1 Mose 6
6
1Ni eba mli ake̱, beni gbomei bõi fe̱omo̱ ye̱ šikpoṅ le̱ no̱, ni afo̱fō̱ biyei ahãame̱ le̱,
2Nyoṅmo̱ bihĩĩ le̱ yana ake̱ gbomei abiyei le̱ ahe ye̱ fe̱o, ni ame̱w̌e̱w̌rē̱ ame̱teaṅ yei fẽ ni ame̱sumoo̱. Mat. 24,38.
3Ni Iehowa kē̱: Mimumo̱ le̱ ke̱ gbomei epleṅ be dā ye̱ ame̱gbe̱dū̃ le̱ mli; edšake̱ helo dšiame̱, ni *ame̱gbĩĩ afe afii oha ke̱ nyoṅmai-enyo̱. *1 Pet. 3,20.
4No gbĩĩ le̱ amli le̱ oblãṅi agboi le̱ ye̱ šikpoṅ le̱ no̱ ni no se̱ hũ, beni Nyoṅmo̱ bihĩĩ le̱ te gbomei abiyei le̱ aṅõ, ní ame̱ke̱ame̱ fo̱fō̱ bii le̱, ame̱ noṅṅ ame̱dši kãkãlo̱i ni yo̱ gbe̱i ke̱-dše̱ blema bẽbe.
5Ni Iehowa na ake̱ gbomei anõfõṅfemo̱ fá ye̱ šikpoṅ le̱ no̱, ni *ame̱tšuiṅ susumo̱i adſẽṅmo̱ fẽ le̱ efõṅ ke̱ke̱ dši dāne̱. *8,21.
6Ke̱ke̱ ni Iehowa *ſa ehe ake̱ efe gbomo ye̱ šikpoṅ le̱ no̱, ni edo̱le̱ ye̱ etšui mli. *Ier. 18,10. 4 Mose 23,19. Lal. 18,27.
7Ni Iehowa kē̱: Hakpãtã gbomo ni mibo̱ le̱ bĩe ke̱-dše šikpoṅ le̱ no̱, ke̱-dše̱ gbomo no̱ ke̱-yaši koloi ke̱ wāmo̱nii ke̱ ṅwei lofõdši ano̱; ši mifa mibe ake̱ mifeame̱ le̱.
8Ši Noa hĩe ba nyam ye̱ Iehowa hĩe.
9Mene̱mei dši Noa sešibii le̱: Noa dši *dšalo̱, ni eye emū ye̱ eyino̱bii le̱ ateṅ; ni Noa ke †Nyoṅmo̱ nyie. *Heb. 11,7. †1 Mose 5,22. 24.
10Ni Noa fo̱ bihĩĩ etẽ: Šem ke̱ Ham ke̱ Iafet.
11Ni šikpoṅ le̱ no̱ efite ye̱ Nyoṅmo̱ hĩe, ni awo šikpoṅ le̱ no̱ obõ ke̱ yiwale̱.
12Ni *Nyoṅmo̱ kwe̱ šikpoṅ le̱, ni na, eno̱ efite; edšake̱ helo fẽ efite egbe̱ ye̱ šikpoṅ le̱ no̱. *Lal. 14,2.
13Ni Nyoṅmo̱ kē̱ Noa ake̱: Helo fẽ *nãgbẽ eba mihĩe; edšake̱ šikpoṅ le̱ no̱ eyi obõ ke̱ yiwale̱ ni dše̱ame̱; ni na, mibakpãtã ame̱ke̱ šikpoṅ le̱ hĩe. *Amos 8,2.
14Ṅõ gofertšo ofe adeka ohã ohe, ni ofe tšũi ye̱ adeka le̱ mli, ni owo emli ke̱ ehe amã.
15Ni bo̱ni ofe le̱ ohã ne̱: adeka le̱ ke̱le̱ dši ninetalo̱i ohai-etẽ, elē̱mo̱ dši ninetalo̱i nyoṅmai-enumo̱, ni ekwo̱le̱ dši uinetalo̱i nyoṅmai-etẽ.
16Femo̱ samfe̱dši oto adeka le̱ be, ni oṅõ ninetalo̱ kome ogbe nā ye̱ ṅweigbe̱; ni adeka le̱ šĩnā le̱ aye emase̱igbe̱; ofele̱ nsō̱doi etẽ, šišinõ ke̱ noni dši enyo̱ ke̱ noni dši etẽ.
17Ši mi le̱, na, mike̱ nu afua mība šikpoṅ le̱ no̱, koni mike̱-kpãtã helo fẽ ní wala mumo̱ yo̱ mli le̱ hĩe ke̱-dše̱ ṅwei šiši; nofẽno ni yo̱ šikpoṅ le̱ no̱ aaplenē.
18Ši mate kpãṅmo̱ ši mamã mike̱o teṅ, ni oobote adeka le̱ mli, bo ke̱ obihĩĩ le̱ ke̱ oṅã ke̱ obihĩĩ le̱ aṅãmei le̱.
19Ni nofẽno ni hĩe kã ye̱ helo fẽ mli sro̱toi fẽ enyo̱nyo̱, nū ke̱ yō nū ke̱ yō, oke̱ya adeka le̱ mli, koni ahere ame̱yiwala afata ohe.
20Lofõdši ye̱ ame̱heno̱, ke̱ koloi ye̱ ame̱heno̱, ke̱ nii ni wamoo̱ ye̱ ame̱heno̱, sro̱toi fẽ enyo̱nyo̱ aba oṅõ, koni ahere ame̱yiwala.
21Ni bo le̱, ṅõ niyenii fẽ ní ayeo̱ le̱ eko ke̱-ba oṅō, ni obna nā ohã bodientše̱ ke̱ame̱ yeli.
22Ni Noa fe nakai; bo̱ni Nyoṅmo̱ fã́le̱ le̱, nakai pe̱pē̱pe̱ efe.
ที่ได้เลือกล่าสุด:
1 Mose 6: GBV96
เน้นข้อความ
แบ่งปัน
คัดลอก
ต้องการเน้นข้อความที่บันทึกไว้ตลอดทั้งอุปกรณ์ของคุณหรือไม่? ลงทะเบียน หรือลงชื่อเข้าใช้
The Bible in Ga © Bible Society of Ghana, 1896, 1992.