ข้อพระคัมภีร์ยอดนิยมจาก LUKAS 11

แบ่งปัน

Ki naken, cha' ḻe'e bi nakle chawe', san nnézlele wnéẕjwle chegak ẕi'nle ka' da' naken chawe', wak wx̱én ḻáže'žele X̱ale zoe' ya'abá gonne' Dios Be' La'y chele, nol-le nnáblele Ḻe'.

Che ḻen žapa' ḻe'e: Le nnab, na' Dios gonne' chele. Le chilj, na' žeḻ chele. Le wḻíž ža yo'o, na' yaḻjwn chele.

No benne' bi da' ẕnnabe', ẕzi'en, na' bennen' bi da' žilje', ẕžeḻ-len', na' bennen' žḻiže' ža yo'o, žaljwn chie'.

Naž Jesusen' gože' ḻégake': —Kate' wcháḻjḻenle Dios, žaḻa' nnale ki: X̱ato', zo' ya'abá, ga'n ẕen lo'. Da, nna bi'o nga. Žénelto' gak yežlyó nga kan žaz ḻažo'o Le', kan žaken ya'abá chio'.

Benít ḻaw cheto' doḻan' nbága'to' kan neto' ženít ḻawto' che no benne' bi da' žone' cheto'. Bi go'o latje gon da' x̱iwe' ga bága'to' doḻa', san beslá neto' ḻo da' žonen.

Benn da' gawto' na'a ža.

Zej nak yej ḻawžo ka to da' ẕgo'on baní' ḻo yichj ḻáẕdo'žo. Cha' yej ḻawo' zej naken chawe', dotio' nžan' da' naken baní'. San cha' yej ḻawo' bi zej naken chawe', dotio' nžan' da' naken choḻ.

Ḻezka' wnná Jesusen': —Kate' no benne' ẕzalje' yi', bi ẕgo'en gan ngache', na' bi ẕdosen' ẕan kak, san ẕzoen' sibe gan ḻa'ten, nich wza'nín' chegak benne' ka' želyoé'e ḻo yo'on'.