ข้อพระคัมภีร์ยอดนิยมจาก Juan 1

แบ่งปัน

Xwiri ni'pa i xkik'ulaj ku' xaq xekojon che; lik xya' chke chi xeu'on rak'al i Dios.

Chuxeb'al ij saq, i Tzij o chik, i jun chi are i Tzij o chik ru' i Dios xaq lik are i Dios.

I saq le lik kwalch'in pa taq equm; i equm tikinaq ti chuchupik i saq le.

I Jun chi are i Tzij xu'an winaq che rib' xaq xjeqi chqaxol, lik nim i k'axnab'al uk'ux xaq lik saq laj tzij, xaq qilom u'ij uchomal chi xya' che rumal Uqajaw man lik xa jun chrij.

Are Ire x-anaw ronojel ni'pa i olik junam ru' i Dios; nti jun b'iroxik olik we are ti Ire anawnaq. Are Ire uxeb'al i k'aslemal; i k'aslemal le are i saq ke i winaq.

Chukab' ij, i ma Wan xril uwach i Jesús chi ktijin utejeb'ik ru', are uri xub'ij chke i winaq: “¡Chiwila pe', ile are Ral Chij re i Dios chi kresaj kimak konojel i winaq chwach i jyub' ta'aj!

I Jun chi are i Tzij, o chi chwach i jyub' ta'aj, tupu are Ire x-anaw i jyub' ta'aj, xwiri, i winaq chi je o chwach i jyub' ta'aj xketamaj ti uwach. Ire xk'un ku' utinimit, xwiri ike xkik'ulaj ti ku'.

I saq le chi ktzun pkik'aslemal i winaq kk'un ni chwach i jyub' ta'aj.

I atb'al tzij re i Dios che i mam Moisés xyaw wi ub'ixkil; xwiri i k'axnab'al k'uxij xaq i saq laj tzij are i Jesucristo xk'amaw loq.