Dehet deng Apan-kloma ki in Dadi ka 8:21-22

Nikit AMA LAMTUA hodo net in tunu-dadung nas in bui bingis sa kon, Un dalen kolo isi. Un nangan noan, “Kilan deng dedeng nia, Auk tao didaan apan-kloma ki undeng atuli li in daat ta lo ka. Oen nangan dadaat deng anan bii ku kon no, Auk tao didaan totoang in nuli ngias banansila el Auk tao son ni lo ka. Se dedeng apan-kloma ki muik nabale lam, oras sas laok napiut, el in biasa ka. Nas: oras in soko-hai, nol oras in nui-nole, oras blingin nol oras otot, oras ehe nol oras ulan, lelo nol duman.”