ข้อพระคัมภีร์ยอดนิยมจาก JOHANES 14

แบ่งปัน

Malem me atendu Kutadingken; Kemalemen ateKu Kubereken man bandu. Carana Aku mere kemalemen ate e man bandu labo bali ras cara doni enda merekenca. Ola ukurndu gulut janah ola kam mbiar.

Erjabap Jesus man Tomas, “Aku kap dalan nandai Dibata, dingen ndatken kegeluhen. Ise pe la banci ndahi Bapa adi la arah Aku.

Jenari nina Jesus man ajar-ajarNa kerina, “Ola aru atendu. Ernalemlah kam man Dibata janah ernalem pe kam man bangKu.

Si nampati, e me Kesah Si Badia, si isuruh Bapa pagi i bas gelarKu, iajariNa kam kerna kai pe; dingen ipersingetiNa kam pagi kerna kerina si enggo Kukataken man bandu.

Kalak si ngaloken dingen ngikutken pedah-pedahKu, ia me si engkelengi Aku. Kalak si engkelengi Aku ikelengi BapangKu kap ia; janah Aku pe engkelengi ia ras Kupetandaken diringKu man bana.”

Kupindoken me man BapangKu gelah isuruhNa Penampat si deban man bandu e me Kesah si naksiken kebenaren kerna Dibata, gelah itemaniNa kam rasa lalap. Doni enda la ngasup ngaloken IA sabap la IA idah doni enda dingen la itandaina. Tapi kam itandaindu IA sabap IA ras kam, janah kam ringan i bas IA.

Maka kai pe pagi ipindondu i bas gelarKu, Kubereken nge, gelah Bapa ipemuliaken arah Anak e. Ntah kai gia ipindondu i bas gelarKu, Kubereken nge.”

“Adi keleng atendu Aku, ikutkenlah pedah-pedahKu.

I bas rumah BapangKu mbas ingan; janah lawes me Aku nikapken ingan man bandu. Tuhu kap enda; adi lang labo Kukataken bage man bandu.

Kenca Aku lawes nikapken ingan man bandu, reh denga pagi Aku ngalo-ngalo kam, gelah i ja Aku i je kam pe.

E maka nungkun Tomas man Jesus, “O Tuhan, la kap ieteh kami ku ja Kam lawes; kuga ka pemeteh kami dalanna ku je?”