ข้อพระคัมภีร์ยอดนิยมจาก Matius 7

แบ่งปัน

Yesus bilang lai kata, “Minta, la kamong nanti dapa kasi. Cari, la kamong nanti dapa. Toki pintu, la akang nanti dapa buka par kamong.

Barang, sapa sa yang minta nanti dapa kasi. Sapa sa yang cari nanti dapa. La sapa sa yang toki pintu, nanti akang dapa buka par dia.

Yesus bilang lai kata, “Sapa sa yang dengar Beta pung ajarang deng iko akang, dia tu sama deng orang yang pung pikirang tajang, yang biking dia pung ruma di atas batu.

Yesus bilang lai kata, “Apa sa yang kamong mau orang biking par kamong, biking akang jua par dong. Itu tu dasar dari Kitab Torat deng Allah pung juru-juru bicara pung tulisang.”

Mar, pintu yang bawa orang par hidop tarus-tarus tu kacil deng akang pung jalang jua kacil, deng cuma sadiki orang sa yang maso lewat akang.”

Yesus bilang lai, “Maso lewat pintu yang kacil. Barang, pintu yang basar deng jalang yang lebar tu bawa orang par binasa, deng banya orang yang maso lewat akang.

Jadi, kalo kamong manusia yang jahat sa tau kasi apa yang bae par kamong pung anana, apalai kamong pung Bapa di sorga! Antua nanti kasi apa yang bae par orang-orang yang minta dari Antua.”

Yesus bilang lai kata, “Jang nilai orang laeng, biar kamong jua seng dapa nilai lai. Barang, sama deng kamong nilai orang laeng, Allah nanti nilai kamong macang bagitu lai. Deng ukurang yang kamong pake par ukur orang laeng, Allah jua nanti pake akang par ukur kamong lai.

Mar, sapa sa yang dengar Beta pung kata-kata deng seng iko akang, dia sama deng orang bodo yang biking dia pung ruma di atas paser.

Mangapa kong kamong lia ampas kayo dalang kamong pung sudara pung mata, mar seng taru kira balak dalang kamong pung mata sandiri? Bagemana kong kamong bisa bilang par kamong pung sudara kata, ‘Sudara e! Mari beta kasi kaluar ampas kayo tu dari ale pung mata’, mar ada balak dalang kamong sandiri pung mata lai?

Yesus bilang lai kata, “Basudara e, ati-ati deng juru-juru bicara parlente yang datang par kamong. Dari luar, dong lia bae macang deng domba. Mar di dalang, dong jahat macang deng anjing utang. Dari apa yang dong biking, kamong bisa tau dong tu sapa. Itu macang deng dari bua katong bisa tau akang pung pohong. Masa orang pete bua anggor dari rumpu baduri ka bua ara dari rumpu karanjang?

Pohong yang bae pasti kasi bua yang bae, mar pohong yang seng bae pasti kasi bua yang seng bae.

Pohong yang bae seng kasi bua yang seng bae deng pohong yang seng bae seng kasi bua yang bae.

La pohong mana sa yang seng kasi bua yang bae nanti dapa rubu la dapa buang dalang api.