ข้อพระคัมภีร์ยอดนิยมจาก Jn 12

แบ่งปัน

Ta ay mac chi ochen chin ak'on serbil, tzaklojokab wintak, yet watx' a bay ayin ec'ok, a tu' chi ayji c'apax ec'ok. Ta ay mac chin ak'on serbil, a in Mam ok paktzen bay eb, cax miman ok yun yeloc eb.

A mac asannej wal is k'inal ay yelapnok yul sat, ok lajwokcan el is k'inal tu'. A pax mac c'am yelapnok is k'inal yul sat bay yulyibank'inal ti xin, a ton eb tu' ok cha k'inalej tol ayc'al yin tojbalk'inal.

Wal yel chi wal ayex, k'inalok ay junok ixim bak' trigo chi can yiban tx'otx', toc'al chi can caktu'. Ta chi muklayi, axca tol chi cami, palta chi aj pax ulok, mimanxa bak' chi yak'a'.

Ayin ti', max in jay ul wak'on sakk'inal bay eb anima bay yulyibank'inal ti', yet watx' a eb chi yaoc c'ul win, c'amxa k'ekk'inal yin yanimail eb.

A eb chi aben in k'anej, ta c'am chi yikej eb, mayinnak ok waoc yailal eb, yujtol man yujok waon oc yailal anima xan max in jay bay yulyibank'inal ti', palta yuj wak'on colchaj eb, xan max in jayi.

A pax ix María xin, max yitek nan litro ambal suk'uk'i jab, chi yik nardo.*fn* A jun ambal tu', caw wal can is tojol. Max jayc'al ix bay Jesús cax secon oc ix yin yakan Cham. Lajwic'al tu', max joontak ix yetok is xil. Jun bek max nojil yul jun na tu' yuj jabil.

Yuj tu' xiwil eb chi ion el xaklak an palma. Chi yiontok eb, cax chi toj eb chaon Jesús. Max aj yaw eb yin ipejal, chi yalon eb axca ti': —Yuj wal dios. Al-layokab watx' k'anej bay Cham chekbiltek yuj Cham Jajawil ti'. Jalek watx' k'anej bay Cham co Reyal ayon israel on ti', ẍi eb.

Axa yalon Jesús bay eb axca ti': —Ayin ti', Chekbilintek yuj Dios xol eb jet animail, a tinani' lanan jay yorail txecloj elok, tol yel miman welapnok.