ข้อพระคัมภีร์ยอดนิยมจาก LUKA 24

แบ่งปัน

Go kuga leo, kinau a dip̃aki lua paloti nasaiana ki Tamagu ega toko mu doko: ma nimu kuga toko natokoana pa pa kuga wo pei tea sugoroana ki nakasuaana waina e pae elagi umai.

E da doko nea mau, ma e po duleana: kuga midoaki dapala waina e pasa ki mu ragi waina e ko doko Calilea doko

Go namatada eu pei tea wolagatiana, go ero leo atae a; go e puoli m̃elu dua ki navunusiana adeada pano. Go ero dum̃ada noa ki da, ero naga, Nap̃op̃ogida e da do soro nap̃alaugida, ragi waina e do pasa ki gida napua, ragi waina e do manigida p̃olagati navasaana midiriana maga kite.

go e noa ki da, e naga, E dapala waia pei tea midiriana, naga Kristo ega sua navitinuana ni namateana, po moro duleana m̃elu dua ki tea mate maga naaleatia ketolu; go naga namidoakidoaana go namidoakikorokoroana ni namarinaleosaana maga eroga vei tea rogorogokiana pae nagisana paki nalauna maga mamau puti, po atulake pae Yerusalem pa pa pa.

Go eu pap̃ai vatu e pei tea maluluakiana m̃elu dua ki matigo pano. Go eu paki ekopu, po da pap̃ai nap̃atoko ni Nawota Yesu mau.