ข้อพระคัมภีร์ยอดนิยมจาก Lwiikö 12

แบ่งปัน

‑Sɩbhä a za, abhʋa na ‑nʋa, a nɩ ‑ligba a 'kä ‑lɛ glɩ, ‑maa Nɩkpɛ a 'Yu, zlɩɩ a'aa ‑tɔnɩɩ 'mö ɔ 'kää 'mö yi.»

A'bhï, 'pɩwʋ mää Lagɔ 'kämanɩɛ a gbʋʋ mʋʋ nɩ plɛnanyɩ tenyii. ‑Lɛ a dɔ'wʋ, ɔ'bhë ɔ yeanyɩ ‑li 'la 'wuë 'nyɛ.

'N Zezwii yiɛ ‑wa ‑wʋä ‑lɛ 'wuë 'dɩ 'nyɛ, ɔ lɛ naa: «A 'nɛmanɩa anyɩ 'wʋ, mä'ä 'pɩwʋ a wʋlʋnɔ a 'tʋ nɩ tanyɩa 'lɩbhä 'lɩlɩlɩ, ‑maa nɩkpɛ yi wʋlʋ, 'ɔ lɩɩ yi ‑zu ‑kë, yɩ'ɩɛ bhɛnɩ yɩ 'kä ‑mä 'ɔ 'pɩwʋ a ylɩɩ 'wʋ gbaanɩ.»

Ɛ'ɛ ‑bhö nyɩasɛ, ‑maa dɛɛ 'a wʋlʋnɔɔ ‑wʋä, ‑lɛ 'a dilaa ‑wʋä.

‑Ɔ bhɛnɩ bhä ‑mä 'ɔ 'yʋyʋayʋyʋʋ 'mö, ylɩɩ ɔ 'kä 'kää mä'ä 'pɩwʋ ‑sɛ ‑gömö, ɔ 'kä ‑lɛ 'ylɩ ‑bhlʋ a'bhë 'pä nɩ?

Zezwii 'pää nine 'la 'wëë, 'n ɔ yi'ɛɛ 'ɔ ‑gänɩwaa 'yi gö, ɔ lɛ naa: «Nza n nyanyɩɛ 'dɩ nɩɩ, 'saa a 'kää li a 'kä ‑bhölɩɩ, wʋ dlɩ nɩ tanyɩ libho. 'Saa a 'kää 'mö ‑pla a dlɩ nɩ tanyɩ'ɛ libho.

'A 'wlu a nyukwëa a'bhë, Lagɔ ‑yi ‑zɩmö a yʋʋ ‑bhli. Zaa, a nɩ tɩ ‑gu. ‑Maa Lagɔ a 'yila 'klʋ a dɔ'wʋ a kä dɛsɛ tenyii, a zi 'bhuluyuëa a ‑zɩkpa 'käda 'wʋ.

Abhʋa na ‑nʋa, a'aa ‑zu, ‑maa a nɩ tɩ ‑gu. Ɛ'ɛ ‑bhö nyɩasɛ, ‑maa a dɩba Lagɔ mɔɔ ‑saanyɩɛ ‑lɛ ɔ 'kanyɩ 'pɩwʋ mä ɔ 'kämanɩɛ 'bhle 'nyɛ. Ɔ'bhë, ‑sɩbhä ɔ 'yɩbhɩɛ.

A yɩlɩɛ ‑ka ‑kaanɩmö 'wʋ. Yɩ'ɩ glʋ. Yɩ'ɩ ‑dɩ. Yɩ'ɩ ‑kpëlie ‑kä. Yɩ'ɩ 'gbɩ ‑kä. ‑Sɩbhä yɩ ‑wʋ 'mö, ‑maa Lagɔ nyɩ lile 'yize. N nyanyɩ 'dɩ nɩɩ, Lagɔ a dɔ'wʋ a kä dɛsɛ tenyii, a zi zɩɩ 'wʋ.

Nza n gbää nɩɩ, dlɩ nɩ tanyɩ 'kwädlɩ libho 'yize, a nɩ tɩ nɩɩ: Sɛ ‑a 'kä bhä 'mözʋmözʋmö ‑a 'kä li, ‑a 'kä 'nɩmä?

Zaa, ‑titii ‑yɩ ‑wʋä zɩ'ɛ ‑mä 'lagblɛ 'mö, wa 'kää 'zɩgblɛ sia, 'n Lagɔ ‑kɩɩ sa'a 'yli 'zʋnɩɩ, 'saa 'kä bhä 'nglɩ ‑kä, 'n ɔ 'naa 'kanyɩ bhä abhlɩ 'yli 'zʋnɩmö, ɔ 'kanyɩ 'wua 'nɩ? 'A Lagɔ a dlɩtɛɛnɩtɛnɛɛ 'nɩɛ ‑zu lɛɛ!

‑Maa a ‑yi sɛ nɩɩ, 'saa 'wuë nɩkpɛ zizaa, yɩ yi 'ylɩ ‑bhlʋ 'mö gbëdanguu bhli. 'Saa ɔ ‑kä 'wi 'mö bhïla ‑kë, wʋ yi 'ylɩ ‑bhlʋ 'mö 'klʋ këlio.