ข้อพระคัมภีร์ยอดนิยมจาก Jan 15

แบ่งปัน

«Əman, m-to kakə binyə, a sese ə-toje to barkəmɛ̂je. Dəw kə̂ nayn rɔm tə̂ ngaâ əman m-nayn rɔɛ̂ tə̂ a, a kandə nya. Mba bbo m-nayn rɔse tə̂ ang a, nɛ̂n kâra kə̂ â kasəje ta dda goto.

Maji karə ə-naynje rɔm tə̂ tokə əman m-nayn rɔse tə̂ le. Bbo barkəm binyə nayn dɔ kakɛ̂ tə̂ ang a, nâ kandə kə dɔ rɔɛ̂ njaa ang. Ddəw kâra baa, bbo ə-naynje rɔm tə̂ ang a, â kasəje ta kandə ang tɔ.

Bbo ə-naynje rɔm tə̂ ngaâ tarje ləm naynje məse tə̂ a, ə-dujuje nɛ̂n tɔyn kə̂ ə-ndikije a, â kingaje nɛ̂n le.

Əman â m-mbərəse bbo sese â ə-mbərəmje ang ngaâ mulase karə awje, ta andəje kandə. Ngaâ karə kandə ləse le nayn kə ləw. Baann bba nɛ̂n tɔyn kə̂ ə-dujuje Bɔ kə rim a, nâ karəse.

Bbo dəw unn təbbə laa arə mba dəwje kə̂ n̂-ndikide a, ndiki kə̂ uta yeenn goto.

Barkəm-rɔje tɔyn kə̂ toje rɔm tə̂, a andəje ang, naw tuka kə ddang. A naw gangə dɔ barkəm-rɔje tɔyn kə̂ aw andəje karə dandəje uta ye kə̂ kete bbay.

Ndu kə̂ marəse â nəənn: Maji karə ə-ndikije naan tokə m-ndikise.

Nɛ̂n kə̂ a karə piti Bɔmje â nəənn: Maji karə andəje kandə nya ngaâ ə-tɔjuje to ə-toje to njê-njaje gom tə̂.

«Əman, m-to kakə binyə kə̂ tɔkɔrɔ. A Bɔmje to nje-ndɔɔ binyə le.

Bbo dəw nayn rɔm tə̂ ang a, dâ kilɛ̂ ddaka tokə barkəm binyə karə n̂-tutu. Ngaâ, dâ koto kungu purô karə puru ɔn.

«M-pa tar nəənn marəse karə rɔ-nəəl kə̂ minga le ingaje tɔ ngaâ ta karə rɔ-nəəl ləse asə loe.

Bbo ə-ngəmje nduje ləm a, mâ nayn kaw ndikise. Ddəw kâra baa tokə m-ngəm nduje lə Bɔmje ngaâ nayn aw ndikim.

Nɛ̂n kə̂ m-dujuse, maji karə ə-ndikije naan.»

Bbo ə-toje to dəwje kə̂ duninya tə̂ a, dəwje kə̂ duninya tə̂ a ndikijese, mba ə-toje to ləde. A ə-toje to dəwje kə̂ duninya tə̂ ang ngaâ m-mbərəse horo dəwje tə̂ kə̂ duninya tə̂ nəənn. Mba yeenn bba, dəwje kə̂ duninya tə̂ mbətəjese.