ข้อพระคัมภีร์ยอดนิยมจาก Génesis 18

แบ่งปัน

Diospaqqa tukuy imapas manan sasachu. Watamanmi kunan hina tiempopi kutimusaq. Hinaspan chay tiempopaq warmiyki Saraqa qari wawayoqña kanqa, nispa.

Chaymi Saraqa sonqon ukhullapi asikuran khaynata piensaspa: “Noqapas hinallataq qosaypas machu-payañan kashayku; ¿chaychu wawayoqraq karuykumanrí? ¿Yuyaqña kashaqtiykuchus, kusikuy noqaykupaq kanmanraq?” nispa.

Abrahampa mirayninkunaqa atiyniyoq hinallataq ancha hatun nacionmi kanqaku. Abrahamraykun llapallan kay pachapi nacionkunaqa bendecisqa kanqaku.

Hinaspan Abrahamqa Señor Diosman ashuykuspa khaynata tapuran: —¿Cheqaqtachu justo runakunatapas, mana justo kaq runakunatawan kushkata wañuchispa chinkachipunkí? Sichus chay llaqtapi 50 justo runakunata tarinki chayri, ¿chay llaqtatari lliwtachu destruispa chinkachipunkí? ¿Manachu chay llaqtatari perdonanki 50 justo runakuna chay llaqtapi tiyasqankuraykú?

Chaymi Señor Diosqa contestaran khaynata: —Sichus Sodoma llaqtapi 50 justo runakunata tarisaq chayqa, chay justo runakunaraykun chay llaqtataqa perdonasaq, nispa.