Гелип чыкыш 10
10
10-нҗы бап
Нухдан дөрән миллетлер
1Нухуң огуллары Самың, Хамың хем-де Яфесиң несиллери шулардыр. Силден соң олардан шу чагалар догулды.
2Яфесиң несиллери: Гомер, Магок, Мадай, Яван, Тубал, Мешек ве Тирас. 3Гомериң несиллери: Ашкеназ, Рипат ве Тогарма. 4Яваның несиллери: Элиша, Таршыш, Китим ве Доданым. 5Булардан деңиз якасында яшаян миллетлер яйрады. Ине, Яфесиң несиллери шуларды. Оларың херси өз миллетлерине гөрә, өз юртларында месген тутуп, хер тирәниң өзүне махсус болан дили барды.
6Хамың несиллери: Куш, Мүсүр, Пут ве Кенган. 7Кушуң несиллери: Себа, Хавыла, Сабта, Рагама ве Сабтека. Рагаманың несиллери: Шеба ве Дедан. 8Кушдан ене Нимрот догулды; ол ер йүзүнде илкинҗи эдермен уршуҗыды. 9Нимрот Реббиң хузурында батыр авчы болуп етишди. Шол себәпден хем ил арасында: «Реббиң хузурындакы Нимрот ялы батыр авчы» дийилйәр. 10Башда Нимродың шалыгы Шингар юрдундакы Бабыл, Эрек, Акат хем Калне галаларының дөрдүсини өз ичине алярды. 11-12Нимрот ол юртдан Ашура чыкып, Ниневәни, Рехоботири, Каланы хем-де Ниневе билен бейик гала болан Каланың аралыгындакы Ресени бина этди. 13-14Мүсүр лутларың, анамларың, лехабларың, наптухларың, патрусларың, каслухларың ве капторларың атасыды; каслухлардан хем пилиштлилер гелип чыкды. 15-18Кенгандан онуң новбахар оглы Сидон, соңра Хет догулды. Кенган ябусларың, аморларың, гиргашларың, хивилериң, аркларың, синлериң, арватларың, семарларың ве хаматларың хем атасыды. Соңра Кенган тирелери думлы-душа яйрадылар. 19Оларың арачәги Сидондан Герара хем-де Газа ченли, Газадан Содома, Гомора, Адма, Себойыма ве Лаша ченли барып етди. 20Ине, Хамың несиллери шуларды. Оларың херси өз миллетлерине гөрә, өз топракларында месген тутуп, хер тирәниң өзүне махсус болан дили барды.
21Яфесиң агасы Самдан-да энчеме огул дүнйә инди. Ол еврейлериң#10:21 Еврейлериң – я-да Эбериң әхли несиллериниң. атасыды. 22Эйлам, Ашур, Арпакшат, Лут ве Арам Самың несиллеридир. 23Ус, Хул, Гетер ве Маш Арамың несиллеридир. 24Арпакшатдан Шела, Шеладан Эбер догулды. 25Эберден ики огул дүнйә инди, оларың бириниң ады Пелекди, онуң дөврүнде дүнйәдәки халк бөлүнипди#10:25 Еврейче Пелекди ве бөлүнипди сөзлериниң айдылышы меңзешдир.; онуң доганының ады Ёктанды. 26Ёктандан Алмодат, Шелеп, Хасармавет, Ера, 27Хадорам, Узал, Дикла, 28Обал, Абымайыл, Шеба, 29Опыр, Хавыла ве Ёбап догулды. Буларың хеммеси Ёктаның несиллеридир. 30Олар Меша билен Сепар аралыгындакы гүндогар дагларда месген тутдулар. 31Ине, Самың несиллери шуларды. Оларың херси өз миллетлерине гөрә өз топракларында месген тутуп, хер тирәниң өзүне махсус болан дили барды.
32Нухуң огулларындан миллетлери боюнча эмеле гелен тирелер шулардыр. Силден соң олардан энчеме миллетлер дөрәп, олар тутуш ер йүзүне яйрадылар.
ที่ได้เลือกล่าสุด:
Гелип чыкыш 10: TukCyr16
เน้นข้อความ
แบ่งปัน
คัดลอก
ต้องการเน้นข้อความที่บันทึกไว้ตลอดทั้งอุปกรณ์ของคุณหรือไม่? ลงทะเบียน หรือลงชื่อเข้าใช้
© Мукаддес Китап Терҗиме Институты, 2016