ข้อพระคัมภีร์ยอดนิยมจาก Jɔnə 2

แบ่งปัน

Lɛ̌ nə ḿbə́ ntsɛɛmbi akyeʼə́nu páʼ Yeso a nə́ ńgɛd nə́ á Kana á mə́m Galiliə. Ńtíʼ ńnəələ̂ a nəgháʼ əyǐ, ngaŋə́zoŋə́ndzəm əjí tíʼ ńnéŋ məntɨ́ mɔ́b nə́ yə́.

Yeso tíʼ ə́sóŋə á mbô yí ńgə́, “Məngyě, gho kě chîə á mə́ sóŋ nə́ anu yətsə̌ á mbô maŋ pô, Ndɛlə mə kě kə́ koʼ pô.”

Yeso a sóŋə á mbô pó ńgə́, “Lwɛ́nkə nə́ mbáŋə́ pɨ nə́ nkǐə.” Pó néŋ nkǐ ə́wɨ́ tə ə́ kɔ́ʼ ńdɛɛlə̂ á ntso pɨ́d ətsəmə. A tíʼ ə́sóŋə á mbô pó ńgə́, “Əghâ nə́, tóʼ nə́ nkǐ ə́wə́ yitsə̌ ńgɛn ə́fɛ̂ á mbô nətû nə́ chî nə́ á ndzɔʼ pəənə́.” Pó tíʼ ńtóʼ ńgɛn fɛ̂ nə́ yə́.

Yeso á kwěe ághɔ́b ńgə́, “Shaʼtə̂ nə́ á Tə́kɔʼndɛ̂sê ghɛnə̂, maŋ pɨ ńkɔ́ʼkə nə́ əlěmbî pɛ́n teelə́.”

Yeso a ghɛn ńchwa məŋkɛd ńdɔg ńgɛd ngwan ə́wə́, ńtíʼ ńkəmə̂ ághɔ́b pətsəm, ḿbá məmbéŋ mə́ ndzɛd mə̂ nə́ məna mə̂, ńtíʼ ńkwɛd nkáb ngaŋə́kwúblə́nkáb zə̂, ə́sɛdkə̂ pətəpɛlə pɔ́b ńkə́bkə á Tə́kɔʼndɛ̂sê. Ə́sóŋə á mbô pɨ pó nə fi əlúʼə lə́ ńgə́, “Lɔg nə fɛ́d nə́ pə́ələ́, nə yǒ kě lɔg ndɛ̂ Tǎ mə ghɛlə̂ aliʼə́ məta ə́wɨ́ pô!”