ข้อพระคัมภีร์ยอดนิยมจาก मत्‍ती 21

แบ่งปัน

ॱनी खीत्‍रङ्‌गी गन्‍दीक्‍म छ्‌य स्‍यक्‍न ॱसुव तप्‍न ॱनी, हुनी घङ् स्‍यी़ब दी थोप्‍केन् बेत् झ्‍यीब बेत्।

ॱनी हील येशुगी ङे खीत्‍रङ्‌ल गन्‍दीय ॱस्‍येत् योङ्। घन्‍डे युङ्‌ज्‍ये ॱनो़ब ॱमत् खुर, खीत्‍रङ्‌गी छ्‌य दी गन्‍दीक्‍म यो़त्‍न ॱनी, हीगी दोङ्‌बु कम् डोव हीगो डस्‍सी छ्‌युवक् मेम्‍ब, लदोक् हुल रङ् डोप् भीक्‍ल छ्‌यु ज्‍यम्‍जो छ्‌यीम्‍मुल छर्ल ज्‍युक् सील्‍लोङ्‌दे हुगो युङ्‌गेन् बेत्।

ॱनी खोङ्‌गी एल्‍ला डोगेन् धङ् तीङ्‌ल युङ्‌गेन् घयेत् दीबे केत् छ्‌यीम्‍मु तो़न्‍न दाऊद्‌गी ज्‍यी़त्‍ल होसन्‍ना। इगी चोव ज्‍यीन्‍दक्‍की छेन्‍नी झ्‍यो़ङ्‌गेन् दी ॱमेल्‍लम् च्‍येम्‍म हीनो। इगी थोरी चीदु स्‍युगेल्‍ल होसन्‍ना सीन्‍न झ्‍यीब बेत्।

हुनी खोङ्‌गी हुब घयेत्‍ल ॱसुङ्‌रप्‍ल हीन्‍दुक् सीन्‍न ढीन दुक्। ङे खीम् हीगो ॱसुव तोप्‍स बेत् सीन्‍न को़न्‍ज्‍योक्‍की ॱस्‍येप्‍प थो़ङ्‌गेन् बेत्। ॱनी हीन्‍न अक्, खीत्‍रङ् घयेक्‍की हीगो झ्‍यक्‍पागी छङ्‌ल सो़दुक् सीन्‍न ॱसुङ बेत्।

सीयोन्‍गी मी घयेत्‍ल हीन्‍दुक् सीन्‍न ॱस्‍यो़त्। खीत्‍रङ्‌गी ज्‍याबु ॱनोम्‍ज्‍युङ् झ्‍यीन भोङ्‌गी़ टुगु च्‍यीक्‍ल स्‍यो़न्‍न खीत्‍रङ् च्‍याल युङ्‌गेन् बेत् सीर थो़ङ्‌गेन् बेत्।

ॱनी येशुगी हुबल ॱसुङ्‌रप्‍ल थो़ङ्‌गेङ्‌गी केच्‍च्‍य हीगो खीक्‍की नम्‍ल अक् मत् डोब ॱनी? सोबो़न् घयेक्‍की घो ॱमीत् छ्‌यो़त्‍ल ॱसम्‍न पुर् तङे दो दी यङ् सुर्की दो घो छ्‌यो़स्‍स्‍योल झ्‍युङ्‌न युङ बेत्। हीगो चोव ज्‍यीन्‍दक्‍की जेप्‍पे ले बेत्। हील ङीत् ॱह लेसी छोर्कुक् सीर दुक् न ॱनी।

हीगो झ्‍यीनी ॱनी, ङे खीत्‍रङ्‌ल ॱस्‍येत् योङ्। को़न्‍ज्‍योक्‍की ज्‍यागक् खीत्‍रङ् घयेक्‍की लक्‍नी ठोनी डेबु छ्‌यागेन् ज्‍यी़त् ॱयोङ्‌ल टो़क्‍केन् बेत्।