ข้อพระคัมภีร์ยอดนิยมจาก LUK 8

แบ่งปัน

Kaomaia shatbü youli maibü tetlabü kho, müt maibü hoba lanbü shuongei ngüh kho ditkei, haoenei maangpona kaangkhühtham sungletkei hoba youman asung shongko natenda.

Jaklaaka atbü youli tetlabü kho, haoenei ngüh kho ditkei, lausikei haoen haujinei, maangmau hoba nyaksinam hoba ho kaodak olinbüei naülepda, hoba lang ehekda.

Laangnyina atbü youli tetlabü kho haoenei ladang ditda, olinbüei ngüh kho sungletda, lausikei haoen to li üatkei; hibü haoenei longche mailemda, hoba takteibü jihsiphaia haoen atetda.

Haoei haoen to laukei, “Kaneibü mailem lan ki?” Haoen hatkei hoba maang- pangkei, hoba haoen si haoen lauyokei, “Ho ao? Haoei yei si dei la mangkei ngühkhüm kuda, hoba haoenei hao ngüha leda.”

Lamkhonga atbü kho ngüh ditbü shuong. Haoen mai alemtila hoba akhümentila shanga shabü mühghaü louan haoeneibü maang- pon ka ngüh kho langkuda.

Aishanga akhuokenlabü lele aikei huan aki hoba angelabü hoba tang akhitlabü lele aikei aki.

Ladang saoei uhuenlabü dogo ngekei, sao lühjilühko louan hao thedanga khüpetkei. Müt pendou thedanga saoei hao to aila meitikei kho wanan lenkei, hoba sao khoyam maian apbü shangabü khokan lenkei. Haoei sao to laukei, “Nashounyu, kaibü mailemei no maia. Haksoa ngaiashi.”

Haoen louan hao kangan pitikei hoba laukei, “Lenbou, Lenbou, sen nyemda.” Hao pikei hoba yei si deishou to hakkei. Kheijinei yeinak thakkei, hoba jemetshouko kikei.