ข้อพระคัมภีร์ยอดนิยมจาก Luuk 17

แบ่งปัน

Ŋɩɩ nɛ Yesu bʋla pɩ baal-la, “Sii a viiri, ŋ sɩ laa Wɩa dii nɛ ŋaa ŋ duori.”

Dɩ ʋ nɛ ŋaa wɩɩ cheyiŋ aŋ kʋ bʋla pɩŋ arɩ ʋ cheye nɛ, a ŋaa ŋɩɩ a yi naansɩɩŋ bʋlɩpɛ chɛ-bala, joŋo chɛʋ.”

Ba tʋɔŋ dɔŋɔ sɩ na dɩ ʋ duoro, ʋ mɩɩrɛ a faasa dɩdɛnnɛ Wɩa. Ʋ mʋ Yesu teeŋ a tuu tele chu Yesu sɩpaaŋ a lɔllʋ. Baal-la fa ŋaa Samarɩa tɩɩna nɛ.

Má pɔ ma tɩtɩa lɛ. Dɩ ŋ naambie nɛ ŋaa wʋbɔŋ, ŋaa goŋ ʋ nyuŋ. Dɩ ʋ nɛ sɩ ʋ cheye nɛ, joŋo chɛʋ.

Ŋɩɩ nɛ Yesu pɩɛsʋ, “Nɩaa fii dee mɩ vaarɛɛ? Nɩɩ nɛ nibi-la hɛ?

Ŋɩɩ nɛ La Tɩɩna Yesu bʋla pɩba, “Dɩ ma laa diiniŋ nɛ fa magɛ kʋŋ biiŋ ba sɩɩ yɩrɛ masɩtad, ma fa jaŋ wuo bʋla pɩ tɩa dɩ ʋ churi ʋ tɩtɩa lɛ a mʋ chɔnsɛ mʋgʋ-balɩŋ tʋɔŋ. Ʋ fa jaŋ to ma niiŋ lɛ a ŋaa ŋɩɩ.”

Nɩɩ-la kala sɩɩ walɩmɛ dɩ ʋ laa ʋ mɩɩsɩŋ, ʋ jaŋ joŋo ta. Nɩɩ-la kala ma sɩ joŋ ʋ mɩɩsɩŋ ta, ʋ jaŋ laa ʋ mɩɩsɩŋ.

Yesu bʋla pɩ ʋ harɩ-tooroo, “Wɩalɩŋ sɩ jaŋ leŋ dɩ nɩaa ŋaa wʋbɔmʋŋ jaŋ hɛ nɩmɛ. Ama wɩɩŋ puu nɩɩ-la lɛ wɩalɩŋ sɩ to kɔ. Dɩ ba nɛ joŋ nɔmʋŋ a vɔɔ laalɛ ʋ baŋŋaa lɛ a joŋu yuo hɛ mʋgʋ-balɩŋ tʋɔŋ dɩ ʋ nyʋa lɩɩŋ a sʋʋ, ŋɩɩ nɛ kpɩa ʋ sɩ jaŋ ŋaa dɩ hambiisiŋ deemba tʋɔŋ kʋbala ŋaa wʋbɔmʋŋ.

Bʋa-la lɛ mɩ-na Nuhuobiine Bie sɩ jaŋ mɩɩra kɔ, ʋ jaŋ nagɛ bʋa-la lɛ Nowa fa sɩ hɛ ʋ mɩɩsɩŋ lɛ. Bʋa-la lɛ nɩaa faa dii kʋdiilee nɛ a nyʋnyʋa kɩaa, haalaa arɩ baalaa ma jɩjaa dɔŋɔ a mʋ yi tapʋlɩɩ-la Nowa fa sɩ jʋʋ lɩɩŋ daboro-la tʋɔŋ. Ka lɩɩŋ kʋ pɛllɛ paa nɩalɩŋ dɔnsʋŋ kala, ba sʋʋ.