ข้อพระคัมภีร์ยอดนิยมจาก ዋ̈ኒ̇ሳ 10

แบ่งปัน

ሶላ̈ዲ ዉቃ̇ንዳ̇ቦ ሹካ̇ንዳብኬ ይሳ̇ንዳብ ሙታ̇ ዬዪሬ፥ ቴ ዬይኖንዳ ቴ ዶራን ሜናብ ሼምፓባር ዶኢ ዲጛምፔ̈ንኬ ፔቲ̇ ባዝ ኣባክ ኢንታ̇ብ ዪኖ ባዝ ባዪዶ̈ር ዶኣምፔ̈ኔ።

“ኮሽ ዬ̈ን ና̈ሳ ታ̈ና፤ ኮሽ ዬ̈ን ና̈ሳ̈ዲ ፌ ዶራን ጊሽ ፌ ሼምፒ̇ን ዓይቃብ ኣ̈ ኢሚ̇̈ሬ።

ቴ ዶራን ቴ ቆ̈ን ሲስኪ̈ሬ፤ ታ̈ናር ኢንታ̇ ኤራ̈ሬ፤ ኢንታ̇ር ቴ ዎሂን ዬ̈ሬ።

ቴ ኢንታ̇ብ ሜናብ ሼምፓባር ዶኢ ኢማ̇̈ሬ፥ ዪ̈ኮታ̇ቦ ኢንቲ̇ ዉርሲ ዪባ̈ሴ ቴ ኩሺን ጋርታ̇ፖ̇ ኦ̈ናካር ቡራር ኢንታ̇ ኤኪ̇ባ̈ሴ።

ጌሊዝ ካራ ታ̈ና፤ ቴ ጎይባራ ጌሊዛ̈ዲ ፋጺ̈ሬ፤ ጌሊ̈ሬ፤ ኬሲ̈ኪሬ፤ ኮሽ ማ̈ታ ዎ ቤሳ̇ር ዲጚ̈ሬ።

ኮሽ ዬ̈ን ና̈ሳ ታ̈ና፤ ታ ባ̈ባ ታ̈ና ኤራዚንዲፌ̈ንኬ ታ̈ናር ታ ባ̈ባ̈ ኤራዚንዲፌ̈ኒ፥ ታ̈ኒ ቴ ዶራን ኤራሬ፤ ኢንታ̇ር ታ̈ና ኤሪ̈ሬ። ታ̈ኒ ቴ ዶራን ጊሺ̇ምቦ̇ ቴ ሼምፒ̇ን ዓይቃብ ኣ̈ ኢማ̇̈ሬ።

ኢንታ̇ ታ̈ብ ኢሚ̇ኖ ቴ ባ̈ባ̈ዲ ዎይፖ̇ ሺ̈ሬ። ቴ ባ̈ባ̈ ኩሺን ጋርታፓ̇ር ኦ̈ናካር ኢንታ̇ ቡሪ ኤካ̇ንዳብ ዳንዳኢዛ ባዬ̇። ታ̈ናኬ ቴ ባ̈ባ̈ዲኬ ዎልኣ ፔታ̇ኔ” ጌይዴ።

ኮሽ ዬ̈ን ና̈ሳ ታ̈ና፤ ታ ባ̈ባ ታ̈ና ኤራዚንዲፌ̈ንኬ ታ̈ናር ታ ባ̈ባ̈ ኤራዚንዲፌ̈ኒ፥ ታ̈ኒ ቴ ዶራን ኤራሬ፤ ኢንታ̇ር ታ̈ና ኤሪ̈ሬ። ታ̈ኒ ቴ ዶራን ጊሺ̇ምቦ̇ ቴ ሼምፒ̇ን ዓይቃብ ኣ̈ ኢማ̇̈ሬ።

ታ̈ኒ ቴ ሼምፒን ዶሳራ ዓይቃብ ኣ̈ ኢማ̇̈ርዶኬ ኦ̈ናካር ፌ ዎልቃባር ታ̈ና ዎንዳ̇ብ ዳንዳኢዝ ኣሲ ባዬ̇። ታ̈ኒ ቴ ሼምፒ̇ን ዓይቃብ ኣ̈ ኢማ̇ንዳባሬ ማ ዓይቃ ጋርታ̇ፖ̇ ማ̈ቃ̇ ዲንዳንዳቦ ሲልጣ̈ና ቴዬ̇። ዓና̇ ኪ̈ቲ̇ን ታ̈ኒ ኤኪ̇ኖንዳ̇ ቴ ባ̈ባ̈ ጋልዳፖ̇” ጌይዴ።

ዪ̈ኮታ̇ቦ ኢ ማሃር ኢንታኮ “ቴ ዪንታ̇ክ ኪን ጋ̈ሬ፥ ዶራንቦ ካራ ታ̈ና።

ሚ̈ሺ̇ ጪጊ̇ን ዬጚዝ ኣሲ፥ ዶራን ኢያይ ጊዳካዮኮታ̇ብኬ ኢያር ኪን ዬን ኣስ ማ̈ቃካ̇ዮኮታ̇ቦ፥ ዬ̈ያ ዬዬ̈ጌይንዶ ዶራን ኣሻ̇ሪ ፌ ቆሚ̇ን ዎጺ̇̈ሬ፥ ዬ̈ያ̈ዳር ዶራን ላ̈ሊ̇̈ሬ ማ ዶካ̇ን ኤ̈̇̈ሬ።

“ቴ ዪንታ̇ክ ኪን ጋ̈ሬ፤ ዶራንኮ ሞ̈ ጋርታ̇ ካሪን ኣሻ̇ሪ ሜላ ጎይባራ ባ̇ር ጌሊዛ̈ዲ ሶ̈ላኬ ቡሪዝ ኣሴ።