ข้อพระคัมภีร์ยอดนิยมจาก JOHANES 6

แบ่งปัน

Ngaloi Jesus, “Aku kap Roti si mereken kegeluhen. Ise reh ndahi Aku, lanai ia melihe; ise tek man bangKu lanai ia muas.

Ingetlah! Si pegeluhken manusia e, Kesah Dibata kap. Gegeh manusia labo lit ertina. Kata si enggo Kukataken man bandu e rehna i bas Kesah Dibata nari. Kata e me si mereken kegeluhen man bandu.

Ola cariken pangan si banci melengas. Tapi daramilah pangan si banci mereken kegeluhen si tuhu-tuhu si la erkeri-kerin. Pangan si enda me pagi si ibereken Anak Manusia si isuruh Dibata e man bandu, sabap Dibata Bapa enggo mereken tanda pengesahen man Anak Manusia e.”

Sabap sura-sura BapangKu, e me kap: gelah kerina si ngidah Anak e dingen si tek man baNa ngaloken kegeluhen si tuhu-tuhu si la erkeri-kerin, janah i bas wari pendungi pagi Kupekeke ia i bas si mate nari.”

Erjabap Jesus, “Si sentudu ras peraten Dibata ibahanndu, e me: Teklah kam man baNa si isuruh Dibata.”

Kerina manusia si iendesken BapangKu man bangKu reh nge pagi ndahi Aku. Janah ise pe si reh ndahi Aku labo Kutulak.

Ngaloi Simon Petrus, “O Tuhan, kempak ise kami lawes? Katandu kap si mereken kegeluhen si tuhu-tuhu si la erkeri-kerin.

Aku me Roti si mereken kegeluhen si reh i Surga nari. Kalak si man Roti enda nggeluh me rasa lalap. Roti si Kubereken e, e me kap dagingKu, si Kuendesken gelah terkelin doni enda.”

Labo ise pe ngasup reh ndahi Aku adi la kin itaruhken Bapa si nuruh Aku ia man bangKu; janah i bas wari pendungi pagi Kupekeke ia i bas si mate nari.

Sabap Roti si ibereken BapangKu, e me IA si reh i Surga nari dingen si mereken kegeluhen man doni enda.”

Aku kap Roti si mereken kegeluhen.

Ibuat Jesus roti e, ertoto IA ngataken bujur man Dibata jenari ielakenNa roti e man kalak si nterem. Ikan e pe bage ka nge ibahan Jesus, janah kerina kalak si nterem e man asa besurna. Kenca besur ia kerina nina Jesus man ajar-ajarNa, “Pepulung kerina si iba; ola lit sitik pe terbuang.”

Kenca kira-kira telu ntah empat kilometer ajar-ajar e engkayuh perahuna, iidahna Jesus erdalan i babo lau ndeheri perahu e. Mbiar kal ajar-ajar e. Tapi nina Jesus man bana, “Ola kam mbiar, Aku nge enda!”