ข้อพระคัมภีร์ยอดนิยมจาก Matie 13

แบ่งปัน

‑Maa nɩkpa ‑mumuë ‑wʋ ‑lɛ. Mʋa ‑kä Lagɔwɛlɩɩ 'nʋʋ, mʋa ‑pʋniɛ sasɛ 'yukwli 'n wa nwiɛ 'mö. ‑Sɩbhä a nɩkpaa, mʋa ‑nyɛ dʋdʋ a ‑dʋdʋʋ 'wlʋnɩɛ, dɛɛ lileyʋʋ bhlinɩɛ 'n wʋ yiɛ 'pʋ, 'n 'gwla ‑bhlʋ kää 'yʋ a gwlɩ ngbï 'yli, 'n gwla ‑mämaa kää 'yʋ a gwlɩ ta 'yli, 'n ‑mämaa kä'ɛɛ 'yʋ a glʋ ‑bhlʋ 'yʋ kʋgbä 'yli.»

‑Mumuë ‑nyɛ dʋdʋ ‑wʋ kää ‑dɛgla 'wʋ 'wlʋnɩ'ɛ wabhlɩ. Wa nʋ Lagɔwɛlɩɩ 'wë, ‑maa mä'ä 'pɩwʋ a dlɩpäpʋʋ ‑nyɛ wʋlʋnɔɔ a tʋʋ 'sɔ, mɩɩ 'mänanɩɛ Lagɔwɛlɩɩ wa 'zʋ a‑a dlɩ zɛmö 'wlu. ‑Sɩbhä a za yɩ'ɩ tlʋa'a 'bhï.

‑Wa ‑pʋnɩɛ 'Pɩwʋ mää Lagɔ 'kämanɩɛ a wɛlɩɩ 'yukwli, ‑waa 'nwiɛ 'möö, ‑lɛ 'yio 'wʋ dɛɛ lileyʋʋ bhlinɩɛ, ‑lɛ wa ‑nyɛ 'wlʋnɩɛ. Wa ‑kä Lagɔwɛlɩɩ 'nʋ 'wëë, 'n Sataa yiɛ, 'n ɔ sʋänyɩɛ dila zɛmö 'lɩlɩlɩ.

Kpayidʋdʋ 'klʋ dɛɛ lileyʋ ‑mumuu bhlinɩɛ 'n wʋ 'nɩɛ 'pʋʋ, ‑mumuë ‑nyɛ ‑lɛ 'wlʋnɩ. Wa ‑kä Lagɔwɛlɩɩ 'nʋ cuu, 'mänasɛ wa ngwliɛ 'wʋ, ‑maa wa 'niɛ sasɛ dila zɛmö 'zʋ. Zaa, wa ‑kʋä yɩ za 'klɩ 'yɩa, wa ‑kä'ɛ yɔlɔylʋ 'mö ‑wʋʋ, yi wa 'tatiniɛ cuu.

Sɛɛ nɩkpɛ vu'ɛ lɩ 'a ‑lokwli ‑ɛ ziza‑a 'lagblɛ 'mö zɛmöö, ‑sɩbhä 'pɩwʋ mää Lagɔ 'kämanɩɛ ‑wʋä. Ɔ ‑kɛɛ zɛmö ‑vuu, käbödɛ ɔ zizee. Ɔ 'wuë 'mäna 'n ɔ 'kää mö, ɔ 'saa ɔ kä a‑a 'wuë ɔ 'kʋ 'pɛlʋ 'pä, ɔ 'kä yi ɔ 'käa'a 'lagblɛɛ a'bhë pɩa ɔ kɛ kälɩ.

‑Maa yʋ ‑mumuu bhlinɩ'ɛ ‑lɛ dʋdʋ a ‑dʋdʋ 'wʋ, 'n wʋ yiɛ 'pʋ, 'n wʋ yiɛ fötɩ. 'Gwla ‑bhlʋ kä 'yʋ a gwlɩ ngbï 'yli, ‑mämaa kä 'yʋ a gwlɩ ta 'yli, ‑mämaa kä 'yʋ a glʋ ‑bhlʋ 'yɛya kʋgbä 'yli.

Zaa, a nɩ 'tatinaa ‑bhlɛ yi, ‑putukwëzokwëa ‑nyɛ lilea 'sɔ 'kä 'gämö 'pʋnɩ. ‑Maa ‑dɩdɩtɛnyɩ ‑kä ghlɛɛ, n yi ‑dɩdɩwaa 'dɩ 'nyɛ nɩɩ, wa nɩ ‑dɩ ‑putu gwë wa 'kʋ bhägöbhägö 'mö sɛ gwa, wa 'kʋ sia 'wë, wa 'kä bhäla lilea ‑dɩ, wa 'ka ‑mä 'na gbʋʋ 'wʋ zʋ.»