ข้อพระคัมภีร์ยอดนิยมจาก Ageun 6

แบ่งปัน

Kiitu EJAKAIT naarai abu kosub etuŋanan kotoma akwap, kokadak kotauke.

Koany EJAKAIT aronis naka ituŋanan epol kotoma akwap, ka aitetemonorikere naka aomisio nukotauke erai naerono due.

Konye kodum Noa asianut kakonye nuka EJAKAIT.

Na ŋes aur naka Noa. Arai Noa etuŋanan loedolit, lomam itoronitai katurike: kolosenenei Noa nepepe ka Edeke.

Kobala EJAKAIT ebe, “Amwatari eoŋ ituŋanan yenabu kasub kakwap; ageun kotunanan, ka etiaŋ, ka lueliatos, ka lueporitos kapak; naarai eitu eoŋ kanuabu kasubunia kes.”

Kosodete nakegeuniata iruna eiyas kakwap, kouriata apesur, Koanyut odwe luka Edeke adwe nuka ituŋa ebe ejokuka; komanyata aŋor kotoma kanun kere nuaseununete kesi. Kotema EJAKAIT atiar, “Mam ekatau epegenenas kitunanan ikar ka ikar, naarai erai ŋesi da akuan: konye eraunos akepaarasia ikar akwatat ka akaisaarei.” Kapaarasia kanun kojaas Inepilin roma akwap: ido kokau kanun, nakelomanariata odwe luka Edeke mama ejaas adwe nuka ituŋa, kourianakis kes: nulkes ituŋa lukagogon lukolo sek, ituŋa luajenas

Kiswama Noa kwaŋin; kwape kicorakinia ŋes Edeke, kiswama kwaŋin.

Kotema Edeke Noa atiar, “Adolu awasia naka ŋinibore kere yeneiai aiiar kakonyeneka: naarai ekerepiki akwap kanukec; asa koany, amudiari eoŋ kes nepepe ka akwap da.

Kikeu ataker naka ekitoi loka goper; kitemok agolai toma ataker, kilada kemina toma kokina da.

Koany Edeke akwap, ido koany, kemunaun; naarai ŋinibore kere yenejai akuan abu komunau ekerot kotoma akwap.

Ido imeikini toma ataker epone loka ŋinibore kere yeneiai aijar naka akuan, iareiarei luka nolipone, imeikini toma ataker tetere ejarete nepepe kajo; ido koraas yenikiliokit ka yeniberu.