ข้อพระคัมภีร์ยอดนิยมจาก JOHANES 17

แบ่งปัน

Serapken ia man gunaNdu arah kebenaren; KataNdu kap kebenaren.

Kegeluhen si tuhu-tuhu si la erkeri-kerin e: Itandai kalak Kam ngenca Dibata si tuhu-tuhu, dingen itandaina Jesus Kristus si isuruhNdu.

Aku ertoto labo saja kerna ia, tapi pe kerna kerina kalak si tek man bangKu erkiteken berita si ipesehna. O Bapa, ertoto Aku man baNdu gelah ersada min ia kerina. Ersadalah min ia ras Kita, bagi Kam ersada ras Aku janah Aku ersada ras Kam. Ersadalah min ia gelah tek doni enda maka Kam me si nuruh Aku.

Labo Kupindo gelah ipedarat ia i bas doni enda nari, tapi Kupindoken man baNdu gelah ikawaliNdu ia i bas si jahat nari.

Kemulian si iberekenNdu man bangKu, enggo Kubereken man bana, gelah ia ersada bagi Kam ersada ras Aku. Aku ersada ras ia, janah Kam ersada ras Aku, gelah ia pe min tuhu-tuhu ersada. Alu bage tek doni enda maka Kam si Nuruh Aku, janah idah doni enda maka keleng ateNdu ia bagi keleng ateNdu Aku.