠᤶᤔᤡᤴᤏᤢ ᤋᤠ᤹ᤈᤧᤱᤔᤠ ᤛᤢᤖᤢᤀᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤌᤥ ᤌᤥ᤺ᤰᤛᤡᤱ ᤐᤣᤖᤥ॥
23ᤀᤒᤪᤠᤜᤠᤶᤔᤧᤸᤗᤧ ᤁᤢᤛ᤻ᤛᤠ ᤀᤡᤛ᤻ᤔᤠᤀᤣᤸᤗᤧᤴ ᤜᤧᤰᤁᤩᤠᤱ ᤁᤢᤜᤡᤶᤔᤥ ᤁᤧᤘᤠ᤹ᤒᤠ ᤏᤢ ᤁᤢᤔᤧᤴ ᤜᤢᤅᤢᤀᤠᤱ ᤀᤡᤅᤢᤛᤡᤒᤠ. ᤛᤧᤘᤠᤖᤥᤒᤠ ᤁᤧᤖᤧᤰ ᤕᤧᤶᤒᤡᤳᤇᤠᤛᤠᤜᤠ᤹ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤂᤢᤏᤧ᤹ ᤔᤧᤳᤋᤢᤒᤠ ᤀᤡᤛᤡ᤺ᤰ ᤜᤠᤒᤠ ᤂᤧᤴ ᤕᤧᤴᤏᤥ ᤂᤧᤱᤜᤠ᤹ᤖᤧ ᤂᤢᤴᤇᤡ᤹ ᤜᤷᤍᤥ ᤜᤧᤃᤢ ᤐᤡᤖᤢᤛᤡ॥ 24ᤀᤒᤪᤠᤜᤠᤶᤔᤡᤴ ᤜᤷᤍᤥ ᤔᤧᤜᤧᤃᤢ ᤔᤧᤒᤡᤖᤢᤸᤗᤧ ᤂᤢᤏᤧ᤹ ᤑᤠᤱᤒᤥᤱᤅᤠᤱ ᤑᤠᤱᤛᤡ ᤋᤱᤒᤣ ᤁᤧᤖᤧᤀᤠᤱ ᤘᤕᤧ. 25ᤜᤧᤰᤁᤩᤠᤱ ᤁᤢᤛ᤻ᤛᤠ ᤀᤡᤛ᤻ᤔᤠᤀᤣᤸᤗᤧᤴ ᤜᤷᤍᤥ ᤔᤧᤜᤧᤃᤢ ᤔᤧᤒᤡᤖᤢᤸᤗᤧ ᤂᤧᤴ ᤌᤡᤒᤥᤱᤅᤠᤱ ᤛᤢᤶᤛᤡ ᤋᤱᤒᤣ ᤁᤧᤖᤧᤀᤠᤱ ᤘᤕᤧ॥ 26ᤀᤒᤪᤠᤜᤠᤶᤔᤧᤴ ᤏᤢ ᤂᤢᤏᤧ᤹ ᤁᤢᤛ᤻ᤛᤠ ᤀᤡᤛ᤻ᤔᤠᤀᤣᤸᤗᤧᤴ ᤌᤡᤰᤕᤠ᤺ᤴᤗᤧ ᤜᤷᤍᤥ ᤔᤧᤜᤧᤃᤢ ᤔᤧᤒᤡᤖᤢᤛᤡᤀᤠᤱ ᤘᤕᤧ॥ 27ᤂᤢᤏᤧ᤹ ᤁᤢᤜᤡᤶᤔᤥ ᤁᤧᤘᤠ᤹ᤒᤠ ᤜᤧᤰᤁᤩᤠᤱ ᤘᤣ᤹ ᤗᤠᤈᤣ᤹ᤗᤠᤶ ᤀᤡᤅᤢ ᤋᤠᤖᤢᤛᤡᤒᤠ ᤁᤧᤖᤧᤰ ᤕᤧᤶᤒᤡᤳᤇᤠ ᤛᤠᤜᤠ᤹ᤖᤧᤴ ᤂᤢᤏᤧ᤹ᤏᤢ ᤛᤥᤛᤥᤖᤡᤰ ᤜᤷᤍᤥ ᤔᤧᤜᤧᤃᤢ ᤔᤧᤒᤡᤖᤢᤛᤡ॥
ที่ได้เลือกล่าสุด:
ᤋᤥᤗᤡᤱᤛᤥᤔᤢ 17: LIFOTNT
เน้นข้อความ
แบ่งปัน
คัดลอก
ต้องการเน้นข้อความที่บันทึกไว้ตลอดทั้งอุปกรณ์ของคุณหรือไม่? ลงทะเบียน หรือลงชื่อเข้าใช้
© 2009, 2023, Wycliffe Bible Translators, Inc. All rights reserved.
