ข้อพระคัมภีร์ยอดนิยมจาก Jn 9

แบ่งปัน

Yowalil chin watx'nej is mulnajil Cham max in chekontek, yak'ban ayto c'u. Yujtol a yet mayal toj c'u, c'amxa mac chi je' mulnaji.

Yet ayinto ec' yulyibank'inal ti', axca sakk'inalok eb anima wayji, ẍi Jesús bay eb.

Axa k'anlen eb cuywom tu' axca ti': —Meẍtol, ¿tzetlaj yuj xan c'am chi je' yilwi jun winak ti' yintax yaljubal? ¿Ami eb mamej txutxej ay is mul, ma a nak ay is mul? ẍi eb bay Jesús. —A jun winak ti', man yujok mul is mam ma is txutx, xan caytu' yayji, tamwal yuj c'apax is mul nak, palta tol chi yochej Dios chi tx'ox is mayk'ak'al yin nak, xan caytu' yayji.

Axa yalon Cham bay nak tu': —Yuj watx'ji el eb anima wuj, xan max in jay bay yulyibank'inal ti', yujtol ay eb c'am chi je' yilon yet Dios tinani', palta ok jakchaj sat eb tu' wuj. Ay nanxa eb, caw wal chi je' yilon yet Dios naoni, palta a eb tu', axca tol ok etax el sat eb wuj, ẍi Jesús.