ข้อพระคัมภีร์ยอดนิยมจาก Yohanes 12

แบ่งปัน

Séi uman si mahpaayang wia ni Aku, ni sia é léwo'zéi' ing kumiit ni Aku wo wisa uman un angéang-Ku, ni sia é léwo'zéi' im witu. Séi uman si mahpaayang wia ni Aku, ni sia é masigi'en ni Ama'.

Séi uman si rumaraaté ung katou-touanna, si tou itii éng kaliongan ung katou-touanna. Taan séi uman si zéi'kan rumaraaté ung katou-touanna im wia ung kaayahan kenu, ni sia éng kumelung ung katou-touanna itii makaz ing kauré-uré.

Uli-ulit ikua-Kuma wia ni kamu: Sa um watuna ung gandum zéi'kan méitanem witu un tana' wo maté, niitu é menéntu-néntu uman zéi'kan mahawes. Taan, sa um watuna ung gandum itii matéma, taré niitu tumoumé wo mua'mé lakez.

Ni Aku é niméyé wia ung kaayahan kenu in tou si nimahalimé u sena', wo sé tou sé ma'éman wia ni Aku én zéi'kan mahwitu-witu ung karimbengbengan.

Sa si tou timalinga an ipahkua-Ku, taan zéi'kan mahwangun niitu, ni Aku én zéi'kan tumotoz ulit kaapa zéi'kan um pahwangunenna. Pahpaan ni Aku i méyé én zéi'kan i mukum sé tou wia ung kaayahan kenu, taan i milot ni séra im witu un ukuman wana a singkéla'.

A si Maria méndomé u sana pahzuana liter lana mahwou tariis, ngaran u lana itii é narwastu, un zéi'kampé' sinembor wo totoz mahal an iwuwu'nala u lana itii witu un a'é ni Yesus am pahisu'ennama un a'é ni Yesus karia um wuukna. Péléng um witu un untep um walé itii é mahwoukané tariis pahpaan u lana itii.

ni séra mahéndomé an zani'na am palem a masumungkul ni Sia, karia i mahkérét, “Hosana! Loozela ni Sia si niméyé karia u ngaran ni Opo Empung, si Kolano né Israel!”

Ang kuan ni Yesus wia ni séra, “In tarékano un orasna si Oki' ni Tou i loozen wo sigi'en.