Kabavelamu 15
15
Iave Ebelam waineye ivonadabadaba
1Matautauda Iave Ebelam waineye kenokisakisaeqa iveveni ivoneni ivo, “Ebelam, ge kigololo. Yau kamubebela aibalabodebodemu. Kamukabei kamututula bwaigina aivelemu.”
2-3We ibaivila ivo, “O Tomwaya Iave, Yau ge menatugu beqa mututula bwaigina gebuka inakaivaisegu. Paina natugu ge kudavelegu beqa kamukabei aiwapa Eliesa guguyoguyo matatabuna inakewadi. Gumanina tomoqo Damasiko taoni waineye imai wete gutolituqa guvanuqe taiauda kamiamia.”
4Matautauda Iave ivona-vaituqana ivo, “Gebuka, no tomoqonina ge muguyoguyo inakewai. We gwamana taunimu waimue'eqa inatubuqa. Tutuyanina kiwapa taunimu natumu muguyoguyo matatabuna inakewadi.” 5Matautauda Iave Ebelam iluguaqeteni maleweye ivoneni ivo, “Kukisalaga abama waineye mwatuia kukisedi. Komu kanasala mwatuia kiwawadi? Gebuka! Tutuya imaimaiqa tubuleleleqimwavo kadiyoko mwatuia mesaida. Gebuka tamo aitoi kanasala inawawa-kakavadi.”
6Ebelam Iave navona ivetumaqaneni beqa Iave imwasaneni we ikawagiagiamaieni navetumaqana paipaina.
12Tutuyanina valavala ikeketoniveni, Ebelam ikenomataiva. Vaitoma bwaigina iobu italakapupuya, wete igololo bwaigina. 13#Kaba 15:16; Isa 12:40; Aposi 7:6, 17Matautauda Iave ivesipupu waineye ivo, “Kuyagovi dede mwaqitana! Tubuleleleqimwavo mesaida olaolaga inamiana tamo pwayapwaya waineye gumanina ge dipwayapwaya. Diqaba 400 naqedie dede pwapwayanina kanatomo'otoqavo tubuleleleqimwavo inayoqonidi inavelituqedi wete inaloina-kapoyedi. 14#Aposi 7:7Wete kamukabei pwapwayanina kanatomo'otoqavo, gumanidiavo inavalabubuna-kapo tubuleleleqimwavo waidie, Yau aikaimatavuloqidi. Mulineye komu tubuleleleqimwavo pwayapwayanina inakiaweni, we guyoguyo bwaigina inakewadi taiauda. 15-16Deqoina Amoli tomo'otoqinavo dede pwayapwayanina waineye imiamia. Tutuyanina lagata pulina inakakava we kaia me Amoli dimia waineye inamia-kapo bwaigiotoqina, matautauda aikaimatavuloqidi wete aikwavinedi pwayapwaya dede waineye. Matautauda tubuleleleqimwavo inavila inamai dede vikainina waineye.
“We komu Ebelam kitomwaya kimiamia diqaba puedi inakakava niwalovaeqa kiwapa inatavunimu.”
ที่ได้เลือกล่าสุด:
Kabavelamu 15: mzz
เน้นข้อความ
แบ่งปัน
คัดลอก
ต้องการเน้นข้อความที่บันทึกไว้ตลอดทั้งอุปกรณ์ของคุณหรือไม่? ลงทะเบียน หรือลงชื่อเข้าใช้
© 2023 (Active), Wycliffe Bible Translators, Inc. All rights reserved.
