ข้อพระคัมภีร์ยอดนิยมจาก Mateo 28

แบ่งปัน

Mawũẽ wãũdua, mobe ĩjãnamarẽã mʉnebemata jaraudua druaza zhãrã jõmaʉ̃ã. Buru kꞌoekuaudua Daizeze trʉ̃neba, mʉ zhi Warra trʉ̃neba, Jawurebia trʉ̃neba. Mobe ũrãgꞌaudua jõma aribꞌaedꞌamarẽã mʉã marãã jaradꞌata. Mʉrã marã bawara ewariza bꞌaya ẽjũã jõñeẽna. Amén.

Maʉ̃nerã Jesúsbara ãzhi orrape mawũãsia: Daizezebara zareata mʉãã diasia jõma mʉã erunʉmamarẽã ʉ̃tre nʉmʉta druadꞌe nʉmʉta.

Maʉ̃ne ángelbara wũẽrãrãã mawũãsia: Marã perarãũdua, mʉãrã kꞌawua bꞌʉa marãbara jʉrʉ panʉta Jesús cruzdꞌe kꞌachidꞌapeadꞌata. Nama ne ẽã, izha jaradꞌa kĩrãkꞌa beudꞌata piradrʉsia. Zeudua, akaudua Nokꞌo tabꞌʉdꞌapeadꞌata.

Maʉ̃ne Jesúsbara mawũãsia: Perarãũdua, wãnape mʉ mebẽrãã jaraudua Galileaedꞌa wãnamarẽã, mʉrã maĩnu ũdudꞌaya.

Maʉ̃rã zhi jʉresidꞌa nokꞌorã bawara, mobe krĩcha abꞌarika zedꞌape plata bio diasidꞌa soldaorãã. Maʉ̃nerã mawũãsidꞌa: Marãbara mawũãnaña: Izha jʉrʉkuadꞌata diamase zedꞌape Jesús kꞌakuara zrʉgasidꞌa dai kꞌãĩgue nʉmʉẽna. Maʉ̃ta nokꞌo Pilatoba ũrĩrã, daita izhi bawara bedꞌeakuaya, marã daibara aramaʉ̃ne kꞌarebadꞌaya. Mawũãnaĩ soldaorãbara jidasidꞌa platara, mobe jarasidꞌa sãwũã jaradꞌamarẽã jaradꞌapeadꞌadꞌe. Mawũã sewata jaradꞌapeadꞌata judíorãne edꞌara jara bꞌea idꞌibasiidꞌu.