ข้อพระคัมภีร์ยอดนิยมจาก Luka 3

แบ่งปัน

Anu wahe ou a korovethziwire, Yesu naye wa korovethziwire. O ku rombera diwiru dya yanthzurukire. Mupepo Oukenu wa shurumukerire pa penthzi ko thsikupuro thso dikuci. Kwa yuvaharire diywi ku wiru ci: “O Mwanange oyu na shima no ku ni roerithsa nene.”

Johani wa wa tawire wahe ci: “Ame naa mi korovethza ko meyu, uno honi o mukoro kupita ame aa keya, ka ni roerire shaanga ku putura tuangithso to mashangu enthzi. Kenge a ku na mi korovethza ko Mupepo Oukenu no mudiro.

Mweyo, mu kwame ekwama eyi i na monithsa kucera evi yenu. Mwa tateka ku amba mu micima thzenu ci: ‘Tu di no tata wetu Aburahama.’ Inene naa mi tongwera ci Nyambi aa twethsa ku kwamena Aburahama ana poa mawe aa!

Kamo ka na pakiwa kare pa mithzithzi thzetondo. Thsitondo no thsitondo thso kukana kwima ima yoiwa thsa ku henduriwe no ku kuheriwa mu mudiro.”

Eyo ya citomborire neyi a ñorire mukwakukethza Isaya mu vuka thzenthzi ci: “Diywi dyoyu kuerera mu dikunguthsitu dya amba ci: ‘Mu roithse mukwakwa wa Fumu, mu orore makuñwa enthzi! Mo kunoha mu huthseremo muve, mu kuyurure mikinyaana no mikinya thzoshokuru, Yo ku peta mu i orore, mu hutere macuvunguru aa a di mu makuñwa. Anu wahe kenge a ku mona kuyoyithsa kwa Nyambi.’ ”