ข้อพระคัมภีร์ยอดนิยมจาก Wenía 17

แบ่งปัน

Askái Abrão, 99 varinamãsho, Yavepa meramatachiósho aská akĩ tanamakĩ. “Earo Yové Weeya Ivo. Ẽ vana anõ ashõ, chinã mekiyai nitso.

Mĩ ane askásevi ikatsai, ‘Abrão’ ivo eneki, ‘Abraão’ ikatsai mĩ anõ kenáa. Awesáma, yora shoko wetsarasĩni papa mia ẽ shovimai iinã mia ẽ aká.

Askatase naa tanáti tavámakĩnanãimai nõ shokonõ, mia, mĩ revomarasĩ akánĩ. Neská ivo vana mato ẽ ashõa. Ea Yové mináse, mĩ revomarasĩnáse aká ikatsai.

“Neská tanáti tavámakĩnanãimai nõ shokonõ. Minõsho yora shoko wetsa, yora shoko wetsa, yora shoko wetsa aká ipákatsavo.

Ãwẽ askámaĩnõ, “askáma, mĩ aĩ Saramẽsho, vake merasho ãwẽ pakémaĩnõ Isaque akĩ mĩ anekatsa. Aaivo tanáti tavámakĩnanãimai avé nõ shokokatsa, aa, ãwẽ revomarasĩ akánĩ.

Askávaíse rama mĩ anõ niá mai, Canaã, miapámavorasĩ nakosho mĩ niá ivo mairo mia, mĩ revomaa yorarasĩ aká mato ẽ inãkatsa. Atonase ikatsai, askámaĩnõ, earo atõ Yové ikatsaivere.

Abraão anosho maĩ vetsek ipásho arí chinã oke chinãsho osãki. “Yora vari 100 ayanamãshonã, vakenã meratirá? Saranã ãwẽ vari 90 aya tsaóshonã ãwẽ vakeyatirá”, ikĩ chinãki.

Askái anosho Yové Koĩni Abraão tanamaóki. “Rama nenosho mĩ aĩ ‘Sarai’, ikaikainamẽkĩ, eneki anõ kenaóroa. Rama anekiro ‘Sara’, atso.

Anõsho aaivo tanáti nõ chinãnanãkatsa.

Askámaĩnõ aaivo tanátiro ea Ismael ashõma ikatsai, Isaque ivorvi ẽ ashõkatsa. Aaro Saramẽsho waa vari oáyatõ oshe neskásevimaĩnõ pakékatsa”, akĩ.

Nenosho ori mã revovaĩarasĩro matõ vake venevakerasĩ pakémaĩnõ, 8 shavánamã retás atsoma. Yora wetsa kopímashõ viyãtáyavo, matopáma yorarasĩ aká, askásevi aotsoma. Yora westíchta tõo akĩma, katsése retás itsoma. Matõ kayã neea ivoro anõsho tanáti nõ chinãti.