ข้อพระคัมภีร์ยอดนิยมจาก G%E9nesis 9

แบ่งปัน

Xaq xub'ij chik i Dios: Are k'utb'al re intrat iri chi k-e ij saq chrij chi kin-an iwu' yix xaq ku' konojel ni'pa i o kik'aslemal chwach i jyub' ta'aj: Inkojom inxok-ab' pa sutz', ilb'al re intrat chi xin-an ku' konojel ni'pa i je o chwach i jyub' ta'aj.

Arewi are k-aljin i xok-ab' le chupam i sutz', are uri Yin kwil na xaq kk'un ni intrat chink'ux chi nti uk'isik chi in-anom ku' i winaq xaq ku' konojel ni'pa i jalajuj taq chikop re uwach i jyub' ta'aj.

We o jun kukamsaj jun rachlok'anij, jun chik lok'anij uri kkamsaw chik ire, man i lok'anij lik uk'exwach i Dios antal che.

I Dios xuya utzil chomal puwi ma Noé xaq pkiwi i rak'al, xub'ij chke: Chixk'uwalinoq, chixk'iyaroq xaq chinojsaj uwach i jyub' ta'aj.

Konojel ni'pa i kkiyin kib' chi o kik'aslemal utz re kitijo, xaq keje i echa' re ti'b'al inya'om chiwe ronojel.

Konojel i chikop re uwach i jyub' ta'aj kkixij ni kib' chiwe yix; konojel i tz'ikin chi kerupup chikaj, konojel ni'pa i kkiyin kib' chwach i jyub' ta'aj xaq konojel i kar pa mar, is je injachom pi'ab'.

Xwiri yix chixk'uwalinoq xaq chixk'iyaroq, chinojsaj uwach i jyub' ta'aj. Keje ile xub'ij i Dios chke.