ข้อพระคัมภีร์ยอดนิยมจาก Mateo 21

แบ่งปัน

Jõma marãba widꞌibʉdara zhiwidꞌi soidꞌu kꞌobꞌebʉrʉ jidadꞌaya.

Mawũãnaĩ Jesúsbara panaʉ̃ mawũãsia: Mʉã wãrĩnu marãã jaraya, marãta soidꞌu bꞌebʉrʉ, marãma kꞌãrẽta bꞌe ẽãne duanu ẽbʉrʉ bari kꞌãwũã bakuru higuera kĩrãkꞌa odꞌa ẽã, awuarabʉrʉ kꞌatuma za nʉmʉã jarabʉdata: Ãĩ wãrũã, pusadꞌe doidꞌu wãrũã abʉdadꞌera aribꞌae nʉmaẽdaya.

Zhãrãbara na wãba tẽã uruba nemi jĩgua mawũãsidꞌa: ¡Bʉra ibia jaradꞌaya rey Davidꞌeba urura! ¡Ibia jaradꞌaya Daizezedꞌeba zebʉrʉra! ¡Daizezera ibia jaraudua ʉ̃trera!

Mobe mawũãsia: Naʉ̃ẽnabemata zhi bꞌʉmata mawũã bꞌʉa: Mʉ dera zhiwidꞌibadata nʉmʉã adꞌaya. Mawũã bꞌʉdꞌera marãbara nezrʉgamiãrã de babi nʉmʉkꞌãrĩna.

Jerusalénne bꞌea mawũãũdua: Marã Reyra marãma urua, Ibiadꞌe bꞌʉta burrodꞌe ʉ̃rʉ̃ jewedꞌa urua, burro kũrãne ʉ̃rʉ̃ urua nendʉwʉrʉ ne zʉgʉa ataubari waudꞌe.

Mawũãnaĩ Jesúsbara mawũãsia: ¿Marãbara ledꞌakꞌa kĩrãkꞌa duanu ẽka aramaʉ̃ kĩrãkꞌa mʉ seribidꞌa ẽãnebemata zhi bꞌʉmarã?: ¿Jara bꞌʉ ẽka de obadaba mongꞌara seri ẽãne bꞌʉdꞌapeadꞌara wagꞌauta bꞌesita. Daizezeba mawũã osi baera dazhirãma ne bia abꞌʉ ẽka?

Maʉ̃neba mʉã marãã jaraya, marã Daizezebara izhita Nokꞌodꞌebemane duanabi ẽã, awuarabʉrʉ maʉ̃ne bꞌeabiya izha jara bꞌʉta obꞌeta.