ข้อพระคัมภีร์ยอดนิยมจาก Wenía 11

แบ่งปัน

Aská oĩinã, “ii yorarasĩ chinã westíse, vana westítõse ikí shokovo. Rama atõ txitavirívi askámẽkĩ txipo atõ akátĩpa yama ikatsai”, ikĩ chinãki. Askátani oí, vanaói. “Shokopakésho nõ oĩnõ voãna. Ato nõ vana wetsa apánõ, arímamẽ ave tanatima ikinanãnõvo”, ikí.

Askávai arímamẽ vanaóvo. “Cidade shovimashõ, mai shovo tsaõníki ainavaĩki, naí nõ nokonõ. Askái ora mai wetsã peás itãimai, ashkã nõ shokomaĩnõ, noke ave kakanõvo”, ikívo.

Askái anosho shavá ane “Babel”, ikí meráti, Yavepa ato vana wetsa apátõsho ikí. Askáki anosho maitioki ato peás akĩ.

Vevotiã yorarasĩ ashkã atõ anõ ipawa vanaro westíkase.

Aská akĩ yorarasĩni cidade, mai shovo aká atõ shovimamaĩnõ, Yavepa “awesáraki oĩnõ”, iinã ato chinãpakei okĩ.

Askáki Yavepa ato vana wetsa apáki, maitio akĩ ato peás akĩ. Ato ãwẽ aská akatõsho, atõ cidade shovimaa mashtema enevo.