Matei 4
4
Payilwa kwa Yesu
(Mal 1:12-13, Luk 4:1-13)
1Bu'kapo, Yesu ngalongoyelwa na Loo Mpeleteu mpaka kulubele li'nga apayilwe na Ibilisi. 2Yesu paayomwi punga lya kwa masu'ba alubaini kilo na muntwekati, ngaimminya njala. 3Ibilisi ngamwisilya na kummakia, “Manaitei wenga wa Mwana wa Nnu'ngu', ugaamulise maliwe ga li'nga gabe makati.” 4Yesu ngannyangwa, “Iandikilwe nyinyo,
‘Mundu akombwali lama kwa likati bai,
ila kwa kila liyi'gi'yo lyaliuma munkano wa Nnu'ngu'.’”
5Bu'kapo, Ibilisi ngampu'twa mpaka pansengo mpeleteu wa Yelusalemu na kunnyi'mi'ka pandu patu'ndu'bau munyumba ya Nnu'ngu', 6na kummakia, “Manaitei wenga wa mwana wa Nnu'ngu', witaikuli pai', kwa mwanjaa iandikilwe,
‘Nnu'ngu' aakulagya malaika bake,
baakupu'twa mumaboko gabe,
li'nga magu'lu' gako gaakanekunywa pa liwe.’”
7Yesu ngammakia, “Kai' iandikilwe,
‘Kaneumpaye Bwana Nnu'ngu' wako.’”
8Bu'kapo, Ibilisi ngampeleka pakitu'mbi' kilaso na kunnaya kulungwa yoti ya padunia na uku'lu' wake, 9ngammakia, “Nilu'a kupeya yi'no yoti mana unikilikitile na kuniyinamya.” 10Lakini Yesu ngammakia, “Bu'kya kwo wenga wa Ibilisi, kwa mwanjaa iandikilwe,
‘Unkilikiti Bwana Nnu'ngu' wako,
na untumikiye ywembe kisake bai.’”
11Bai, Ibilisi nganneka, malaika ngabaisa kunnyangatia.
Yesu atumbwa lyengo ku Galilaya
(Mal 1:14-15, Luk 4:14-15)
12Bai, Yesu paayu'wine panga Yoani abile muutabilwe, ngayenda mpaka Galilaya. 13Ywembe aabu'i Nasaleti no yenda tama Kapernaumu, nsengo waubile mbwega ya litanda lya Galilaya, muilambo ya Zebuluni na Nafutali, 14li'nga gatimi mayi'gi'yo gagaalongelikwe na Nnu'ngu' kwo pi'tya nnondoli wa Nnu'ngu' Isaya,
15“Nni'ma wa Zebuluni na nni'ma wa Nafutali,
li'nga kubaali kwiyi' ya libi'ndi' lya Yordani,
Galilaya, nni'ma wa bandu bangali Ayahudi.
16Bandu bo babatama mulubi'ndu',
Baubweni bweya nku'lu',
Babatama mukiwili sa kiwo,
Bamulikilwe na mwaana wa kindai.”
17Bu'ka masu'ba go, Yesu aatumbwi aala no baya, “Muileke sambi na munng'alambuki Nnu'ngu', kwa mwanjaa Ukulungwa wa Kunani wegelile!”
Yesu akema alobi ba omba
(Mal 1:16-20, Luk 5:1-11)
18Yesu paabile katyanga mbwega ya litanda lya Galilaya, aabweni alobi ba abi'li'. Bandu bo baai Simoni ywakemelwage Petili, na nnunawe Andelea, aakoli kabaulukia mbi'li'li' mulitanda. 19Yesu ngaabakia, “Munibi'ngi'ye, nipala mupange mwa alobi ba bandu.” 20Popopo, ngabaileka mbi'li'li' yabe na kummi'ngi'ya.
21Payendeli nnu'ngi' ngaakolya kai' Yakobi na nnunawe Yoani, batami mungalaba na tati' babe Zebedayo kabatendekeya mbi'li'li' yabe. Yesu ngaakema, 22nabembe popopo ngabaaleka tati' babe na ngalaba, na kummi'ngi'ya Yesu.
Yesu ayi'gana bandu no tepwa atamwe
(Luk 6:17-19)
23Yesu aabile kapi'ta pano na palu' ku ilambo ya Galilaya, kaala no yi'gana abali inannoga ya Ukulungwa wa Nnu'ngu' mumayumba gabe ga kunnu'ba Nnu'ngu' no aatepwi atamwe boti. 24Abali yake yaayu'wanike munni'ma woti wa Shamu. Ngabannetya bandu boti babatesilwe na matamwe mbali'mbali', na bene moka, kyundaunda no tomboloka payi'ga, nembe Yesu ngaatepwa. 25Ipi'nga ya bandu yendekumi'ngi'ya bu'ka Galilaya, Dekapoli, Yelusalemu, Yudea no bu'ka kwiyi' ya libi'ndi' lya Yordani.
ที่ได้เลือกล่าสุด:
Matei 4: Matumbi
เน้นข้อความ
แบ่งปัน
คัดลอก
ต้องการเน้นข้อความที่บันทึกไว้ตลอดทั้งอุปกรณ์ของคุณหรือไม่? ลงทะเบียน หรือลงชื่อเข้าใช้
© 2019 Pioneer Bible Translators
