ข้อพระคัมภีร์ยอดนิยมจาก Matta 6

แบ่งปัน

Jʊ a laa jǝl gwamɨ, jǝ́ saa fɔlɔn lɔ Kwaamaɨ dɨn, jǝbɔ yɨm dǝngdǝng gǝnɔ. Na jǝ́ maa kanjǝl nɨ nyɨɨ, jǝ nǝ jen nǝ tangǝn kanjǝlɔ gwam.

A dul kɛl nɨ ka jǝ́ kom lɛ dul jenɔ a fʌngɔ gǝm. Fʌngɔ bɛ lɛ nǝn komʌn gǝnɔ. Komtǝmɔ a kɔkɔgɔ dwiyeni a wʊlam.

“Mǝ sʊwa jen nɛ, ka jǝ́ kom lɛ dul jenɔ a jʊ nɨ jǝ́ ja lɛɨ jǝbɔ jʊ nɨ jǝ́ nɔɔ lɛɨ, jǝbɔ jʊ nɨ jǝ́ dʊʊ lɛ a bʊtɔɨ. Kʊlɨgɔ a laa bɔ jǝjalǝn ka? Bʊtɔgɔ a laa bɔ dwangtɨn ka?

A kwama nɨ jǝ́ maa keli lɛɨ, bɛ jǝ́ dɔ mʊgɔ kan, jǝ́ nʊng nyanga kanɔ, sǝ jǝ́ kela Tɨya jen nɨ mɨ jǝ́ kuwo lɛɨ. Wʊnɨ kuwo jʊ nɨ lɛ jǝ́ maa lɛ shig shigi, nǝ jen nǝ lǝma.

Na jǝ́ kel keli lɛɨ, bɛ jǝ́ sʊwa nyɔ: “ ‘Tɨya bǝn nɨ a kwamaɨ, bɛ dun mʊnɔ a nya dʊʊltǝm. Bɛ fɔlɔn mʊnɔ a bɛ. Jʊ mʊ swɨ lɛɨ, bɛ a nya maatǝm a tǝm nɨ, kanga jǝ maam lɛ a mʊgɔ kwamaɨ.

Nǝ bǝn jǝjalǝn dwiyenɔ jǝbɔ a tangǝn kumtɨnɔ.

Kǝlǝm bǝm bwɨlangkɛl bǝnɔ, kanga bǝ kǝlǝm nǝb nɨ gǝm lɛ a maa bǝm bwɨlangkɛlɨ.

Bɛ ka ń yɔ lɛ nǝn bǝn a daa tɛltǝm. Bɛ ń jǝg bǝn a daa nǝ Bwɨlagɔ woi. [Jʊ a bwɨɨ, fɔlɔnɔ jǝbɔ kwaanɔ jǝbɔ dʊʊnɔ na a mɔ, mɨ dɨtǝm wo. A daa nyɔ.]’

“Na jǝ́ kǝlǝm nǝb nɨ gǝm a maa jem bwɨlangkɛlɨ, Tɨya jen nɨ a kwamaɨ kǝlǝm jem kǝlǝm.

Jǝ́ dʌng lǝbɨtɨnɔ. Mɨ jǝ kwal lɛ, mɨ jǝ kʌso lɛ, mɨ jǝ tal lɛ a bʌnitɨn. Tɨya jen nɨ a kwamaɨ nǝ ji jǝjalǝnɔ lɛ. Jǝ́ laa ji bʊmǝn, mɨ nyɔ ka?

“Bɛ ka ń ya lɛ dul mʊnɔ gǝm shilo a tǝm nɨ, a daa nɨ bʊntangɔ jǝbɔ bwatɛgɔ kalǝm lɛɨ, nǝbkuumɔ kǝl nyanga kanɔ lɛ a dɔ a kuui. Yʊ shilo mʊnɔ a dʌbʌl a daa nɨ a bʊmɨ. A daa nɨ bʊntangɔ jǝbɔ bwatɛgɔ mɨsɔ kal lɛɨ, nǝbkuumɔ mɨsɔ dɔ lɛ a kuui. Daa nɨ shilo jenɔ woi, n daa gɔ nǝl jenɔ woi.

“Mɨ nʊ nɨ wo maa jwaalɛn nɛ a tɛlalɔtɨnɔ yoi. Gǝ kɔ kɔ win, ga swɨ a wini, gǝ jǝla jǝla nǝn win, mɨsɔ gǝ jǝla lɛ nǝn a wini. Mɨsɔ jǝ́ mʊrka bwangtǝm Kwaamaɨ lɛ jǝbɔ bwangtǝm kemʌn.

Na Kwaamagɔ a fɛ yǝlagɔ a bʊm nyɨɨ, dwiyen nǝn kʊlɨ, fʌng ja mal a gaakǝba, mɨsɔ nǝ jen dʊʊl nɨ lɛ a laa nyɨɨ ka? Jǝ́ nǝb nɨ nǝtǝm bɨlǝngkɛl jenɔ a lada bɨɨ.

Nǝn kwama nɨ mʊ nǝ nǝb bʊnǝnɔ jǝl lɛɨ, ka ń jǝla lɛ kang fɔlɔng mʊnɔ a nyǝm jʊ kang jajǝngɔ maa lɛɨ. Maa nyɔ, sǝ nǝtǝm mʊnɔ a yǝlam shig shig. Tɨya jen nɨ a kuwo jʊ mʊ maa shig shigi, nǝn gɔ nǝ ń lǝma gǝnɔ lɛɨ.

“Bɛ ka jǝ́ maa lɛ kanjǝl nɨ dǝngdǝngɨ a nu nǝbɨɨ sǝ ja kuwo jen. Na jǝ́ maa nyɨɨ, mɨsɔ jǝ́ nya bwili lɛ a daa Tɨya jen nɨ woi a kwamaɨ.

“Na jǝ́ do diil mwɛ lɛɨ, ka jǝ́ wʊ lɛ kǝga kanga nǝb fentogɔ gǝ maa lɛɨ. Jǝ wʊ kǝga jinɔ sǝ a nʊng nǝbɔ gɔ jǝ do diil mwɛ lɛ. N bɨlǝngǝn mǝ sʊwa jen nɛɨ, ja kwɛl ja yo yoi lǝma jinɔ. Na mʊ do diil mwɛ lɛɨ, bɛ ń fʌl nu mʊnɔ, waa nwangɔ a dul, kage nǝbɔ a nyǝm gɔ mɔ do diil mwɛ lɛ. Nǝn Tɨya mɔ nɨ kwaagɔ mʊ kel lɛɨ, kuwo lɛɨ. Tɨya mɔ nɨ kwaagɔ wʊnɨ mɨ jǝ kuwo lɛɨ, wʊnɨ kuwo kanjǝl nɨ lɛ mɔ maa lɛ shig shigi, nǝ ń lǝmagɔ lɛɨ.