ข้อพระคัมภีร์ยอดนิยมจาก Matiu 6

แบ่งปัน

Kụ́ma Tamuno ásẹ́mẹ́kiri ma dọghụ na pịghị ọ dọghụnyẹ, anịsáa nnị mịnanyẹ mamgba pa ọ pịrịbẹm.

Anịgosi, ḅáa gbolomanyẹ pa ḅụḅáláḅálá pa ịḅụ pịrịma, ḅẹẹ ḅáa anị ḅụḅáláḅálá pa anị ḅụ pịrịbẹm. Ḅẹẹ éné éné anị na káara ḅụḅáláḅálá nyána anị ḅụ pịrịm.

<<Anịgosi a dugho ọ pịrịm ọ ḅụḅáláḅálá pa ọmịna duma pịrịma, ọ tẹ́ fị bẹ, ọ tẹ́ ḅuu bẹ; anịgha oju ma gbólómanyẹ bẹ ọ tẹ́ sua bẹ. Duma ma anị nyẹ́láḅa fị́nyẹ nẹ́ngịgha, oju ma anị pịghị nyẹ́láḅa bịtẹ nẹngịgha?

Kụ́ma ọ tẹ́ghẹ̄ bẹ sáá, ọmịnị ọmịna wárịbie sọọ, ḅụ́pọ́ ma gbẹ́ẹ̄ sị ọmịna Daá tọ́rụ́arịghaḅọ ma tẹ́ghẹ̄. Anịsáa ọmịna Daá, ḅọghu angaá mịẹnyẹ árịarị ḅo, ma ọ gbẹ́bẹm.

Mịị ḅara ma anịị ọ tẹ́ghẹ̄ bẹ ḅara: << <Wámịna Daá sobie fịnịḅọ, kuu fịnị ị́yẹ́ ẹ́rẹ́ pịrịị, ị́yẹ́ ásẹ́mẹ́kiri ḅoo, i dọghụnyẹ tuminikiri mịẹ anị sobie fịnị ḅara.

Pa wa pịrị mịmgba éné wámịna éné bie fị́nyẹ.

Wámịna sii ḅụ ḅárási wa pịrị wamịnị sọ sii wáriso siinyẹ pa wa mịẹapụ pịrịmaá ḅara.

Wa daa pa daádighi bie suu ma, kụ́ma sii tumḅọ ma ḅarabie wa dụaḅọ́rọ́ma.>

<<Ḅọ́rọ́ o sii wáriso siinyẹ pa ọ mịẹapụ pịrị pịrị, ọmịna Daá sobie fịnịḅọ sọ sii wáriso ọ pịrịbẹm.

Fọ́rụ bie fiighiarị fíní ma dighi, nnị dua dipigha anịgha duasughu anịgha sughu nyẹ koko angaá nyáná, anịsọ ọmịna Daá sobie fịnịḅọ nnị siḅearị ọ nyẹ́la mịnaapụ ma nẹ́ngịgha?

<<Tuminikiri ngọ koko ịḅụ pịrịma, ọbịọfịnyẹ na ajarị anị sima bẹ angaá na pịghị furuapụ fomká sị furubịgha angaá. Kụ́ma sobie ngọ koko ịḅụ pịrị, ọbịọfịnyẹ na ajarị ine simabịgha angaá, furuapụ so ine fomká sị furubịgha angaá. Ḅẹẹ ị́yẹ́ ngọ fịnị angaá anịị ị tẹ́mẹ́ sọ fịnị bẹ angaá.

<<Gbẹ́rẹ́ḅọ sọ ine fịrịnwangị mmẹẹ́ kị́nị́nyánáapụ pịrịbịgha. N ḅo gbẹ́rẹ́ḅọ ḅẹ́lẹ́mabẹm sị ịsiḅọ tarịbịgha anịgha n ḅo, n ḅo sáá mamgba pa gbẹ́rẹ́ḅọ pịrịbẹm sị isi ngaaḅọ dighisima. Ị ine fịrịnwangị Tamuno na igbii na pịrịbịgha.

Ḅọ́rọ́ anịị Tamuno bịtẹ pa piri osuka ma sua ḅara, mịmgba ọmịnị anị arịm, ḅá nnị anị gbii fịnịbie suamam, ọ mịma nẹ́ngị ḅara pa bịtẹ pa ọ suabịgha, ọmịnị minini ịrụapụ?

Kụ́ma ọ nyẹ pa nyẹ ḅụ kụrọapụ pịrịarị sáá minima sị ị́yẹ́ ẹ́rẹ́ḅara nimi ị́yẹ́ ámáḅara mịẹarịnyẹ, si ị́yẹ́ nyẹ pa kị́nị́ pịrị ma ḅọghu ḅara ḅụ fịnị bẹ ḅara. Anịsáa ị́yẹ́ Daá ḅọghu angaá ḅụ mịẹnyẹ árịarị ḅo ị́yẹ́ gbẹ́nyẹ pa ị gbẹ́bẹm.

<<Ọmịnị ọmịna ḅụ ẹbị sị ọmịnị ọmịna ibiamịẹnyẹ fịrị nwángịgha túminị́ tórúku sị nnị ọmịnị árị bẹ ḅara. Ọmịnị ọkọ mịẹmịẹ, ọmịnị gbẹ́nyẹ nyánáḅobịgha ọmịna sobie Daḅọ ḅara.

<<Ọ ḅurukumáarị sáá, ọ minima túminị́ nimi mmẹẹ́ a tọ́rụ́ kingiapụ ma ḅara, ḅẹ́ nnị nna tórúku pa jẹ́ ḅara warịmabẹm pa túminị́ die ḅẹ́ nnị ḅurukumáarị. A karakárányẹ ma dugho ọ pịrịm nnị bi ḅara pa nna gbẹ́nyẹ nyanaḅomam. Kụ́ma ị ḅurukụ́ma bẹ sáá, pulo pa ị sịbị sara sị mingi pa ị tórúku sịrịị. Anị túminị́ diebịgha ḅara ḅẹẹ ị ḅurukumáarị, kụ́ma ị́yẹ́ Daḅọ ngéré, túminị́ arịgha ḅọ ma; anịsáa ị́yẹ́ Daḅọ ma ḅọghu angaá mịẹnyẹ árịarịḅọ ma, gbẹ́nyẹ pa ị gbẹ́bẹm.