ข้อพระคัมภีร์ยอดนิยมจาก Matta 5

แบ่งปัน

Ɓwaare aawa kɨsadə tikɨle a mɨna kupən ka kpaa. Mya dɨ kangdən a pwa, gə myee kat a vor hwoɗingɨn a naa ɓɨrtə. Sə mgban bɨləmdə ɓɨrtɨ dəwnə a haka ɓwaare gə təna naa lyentɨ pepetɨ dəwnə, təna fukadə Baagəwnə gaarə a vor pwa.

“Hwunə ɓɨrtɨ vɨratə, vɨrate kangə haa mgbənge aawa ɓo.

Sə hanɨngti kaarən, a tən myee ka hubo pepetə, gə tənə myee ɓa naa Həmɨnpwa.

Sə hanɨngti kaarən, a tən myee ka hɨmnə ɗa səfeme kɨr-kɨr. Həmɨnpwa ɓa vərən gətə təna ɗa sa nda dɨ mwo.

Hɨnggi, na dɨ səwnə atɨ, hwuna mwo ji-nyaagəwnə, myee dɨ tənəə dəwnə mgban, hwun ta hiwi gə le darən.

“Sə hanɨngti kaarən, a tən myee ji-poriti a vor pitə. Hɨnggərən nə həmnə pwa.

Sə hanɨngti kaarən, a tən myee dɨ shi ka nzaa ɗoltə a waka ɓwaare, gə tənə mye ɓa watɨrən atɨ je da Həmɨnpwa.

Sə hanɨngti kaarən, a tən myee a vor yedi-kɨttə ɓəgəng, gə mya tal yedingrən.

Sə hanɨngti kaarən, a tən myee mya dɨ tənəə dərən gə ɗa səfeme darən. Hɨnggərən nə həmnə pwa.

Sə hanɨngti kaarən, a tən myee ka purutɨ ɓwaare a hubosərən. Həmɨnpwa ɓa ɗa purusərən mgban.

“Sə hanɨngti kəwnə, mye kana dɨ shartəwnə, a tənəə dəwnə, a bwelə hase a nəngəwnə ɓaa, a nə jeronye gə le de. Wule shingɨn kana bəngrəwnə, kerəpəm ka hanɨngtə, gə moone dəwnə nee gbakai a pwa. Hwuna ɗyanga atɨ sə təna ɗa kpalye da Həmɨnpwa kaaɗəng.

Sə hanɨngti kaarən, a tən myee ka nzaa ɗongtə, gə vɨratə ɓa gəə hɨnggərən nə.

“Hwunə fitəkwana vɨratə. Shezə fitəkwana kana təkəsə ka nɨngsən, ka mɨnə mya ɗadən nda ɓə nɨnga? Ndaa diyə wula gə itɨ lyenti, pɨrgə mya kəjidən ɓwaare a woyə nəngɨn.

Gəm ka tikɨstə ɓətɨya Baagəwnə gaarə a vor pwa a gə.

Byele dəw a mba atɨ, ‘Aa,’ naasə mgban, ‘Ə'ə.’ Byela pɨrgə angɨn, hɨnggə ma hasə.

“Hwun kɨlə mye sa atɨ, ‘Diitə a moonə diitə, lyintə a moonə lyintə.’ Hɨnggi, na dɨ səwnə atɨ, ɓe hwunaa kanggə ma ɗəwnə səhase. Ma kana fɨlagu a bwaka zɨme, virwi vən bwaka hiɗə mgban.

Anda diisa i zɨme nə ɓa ɗɨkda hye ɗa səhase, dɨɗagərə ɗongdə ɓong-ɓong. Ndɨka hye ɗongə a basa a sɨsa, angɨn pɨrgə ite atɨ mya peda ka sɨsa kat a ɗongə ɗiyə tənəte kaaru-kaaru. Anda tɨfə zɨməngu nə ɓa ɗɨkda hye ɗa səhase, bənggən ɗongdən ɓong-ɓong. Ndɨka hye ɗongə a basa hiɗə a sɨsa, angɨn pɨrgə ite hye ɓa pɨrə ka sɨsa kat a ɗiyə tənəte kaaru-kaaru.