मत्ति 16

यहुदि अदिकारि लोकुरक स्वरगताल चमत्कार तलकान्तोरक

(मर ८:११-१३; लूका १२:५४-५६)

1परीसि अनि सदुकि लोकुरक येसुना हेरे वास, “माकुन स्वरगताल बोदे चमत्कार तोहा” इन्जोर ओना परिक्षा येतान साटि पुच्चेमातुरक#मत्ति १२:३८; लूका ११:१६। 2ओर ओरकुन, “नुलपेह बेरा आबार रेंगाल मन्ता ते ‘सोबाय मोसम मन्दार’ इन्जोर निमाट इन्तोरिट, 3अनि सकारिंग आबार ढगिंगते रेंगाल आस हुळतिट ते ‘नेन्ड दुन्दाळ वळिय वायार’ इदाम निमाट इन्तोरिट। निमाट आबारतुन हुळसुन अदेना रहस्यतुन वेहपरान्तोरिट, मति काळदा चिन्हातांग रहस्यतुन बाक्या वेह परविट? 4खराब अनि व्यभिचारि लोकुरा इद पिळि चमत्कारतुन पळकान्तोरक, मति परमेस्वरना पोल्लो वेहवाल योनाना जिवनते परमेस्वर किता चमत्कारतुन तासि बोदे दुसरो चमत्कार ओरकुन हेवोर आयनुर#मत्ति १२:३९; लूका ११:२९” इदाम इन्जुन येसु ओरकुन तासिस हतुर।

यहुदि अदिकारि लोकुरा करहानातुन सावदान मन्ट

(मर ८:१४-२१)

5येसुना चेला लोकुरक नहारता होदपाकाळ हतुरक असके ओरक रोटिंग पयाना मरिंगस मतोरक। 6येसु ओरकुन, “हुळाट, परीसि अनि सदुकिया लोकुरा खमिरताल सावदान मन्ट#लूका १२:१” इन्जोर इतुर। 7“माक रोटिंग तरोम इन्जोर ओर इदाम इन्तोर” इन्जोर ओरक वरोन दुसरोनासंग विचार कियाला लागतुर। 8इद पुन्ज येसु ओरकुन इदाम पुच्चेमातुर, “रोटिंग मियासंग इगा तरोर आतुर इन्जोर निमाट वरोन दुसरोनासंग बाक्या विचार कियाला आतोरिट? मिकुन नावागा विस्वास हिले बहे?, 9निमाट इदेकवनाह बाताल इद समजेमायविट? सयुंग हजार लोकुरक साटि सयुंग रोटिंग हितोना अनि पजा बचोक ओडिंग निहच ताहच मन्दिट#मत्ति १४:१७-२१। 10अनि नालुंग हजार लोकुरक साटि सात रोटिंग हितोना अनि पजा बचोक ओडिंग निहच ताहच मन्दिट इन्जोर निमाट मरंगतिट बहे#मत्ति १५:३४-३८? 11नना मिकुन परीसि अनि सदुकिया लोकुरा खमिरताल सावदान मन्ट इन्जोर इतोना ओव रोटिंगना बारेते आयो इन्जोर निमाट बाक्या समजेमायविट?” 12इदाम रोटिता खमिरते आयो, मति परीसि अनि सदुकिया लोकुरा करहानाताल सावदान मन्दिलाय ओर इन्ज मतोर इन्जोर समजेमातुरक।

पतरस येसुन मसि इन्जोर येतिन्तोर

(मर ८:२७-३०; लूका ९:१८-२१)

13पजा येसु फिलिप्पिना कयसरिया प्रदेशतिगा वातुर अनि आपुनोर चेलालोरकुन, “लोकुरक नना मानेयतोर मरिन बाताल इन्तोरक?” इन्जोर पुच्चेमायिला लागतुर। 14“हुचुलोर लोकुरक बपतिस्मा हेवाल युहन्ना इन्तोर अनि दुसरो हुचुलोर लोकुरक एलिय्याल इन्तोरक, अनि असा दुसरो हुचुलोर लोकुरक यिर्मयाह या परमेस्वरना पोल्लो वेहवालोरकनिगाडाल वरोर आन्दुर इन्तोर#मत्ति १४:१,२; मर ६:१४,१५; लूका ९:७,८” इदाम चेला लोकुरक वेहतुरक। 15येसु ओरकुन, “मति निमाट नाकुन बोर इन्तोरिट?” इदाम पुच्चेमातुर। 16शिमोन पतरस उत्तर हितुर, “निमा जिवित परमेस्वरनोर मरि मसि आन्दि#युह ६:६८-६९।” 17येसु ओन, “हे योनानोर मरि शिमोन निमा धन्य मन्तोन, बाक्याकि मानेयक आयो मति स्वरगतिगा मन्तोर नावोर बाबो ओरे इद पोल्लो नियागा तोहतोर। 18अनि निमा पतरस आन्दि अदेना अर्थ आदि इन्जोर मता, अनि इद आदितिगा नावा पोरो विस्वास केवालोरा सभा नना बनेहकियाका, अनि हायानाता लाव वने नावा सभातुन बसकेय जिको आयनुंग इन्जोर नना निकुन इन्तोना। 19स्वरग राज्यता खिलि#१६:१९ अदिकार नना निकुन हियाका अनि निमा दरतितिगा बाताले दोहकि ओद स्वरगतिगा दोहका अनि बाताले निमा दरतितिगा तरियकि ओद स्वरगतिगा तरियका” इन्जोर ओर उत्तर हितुर#मत्ति १८:१८; युह २०:२३। 20असके नना मसि आन्दान इन्जोर बोने वेहमाट इन्जोर चेलालोरकुन चेतेहकिस वेहतुर।

येसु हासुन असा जिवेमास तेदानाता बारेते पहले बेरा वेहान्तोर

(मर ८:३१-३३; लूका ९:२२)

21ओद बेराताल येसु, ओर येरुसलेम हन्जुन अगा यहुदि अदिकारि लोकुरक अनि मुक्य याजक लोकुरक, अनि मूसाना नियमतुन करिहवालोरा कयदे पकाय तकलिप ताहच हव्काहनुरक, अनि तिसरो दिया नना असा जिवेमास तेदिला पहाजे इद जरुरि मन्ता इन्जोर आपुनोर चेलालोरकुन वेहिला लागतुर। 22असके पतरस ओन अलग ओतुर, “हे प्रबु, इदाम केमाकिर, निकुन इदाम बसकेय आयमाकि” इन्जोर ओना वळकानातुन विरोद किस इतुर। 23येसु पतरसतुन हुळस, “निमा सयतान लेहका वळकान्तोन, नावा मुनेटाल लक आम; निमा परमेस्वरना योजनाता विरोद किन्तोन; बाक्याकि निमा परमेस्वरना विचार लेहका आयो मति मानेयकना लेहका विचार किन्तोन” इदाम इतुर।

येसुना परके ताकाना अर्थ

(मर ८:३४—९:१; लूका ९:२३-२७)

24अनि पजा येसु सबोय लोकुरकुन इतुर, “बोने नावा चेला आयाना इच्चा मन्ता ते, ओर आपुना इच्चा अनि योजनातुन तासिस आपुना कुरुस ताहच आपुना पकाय तकलिपतुन सहेन किस नावा परके वायिर#मत्ति १०:३८; लूका १४:२७। 25बाक्याकि बोराय मानेय आपुना जिवातुन पिसिहला हुळानुर ते ओरक परमेस्वरनासंग मन्ता अनन्ता काळता जिवा नष्ट आयार, मति बोरायि मानेय आपुना जिवा नावा साटि हियानुर ते ओन परमेस्वरनासंग अनन्तकाळता जिवा पुटार#मत्ति १०:३९; लूका १७:३३; युह १२:२५। 26मति मानेयक दुनियाता सबोय पोल्लोंग पुटहानुर मति ओना अनन्त जिवन नष्ट आयार ते ओन बाताल फायदा मन्दार? या ओना अनन्त जिवन पुटान साटि मानेय बोद चिज बदला हियानुर? 27अनि नना मानेयतोर मरि आपुना बाबोना महिमाते आपुना पवित्र स्वरगदूतकनासंग वायनुर असके ओर वरोर वरोन आपुना बुतोता अनुसार बदला हियानुर#मत्ति २५:३१; भज ६२:१२; रोमि २:६। 28नना मानेयतोर मरि आपुना राज्यतिगा वायाना हुळानावनाह हायोर आयनुरक हुचुलोर लोकुरक इगा नितितोरिगडाल मन्तोर इन्जोर नना मिकुन खरोय इन्तोना।”

ที่ได้เลือกล่าสุด:

मत्ति 16: fmu

เน้นข้อความ

แบ่งปัน

คัดลอก