ข้อพระคัมภีร์ยอดนิยมจาก Mbete Matiye 5

แบ่งปัน

Nzuk oh hɔrɔ ta lampe ɓay el mbi mbɔhrɔ guɓ ri ya. Wara le nzuk oh hɔrɔ ta lampe ɓay mbi kan síɓa mí hi̧ teh gel hi̧ nzukri gbam ké kaɓ vulu. Kaŋaw mí í hi̧ gel tehna woiri ɓá teh ké pol nzukri hi̧ kú ko fe laɓna sukiri dale, ku pír bah woiri a ye ké ƴo nunmbam.

A woiri i ɓa hɔrɔ-teh tukala. I na kandɔk puh kú-u mboh ké tul kasaw, gel-mu̧h puh-u ta-a.

Nzukri ké law woyri te-teh, ku ɓa gun pol tehnari ɓay fe le, ku ɓay ko Ŋgerzah.

Nzukri ké ɗaka-tu Ŋgerzah ɓa záh woyri i niri, ku ɓa gun pol tehnari ɓay fe le, Ŋgerzah ɓay hi̧ kú tu sal in ké-e ŋga̧h ziŋ niri mah gel ɗaka woyri.

A bi le, mi ƴo ɓah ɓayay hi̧ wuri, í sa nzukbaa woiri. Í goŋ Ŋgerzah ɓá laɓ suki hi̧ nzukri ké laɓ wuri koseh kaŋ

« Nzukri ké ko ɔkna woyri ɓa fe ya, ku ɓa gun pol tehnari ɓay fe le, lák mbay a nunmbam na ɓay woyri.

Nzukri ké ƴo hi̧ ɗeŋ ɓá gi haŋsekle woyri ke nzukri, nzukuri ɓa gun pol tehnari ɓay fe le, riŋ “gun Ŋgerzah” ɓay ɗi tul woyri.

Nzukri ké rew mbaŋ law woyri, ku ɓa gun pol tehnari ɓay fe le, Ŋgerzah ɓay hew niri.

Nzukri ké tu Ŋgerzah ɓa záh woyri, mí nzukri laɓ niri koseh ɓayu, ku ɓa gun pol tehnari ɓay fe le, lák mbay a nunmbam na ɓay woyri.

Nzukri ké ƴo laɓ law in ziŋ nzuk sehri, ku ɓa gun pol tehnari ɓay fe le, Ŋgerzah ɓay laɓ law in ziŋ niri.

Pol tehna Ŋgerzah teh tul woiri, gelke nzukri ɓal riŋ woiri, ku laɓ wuri koseh, ku ɓah kuŋɓay a pipiri-uri ɓoɗ ɓoɗ ke riŋ woiri ɓayu ké i ƴo ziŋ mi. Í laɓ wuri law rihna, í zay mun ɓay fe le, kpaŋndɔk woiri a ŋgeru ƴo nunmbam. Kosehri-aw ké nzukri laɓ ziŋ wuri ra, zih woyri laɓ ziŋ gun nzak pihna Ŋgerzah a lewsa̧ri kaŋ pi.

Nzukri ké hi̧ law woyri voh lɔm, ku ɓa gun pol tehnari ɓay fe le, ku ɓay ya̧ fe baah ké ɓa tusiɓa gbam.

A woiri i ɓa tom ké tusiɓa. Tom nuŋ mba le, a fe mí ɓay laɓ hi̧ tomu ɓá el nuŋ ɓáy le ? Ŋgerna tomu ta mba. Ɓa fer ku̧ kpah hi̧ nzukri ɓá ndakla.

Kandɔkaw le bah woiri a nunmbam ké ɓa nzuk gama lawsuki, a woiri kara í eŋ ni ɓa nzuk gama lawsuki kaŋ pi.

Kaŋ dale nzak wo ɓá na ɓa mbew yaŋ. Nzak wo ɓahri, “yi̧h” le, ɓay wo ɓá na ɓa “yi̧h”. Nzak wo ɓahri, “u̧h-u” le, ɓay wo ɓá na ɓa “u̧h-u”. Nzak ɓa seɗe le, sa̧wu ɓa záh law a pipiri-u munu.

Nzuk-sɔk mbete bolkusol Ŋgerzahri ke fariziri hi̧ wuri i lah bolkusol Ŋgerzah ké Moyiz vbeh hi̧ ziihri lewsa̧ ɓahri : “Nzuk guh nun mbaŋ ye le, kú guh nun ye pi. Nzuk haw sel mbaŋ ye le, kú haw sel ye pi.” A bi le, mi ƴo ɓah ɓayay hi̧ wuri, mú dal baa mgbɔrna ké nzuk laɓ ziŋ mu ya. Wara le nzuk vba̧ gam wo a lakna le, mú sɔɓ fál a ɓoru hi̧ ni ké vba̧ pi.

Dale nun wo mí ɓa ndaw lihna hi̧ mu saŋ ɓay bi le, mú lur ku̧ kpah. Hú ɓa ra̧w su mba hú ke nun wo seɗe mbɔk hi̧ mun wo gbam ɓá kaɓ ɓil hɔrɔ ké ri-rimna ya. Ndɔk lakna wo mí ɓa ndaw lihna hi̧ mu le, mú kuŋ mbiɗ vbu kpah. Hú ɓa kpere su mba hú ke ndɔk wo seɗe mbɔk hi̧ mun wo gbam ɓá kaɓ ɓil hɔrɔ ké ri-rimna ya.