ข้อพระคัมภีร์ยอดนิยมจาก LUKA 8

แบ่งปัน

Go tea ni natano wia, nara eu pei tea maga waina eu dogo navasaana ki p̃op̃o lomau go wia, go eu dape soki a, po dau ki nawada pilake nasokiana.

Go tea waina e dowo m̃aleoputo ni tea makalikali maga, nara eu pei tea maga waina eu dogo, go eu pano po dodo ki namidoakiparatikiana maga go ki nasogolapaana maga go ki namaroana maga ni namauriana waia, po da dau ki nawada matua seara mau.

Go tea one vatu laketoko eu pei tea maga waina, ragi waina eu dogo, eu dape navasaana po laelaea; go nara eu dika nakoada, waina eu saralomau ragi kiki, go ragi ni namaridogoana eu m̃elu pano.

Go e noa ki da, e naga, Nasaralomauana animu wai? Go eu mataku po maga, po dum̃ada noa paki da, eu naga, Naata waia e pei sei, waina e dip̃a ki nalagi maga go noai, go eu dogo parati ki nia?

Go tea visari napua eu pei tea maga waina eu dogo; go diabolo e edaku umai, po dapelua navasaana m̃elu dua ki nap̃op̃oda, naga euga ta saralomau po da pei tea mautipauriana mau.

Nalakena te navatuna sikai e da pei tea surukiana mau, waina ega wo da pei tea mariana ega toko lina mau; go te navatuna sikai e da sili mau, waina ega wo da pei tea ataeana mau po umai paki lina.

Go ragi waina nagoroi wanogoe e punusi naga e da doko loku mau, e duruuru umai, po dowo pakitano naraena, po dogorogo narae ni narei mamau ki tea waina e pei nalakena e kisidogo e, go ki dapala waina e pei tea maripauriana m̃araverave. Go e noa ki nia, e naga, Lei, nasaralomauana anigo e po maripauri ko; p̃a vaki natam̃ateana pano.

Go eu rumai punusi a, po pulevule a, po naga, Nawota, nawota, tauga mate. Go e darapa, po pasa kasua ki nalagi go ki napeao maga ni noai: go eu matadorogo, go e dam̃ate.