ข้อพระคัมภีร์ยอดนิยมจาก YOHANES 15

แบ่งปัน

Ia i'i pung u anggori, dang i kumu kaul᷊ie lelange. Taumata ko tatapi masimbau dingang-Ku dang Ia dingange, sarung muwua maul᷊i; watu'u su l᷊ikuri Ia, i kumu ta makakoa manga apa.

Katanae pakasimbau dingang-Ku dang Ia l᷊ai mang matatana simbau dingang i kumu. Lelange sisane ta makapuwua, su l᷊ikuri sie matatapi su punge. Kere'e l᷊ai i kumu kitang botonge muwua, boko tatapi masimbau dingang-Ku.

Boko i kumu tatapi masimbau dingang-Ku dang tatintiro-Ku matana su l᷊al᷊ung u naung i kumu, pundote si Yamang apang ko ikao i kumu; ndou e'e sarung raringihang.

Wal᷊inge i kumu namile si Sia, ko Ia namile si kumu, dang nundoi i kumu pal᷊al᷊eng tadeau puwua pakaul᷊i – apang wuange ko ta mawinasa. Kuteu I Yamang sarung mangonggo si kumu apang ko ipundokang i kumu si Sie su l᷊al᷊ung u areng-Ku.

Taumata ko makindaghi u manga ghawe'e e'e ko taumata munggile u puwawiahie si sire.

Apang lelange ko su Punge ko ta muwua, potokang-E, dang apang lelange ko pia wuange, ghahingang raunge l᷊au tal᷊uaheng-E, tadeau wuange manamba lebe maul᷊i.

Ko i'i parenta-Ku: pukakindaghiko simbau dingang ko wal᷊inge, musul᷊ung kere Ia kumindaghi i kumu.

Boko i kumu muwua maul᷊i, I Yamang-Ku ipakawantughi; dang dingang kere'e i kumu tinga-tingari makoa tumatuhu-Ku.

I Yesus sau nangul᷊i, “Ia i'i pung u anggori ko kahingang, dang I Yamang-Ku mutatal᷊ung sasuange.

Taumata ko ta matatapi masimbau dingang-Ku, sarung irume musul᷊ung u lelang, bou e'e mahango. Manga lelang ko kere'e sarung ikomol᷊i ihunu su l᷊al᷊ung u putung, bou e'e itutung.

Kaul᷊ie i'i Daku ihabari si kumu, tadeau l᷊al᷊iaghi-Ku ene su l᷊al᷊ung u naung i kumu dang l᷊al᷊iaghi kumu masuku.

Boko i kumu mupal᷊al᷊eng u apang parenta-Ku, i kumu tatapi satia su kakindaghi-Ku, musul᷊ung u Ia tatapi satia su kakindaghi I Yamang watu'u mupal᷊al᷊eng apang parenta-E.

Ko i'i parenta-Ku si kumu: Pukakindaghiko singkatau dingang ko wal᷊inge.”

Kiko i kumu koa u dunia, dunia sarung kumindaghi i kumu kere koae. Kateho Ia seng namile si kumu bou dunia i'i, inau i kumu l᷊ai seng wal᷊inge koa u dunia. E'e sabapie i kumu ipubunsi u dunia.