ข้อพระคัมภีร์ยอดนิยมจาก San Mateo 9

แบ่งปัน

Yuxin yal Comam tet ebnaj iscuywom: —Huntekꞌan anma tiꞌ lahan hacaꞌ ixim trigo lan̈an iskꞌanbiloj. Caw hantan̈e munil, yajaꞌ haywan̈n̈e ebnaj munlawom. Yuxin kꞌanwe tet Comam Dios yahaw munil, haxinwal chati Comam ismunlawom xol anma, ẍi Comam tet ebnaj.

Yuxin chiwalan teyet, saywe yul Yum Comam Dios cat hetxumni yin̈ bay chal hacaꞌ tiꞌ: “Haꞌ huneꞌ chiwochehan ta chitzꞌay hecꞌul yin̈ heyet anmahil, maẍn̈etaj heyakꞌni hexahanbal wetan,” ẍiayoj. Mach hulnajojinan wawteꞌan anma chalni ta cꞌul yecoj, ¡machoj! Walxinto yu anma chistxumu ta mulum, yuxin hulnajinan, yun̈e isbejnicano yanico ismul, ẍi Comam.

Hayet yilnico Comam yin̈ anma xin caw tzꞌaycan̈ iscꞌul yin̈ anma tuꞌ, yuto bejbilcanoj, mach chitxumcha yu tzet wal yuten isba. Hacaꞌ noꞌ meꞌ machi mac chitan̈eni, hac tuꞌ ye anma.

Hayet yaben Comam huneꞌ tuꞌ xin, yalni Comam tet ebnaj: —Haꞌ anma mach yaꞌo ay, matzet chiocnico naj an̈lom yu, to haꞌ anma yaꞌay haꞌ chiocnico naj an̈lom yu.

Caw sunil yulajla con̈ob yeb yulajla aldea bay ecꞌ Comam Jesús, iscuyni Comam anma yulaj iscapilla ebnaj Israel yul hunu con̈ob tuꞌ. Yalnicꞌo Comam yin̈ tzet chu yoc anma yul iskꞌab Comam Dios, yakꞌni cawxo Comam anma tzijxan̈e yabilal ayco yin̈.