ข้อพระคัมภีร์ยอดนิยมจาก Luka 12

แบ่งปัน

Ala kuungá' ti amohhe'ese', asma Garmoó Hee ni hardah siiwár kuungá' kuwa haraxuaa'aaká.”

Ala waawuti'iimár Mungú na leelehhiitaak, nee Mungú muruuwí sleémeero ngu dirhúng i haniis sleeme.”

Yesu giri báy, “Qaytsité', ti harmagahhe', ma múk qahuuse tleehhitaara'. Asma daqaari'iima tam ka yaariír dír heewo, i slafíngw hupká.”

Asma didár daqaari'iimarhúng i diri', an didá' munerhúng sleeme i diri'.”

Hee i deéro dirhunge oo slafiingós doogaro gu aleesláw tam har qoomár niina, tam ti daawiitimisi?

Yesu eeharuuseerós gari báy, “Gawaá adoorihe, án a kah, ma daawimitaara' as slafingwhúng, tawa kata', ‘Ma /ayaán?’ laqaá slaqoohunge, tawa kata', ‘Ma tsiitaán?’

Slám se'éngw gawaá sagerhúng sleémeero kwaa faár. Kuungá' ma da'ayumitaara', asma kuungá' a tsiní ta qawoó yaarire.”

“Ma da'ayumitaara', kuungá' awa daqtá niina. Asma Baabuúhúng gaa slaá' waawuti'iimadá' ngiwa haniisi.

Xwa'aro ga/aawaak, i dahasiindaaká, slám i buu'uundaaká, quuroó ta kon i kaahh, tam kuuntáy sleeme. Ala Mungú ga /aymiis. Kuungá' a ak tsiní ta tsir/ooro.

“Kuungá' ma leelehhiitara' gár ta /aga' laqaá gár ta wata', slám ma daawimitaara'.

Ala bar Mungú /ayór yaamaá tawór wa ti'imiit gan tsiitimiis, ar laarí dáw nee matlo kari kwaahh gawaá ufú xwaansláy, xáy, kuungá' nu ak tsiitiísiíke? Kuungá' mustundu haratlintaao niiná.

Umuúqo gaaro ar taa nahhatís ka geehhooees, nee umuúqo gaaro ar taa luú/ ka xu'utis.