ข้อพระคัมภีร์ยอดนิยมจาก Мәтта 6

แบ่งปัน

Ле бәре пешьн ль Пʼадшатийа Хԝәде бьгәрʼьн у бькьн кӧ рʼастийа Ԝи бьԛәдиньн у әԝ һʼәмуйе ԝәрʼа бенә дайине.

Иди бона рʼожа сьбе хәма нәкьн, чьмки рʼожа сьбе ԝе бона хԝә хәма бькә. Хәмед рʼоже бәси ԝе нә.

Ләма әз ԝәрʼа дьбежьм, бона әʼмьре хԝә хәма нәкьн, кӧ һуне чь бьхԝьн у чь вәхԝьн, нә жи бона бәдәна хԝә, кӧ һуне чь ль хԝә кьн. Нә әʼмьр жь хԝарьне ԛимәттьр ә у бәдән жи жь кʼьнща?

Ле чахе тӧ дӧа дьки, бькʼәвә ода хԝә, дәри ль хԝә бьгьрә у Баве хԝәрʼа кӧ найе дитьне дӧайе хԝә бькә. У Баве тәйи тьштед кӧ тӧ дьзива дьки дьбинә, ԝе һәԛе тә бьдә тә.

Ле һун аһа дӧа бькьн: ‹Баве мәйи Әʼзмана! Наве Тә пироз бә, Пʼадшатийа Тә бе, әʼмьре Тә бә, чаԝа ль әʼзмен, ӧса жи ль сәр әʼрде.

Нане мәйи рʼоже рʼож бь рʼож бьдә мә.

Дәйнед мә бьбахшинә, чаԝа кӧ әм дьбахшиньнә дәйндаред хԝә.

У мә нәбә щерʼьбандьне, ле мә жь йе хьраб хьлаз кә, чьмки пʼадшати, ԛәԝат у рʼумәт йед Тә нә, һʼәта-һʼәтайе. Амин›.

Һәгәр һун нәһәԛийед мәрьвайә һьндава ԝәда кӧ дькьн бьбахшиньн, Баве ԝәйи Әʼзмана жи ԝе ԝә бьбахшинә.

Дина хԝә бьдьнә тәйрәдед әʼзмен. Әԝана нә дьрʼәшиньн, нә дьдьрун у нә жи әʼмбарада дьщьвиньн, ле Баве ԝәйи Әʼзмана рʼьсԛе ԝан дьгьһинә. Нә һун жь ԝан ԛимәттьр ьн?

Ль сәр дьне хьзне хԝәрʼа нәщьвиньн. Ль ве дәре зәнг у бьзуз хьраб дькьн у дьз дәрәвәдькьн дьдьзьн. Ле хьзне хԝәрʼа ль әʼзмен бьщьвиньн. Ль ԝе дәре зәнг у бьзуз хьраб накьн у дьз жи дәрәвәнакьн надьзьн. Чьмки хьзна тә кʼидәре бә, дьле тә жи ԝе ль ԝе дәре бә.

Тʼӧ кәс нькарә дӧ ахарʼа хӧламтийе бькә, чьмки йан ԝе һʼиле ԝи жь йәки һәрʼә у йе дьне һʼьз бькә, йан жи ԝе ԛәдьре йәки бьгьрә у йе дьне беһӧрмәт кә. Һун нькарьн һьн Хԝәдерʼа, һьн жи һәбукерʼа хӧламтийе бькьн.

Һәгәр гиһайе чоле, кӧ иро һәйә у сьбе давежьнә нава егьр, Хԝәде ӧса дьхәмьлинә, ле чьԛас зедә ԝе ль ԝә кә, кембаԝәрно?

Ле чахе тӧ хера дьки, бьра дәсте чʼәпе ньзаньбә дәсте рʼасте чь хер кьр, кӧ херед тә дьзива бьн. У Баве тәйи тьштед кӧ тӧ дьзива дьки дьбинә, ԝе һәԛе тә бьдә тә.

Һаш жь хԝә һәбьн, кӧ һун ԛәнщийед хԝә бәр мәрьва нәкьн, ԝәки жь ԝан бенә кʼьфше. Йан на, һун жь Баве хԝәйи Әʼзмана һәԛ настиньн.

Гава кӧ һун рʼожи дьгьрьн, мина дӧрʼуйа мәʼдәкьри нибьн. Әԝ мәʼде хԝә дькьн, ԝәки мәрьв бьзаньбьн кӧ әԝ рʼожи нә. Әз рʼаст ԝәрʼа дьбежьм, кӧ ԝана һәԛе хԝә стандийә. Ле чахе тӧ рʼожи дьгьри, сәрчʼәʼве хԝә бьшо, сәре хԝә шә кә, ԝәки мәрьв ньзаньбьн кӧ тӧ рʼожи йи, ле тʼәне Баве тәйи кӧ найе дитьне заньбә. У Баве тәйи тьштед кӧ тӧ дьзива дьки дьбинә, ԝе һәԛе тә бьдә тә.