ข้อพระคัมภีร์ยอดนิยมจาก လုကာ 17

แบ่งปัน

ယင်းနောက် ယေရှုစာ ထိုလူကို ပြောလီရေ၊ “နင် ထရို့ လားလီဖိ။ နင့် ကျုံခြင်းတရားစာ နင့်ကို ကောင်းအောင် လုပ်ပျာ။”

သူစာ တစ်ရက်မာ ခုနစ်ခေါက်တိုင်အောင် နင့်ကို မတရားလုပ်တေဆိုကေ အရာ သူစာ ခုနစ်ခေါက်တိုင်အောင် လာရို့၊ ‘ငါ နောင်တရဗျာ’ ဟို့ ပြောရေဆိုကေ နင် သူ့ကို ခွင့်ရွှတ်ရဖို့။”

သူရို့အထဲက ရှမာရိလူမျိုး တစ်ယောက်စာ ကိုယ့်မာ ရောဂါကောင်းလားခစာကို မြင်ရေခါ အားန အော်ရို့ ထာဝရဘုရားကို ချီမွမ်းပြီးကေ ယေရှုတို့ ပြန်လာလီရေ အရာ သူစာ ယေရှု အခြီရင်းမာ ဒူးထောက်ရို့ သူ့ကို ကျေးဇူးတင်လီရေ။

“ယင်းအတွက်န နင်ရို့ သတိထားကတ်၊ နင့်မာ ညီစာ နင့်ကို မတရားလုပ်တေဆိုကေ နင် သူ့ကို စကားန ဆုံးမလိုက်။ အရာ သူစာ နောင်တရရေဆိုကေ နင် သူ့ကို ခွင့်ရွှတ်လိုက်။

ယင်းခါ ယေရှုစာ ပြောလီရေ၊ “ရောဂါသေဆယ်ယောက်ကို အကောင်း လုပ်လီရေ မဟုတ်လော? ယင်းပိုင်ဆိုကေ အရာကိုးယောက် ဇာမာလည်း?

အသျှင်စာ ပြောလီရေ၊ “နင်ရို့မာ ရဲစိသျှေတစ်စိလှောက် ကျုံခြင်းတရား ဟိရေဆိုကေ နင်ရို့ ဒေ အပင်တစ်ပင်ကို၊ ‘အမြစ်ကပင် နုတ်ရို့ ကိုယ့်ကိုကိုယ် ပင်လယ်မာ လားရို့ စိုက်ထား’ ဟို့ ပြောရေဆိုကေ နင်ရို့ ပြောရေအတိုင်း ဖြစ်လိမည်။

“အသူမဆို ကိုယ့်အသက်ကို ကယ်ဆယ်ဖို့ ကြိုးစားရေဆိုကေ သူ့မာ ထာဝရအသက်ကို ဆုံးရလိမည်။ ယေကေလည်း အသူမဆို ကိုယ့်အသက်ကို အဆုံးခံရေဆိုကေ သူစာ ထာဝရအသက်ကို ကယ်ဆယ်လိမည်။

ယေရှုစာ ကိုယ့်တပည့်ရို့ကို ပြောလီရေ၊ “လူရို့ကို အပြစ်လမ်းတို့ ဆောင်ယူလားစရာ အမှန် ရောက်လာလိမည်၊ ယေကေလည်း အခြားတစ်ယောက်ကို အပြစ်လမ်းတို့ ဆောင်ယူလားသူစာ အမင်္ဂလာဟိရေ။ အသူမဆို ဒေ လူသျှေရို့အထဲက တစ်ယောက်ကို အပြစ်လမ်းတို့ ဆောင်ယူလားရေဆိုကေ ယင်းသူ လိုင်ဖင်းမာ ကျောက်လုံးကြီးတစ်လုံးကို ဆွဲရို့ ပင်လယ်ထဲတို့ ဘိုက်ချခြင်းကို ခံရစာပင် သူ့အတွက် ပိုရို့ ကောင်းဖို့သိ။

“နောဧလက်ထက်ခါ ဖြစ်ပျက်လီစာပိုင် မနုသသားတော် ကြွလာရေအချိန်မာလည်း ယင်းပိုင်တထန် ဖြစ်ပျက်လိမည်။ နောဧ သင်္ဘောမာ မတက်သကြား အရာ ရီမင်းကြီး လာရို့ ဟိသမျ လူရို့ကို မဖျက်စီးသကြား လူရို့စာ ပကတိအတိုင်း စားရို့သောက်ရို့ ဟိကတ်လီရေ၊ အိမ်ထောင်ပြုရို့ ဟိကတ်လီရေ အရာ အိမ်ထောင်ချရို့ ဟိကတ်လီရေ။