ข้อพระคัมภีร์ยอดนิยมจาก Matiu 19

แบ่งปัน

Jizọs tọ́rụ́ pa n dighim sị dugho ḅẹẹ, <<Túminị́ na mịma jẹ́ éné jẹ́ éné ine kiri ákị́bịghaa, kụ́ma Tamuno na nyẹ gonyẹ́ gonyẹ́ sárásárám.>>

Nnị ma mịnị mmẹapugha, kụ́ma gbẹ́rẹ́nyẹ. Anịgosi Tamuno pa gbẹ́rẹ́nyẹ mịẹmáa nyẹ, gbẹ́rẹ́ḅọ sọ anị fófóoma ma.>>

Ọ warị n pagharaa, <<Na o gogha, ḅẹẹ párị párị ma Tẹ́mẹ́ḅọ ma n tẹmẹm owi na ẹ́rẹ́ na, sị ḅẹẹ, <Mịma go owitụ́wọ ọ daa na ọ nyingi wárịsóbẹm sị muu ọ taa na gboloma nnị mmẹapụ ma ḅo gbẹ́rẹ́ mẹnị suapụ sọ́bẹm.>

Jizọs warị dugho ḅẹẹ, <<Dọghụdọghụ awọ ma wárịso sị nnị ị damaḅo, pịghị n kikima, tegó so ama ásẹ́mẹ́kiri ma fịnị nwọfịnịapụ ma pịrịm.>>

Kụ́ma tọghaapụ mị́sa tórúku sọapụ, kunema ḅụ fịnịbẹm, tọghaapụ pịghị kunema ḅụ fịnịapụ ḅo tórúku sọbẹm.

Pịghị warị warịsomáaḅọ gonyẹ́ gonyẹ́ anịgha mịná owiapụ anịgha ẹ́rẹ́mịnaapụ anịgha daapụ anịgha nyingiapụ anịgha awọ anịgha duakiri i sịbị gosi, sọ́nọ́a si kiri pa anị nẹ́ngị nyẹ nyánábẹm sị pịghị gbámásó duma nyánáḅobẹm.

Jizọs pagharam, <<I ḅọ́rọ́ kpain dọghụ muu i nyánányẹ mamgba dẹrị sị pa igonyiapụ pịrị, anịsáa i ngọ nyánábẹm sobie. Anịsáa ḅoo sị i dua.>>

Jizọs pagharam, <<Ị tẹ́ go ibinyẹ gbólómanyẹ pa i gbíla? Gbẹ́rẹ́ḅọ ngéré anịị ibiḅọ ị ḅọ́rọ́ duma sọ bi, ólóghó ma koko.>>

A pịghị jẹ́ pa dugho ọ pịrịm ḅẹẹ anị sárásáráḅa kameli pa sị nama ma pịrịm anị alaga tọ́rụ́ ḅụ ḅọ́rọ́ tụ́ma ngọ nyánáḅọ Tamuno Ásẹ́mẹ́kiri ma sọ bẹ nakaragha.>>

A dugho ọ pịrịm amịna taa sịghịḅọ gonyẹ́ gonyẹ́, tegó a jụghọ na munom gosi sị mú jụghọ yaa, amadọghụm.>>

Anịsáa Jizọs warị ori ọḅụduaapụ ḅẹẹ, <<A karakárányẹ ma dugho ọ pịrịm, anị ḅụdam sị ngọ nyánáḅọ so ama ásẹ́mẹ́kiri ma sọọ.