ข้อพระคัมภีร์ยอดนิยมจาก Dànì Kèhoį̀wo 9

แบ่งปัน

Eyıts'ǫ Nǫ̀htsı̨ hadı, “Dıı naxıgha wègaat'ı̨į̀ ahłe ha, weghàà naxıxè nakenahòdlı̨ı̨ eyıts'ǫ t'asìı hazǫǫ̀ naxıxè geedaa gıxè nakenahòdlı̨ı̨ wek'èhoedzǫ ha. Įdaà dǫ hazǫǫ̀ ełetł'axǫǫ̀ geeda ha sìı gıgha hòèlı̨ hǫt'e: K'oh xè k'àlemį̀į̀ wègaat'ı̨į̀ ahłe ha, eyı weghàà naxıxè eyıts'ǫ dıı dèè xè nakenahòdlı̨ı̨ sìı wek'èhoedzǫ ha.

K'oh xè k'àlemį̀į̀ wègaat'ı̨ taàt'eè weghàehda ha, eyı weghàà dıı nèk'e t'asìı hazǫǫ̀ edaa xàɂaa gıxè welǫ whìle ts'ǫ̀ nakenawhehtsı̨ı̨ sìı wenahdì ha,” Nǫ̀htsı̨ hadıì xàyaı̨htı.

“Dǫ ts'ıhɂǫ̀ dǫ wedoò xàı̨tł'ı nı̨dè dǫ ayį̀į̀làa sìı dǫ t'à wedoò xàtł'ì ha, Nǫ̀htsı̨ edexèht'eè dǫ whehtsı̨ ne t'à.

Nǫ̀htsı̨ Noah xè eyıts'ǫ weza sı xè sìghà xàyaı̨htı, hagòhdı, “Dıı nèk'e hazǫǫ̀ ts'ǫ̀ naxıts'ıhɂǫ̀ǫ-dǫǫ̀ łǫǫ̀ awede.

T'asìı hazǫǫ̀ edaa xè nàedaa sìı naxıgha weghǫ shèahzhe elı̨ ha. Dèè k'e ı̨t'ǫ̀ dehshee sìı weghǫ shèahzhe ha naxıghàıhła ı̨lè xèht'eè, dıì t'asìı hazǫǫ̀ naxıghàıhła hǫt'e.

Dıı nèk'e tıts'aàdìı hazǫǫ̀, yat'a k'edèe hazǫǫ̀, dèè k'e k'eɂàa hazǫǫ̀, eyıts'ǫ tı yìı nàdèe hazǫǫ̀ naxıts'àgeejı̨ ha; naxıtł'aà whelaà agììdlà.

Naxıza łǫ gǫ̀hłı̨ xè naxıts'ıhɂǫ̀ǫ-dǫǫ̀ łǫǫ̀ awede. Dıı nèk'e hazǫǫ̀ ts'ǫ̀ wek'e nàahdè,” Nǫ̀htsı̨ gòhdı.