ข้อพระคัมภีร์ยอดนิยมจาก Marcos 10

แบ่งปัน

Klu tshinanu Jeji Whene koxa hi hina repixikowakapa, seyni runa repixyawakapna yine, riwejinri renejyawakapna, hixolune yine hektunu hwenuxyawakapa.

Waneya Jesus yopukhatna, waneya wane htshina: — Jeji hi himukata seyni Hoyakalu himukata klu tshinanu Hoyakalu ptowru himukatatshrini wale.

Waneya Jesus wla tshinru: — Pyanutka. Palixle tshinanu hihlerurutkayi. Waneklukawhapka Bartimeu yinuwaka hetletatka hiyrunuko. Waneya romkahitlu Jesus hatnu hapoya.

Hiyáhoni hike yineru xako hitspalkakanru Hoyakalu hapatjetanune.

Waneya Jesus yopukhatlu ramotleyma, wane htshinru: — Seyni satu pa hixanu pmaha kamhaletawa. Wane pyanu, puchankanru ptowruka pimwanru, penekanna ptowruka mahaxikatshine, wane pixa pohirewnaletanu tenhohneya. Punanu cruz putaykopitanu waneya pomkahitanno hita.

Waneya Jesus hepomhalu, wla htshinru: — Klunerhe paluka nkamhiywakyi? Waneya mtsawa hihitlu: — Kasruklewakleru, naluk-hetletatnaka hiyrunuko!

Seyni hixkakluko hi wan-rixa. Katukta hijhakalur-pira, pimrine repixanu

Hichinikanru xye: Katukta hi yoptotanru Hoyakalu pohirewaxyawaka mturu pixka, hi hjihlokanru.

Hiyrun-koxa hixolune kosekakanatatshine hapkatatanutka. Waneya hixolune rapkatle hwatshine kosekanutka.

Hyinuwajikolu xye tshijne hiyakoxikolu klu papko Hoyakalu hixkajyawaklu jeji suxo rixyawakna. Wale tshinanu jeji hichotlu ruru, runro, rimwiywakaplo hhanunro. Hiyáhoni hepitkana seyni pa manepkalunetkani, wale tshinanu hi hepna, satupkalu.